Lèv. 10:6 - Ma Zhiklè

⁶ Te deɓaʼa Moise a ngaɗa na Aaron a wudahi nengaʼa, Eleazar a Ithamar: Kin sha gèɗ bai, kin kuratseda maslaka kinè aussa bai, man bai kin metsi kinè, a ndzoan Zhiklè a shkè a géɗ mpi ndohi tèlèba. Aman kramamhi kinè, ndohi Israel tèlèba, tengaʼa ta slaha ta kuɗai a géɗ vogwa man Ndo nzi pèc pècèk a vatsa a haha.

Lèv. 10:6 ပူးပေါင်းရင်းမြစ်များ

II Samuel 24:1

A ndav Ndo nzi pèc pècèk a ndza na worworaʼa zaʼa a géɗ ndohi Israel, a mpoko na géɗ auda a David a géɗ tengaʼa, a ngaɗa: Do, da nger ta ndohi Israel, a ndohi Juda!

Esdras 7:5

te verzi Abishua, te verzi Phinées, te verzi Elèazar, kra Aaron, ndo mvi skwi a Zhiklè.

Exode 33:5

A Ndo nzi pèc pècèk a ngaɗa na Moise: Gada ta ndohi Israel: Kinè ndohi man kin tsena gèɗ bai. Aman i do do a ndev kinè, a i nzi te ndev kinè kèshkata genè, ar i gedas kinè ma. Anai va-peda skwi wi kinè a hai, a i da rka skwi man i da ga kinè.

Exode 6:23

Aaron a nco Elishéba, dem Amminadab, demam Nachson, a ngwoz na. A nya na Nadab, Abihu, Eleazar a Ithamar.

Jérémie 7:29

Shè gèɗ ngaya, a ka wusheda gwots aussa, a ka gu wobau! Aman Ndo nzi pèc pècèk a nkwol ta ndohi man ta poko na gèɗ ndav auda.

Lèv. 13:45

Ndo hutsoɗ man hutsoɗ a va, da feda maslaka nkuratsa a va, da sha gèɗ na, da paɗama na ma, a bozozom tèlèba, da boho: Nlizhèa, nlizhèa!

Michée 1:16

Sha gèɗ ngaya, a gèɗ wudahi ngaya man ka woy ta. Nza a gèɗ ndoy-ndoyaʼa ara mohodok; aman ta da jèke ka, ta da hel ta a ɓèlè.

Nombres 1:53

Aman ndohi Lévi da mana a tsagi gi nkezlaʼa, man bai ndzoan ga a shkè a géɗ mpi ndohi Israel. Ndohi Lévi da gu mizlinè te gi nkezlaʼa arsa!

Nombres 14:6

Josuè, kra Nun, a Caleb, kra Jephunné, te va ndohi man ta zeɓkoɗi kokwar, ta kuratseda maslaka ta aussa.

Nombres 16:22

Aman ta kalahi a deɓ sak nengaʼa, a ta gada: Zhiklè! Zhiklè man ka vi nshèffè a ndo tèlèba. A géɗ man ndo staɗ a ngau malai, ka gi ndav a géɗ mpi ndohi tèlèba dè?

Nombres 18:5

Va-wara na di a mizlinè a sam nkezlaʼa, a sam mvi skwi a Zhiklè ba, a ndohi Israel ta ngècè ndzoan Zhiklè te deɓaʼa asaɓai.

Nombres 20:25

Co Aaron a Eléazar, kra nengaʼa, a ka de ta a géɗ za Hor.

Nombres 5:18

Te deɓaʼa ngwoz da zlatsa a sam Ndo nzi pèc pècèk, a ndo mvi skwi a Zhiklè da proko na salabi auda te gèɗ, da va na skwi man ta va na Zhiklè a gèɗ srak, a skwi man ta va na, aman a hér malai, a ri na. Ndo mvi skwi a Zhiklè a iyam mphomdaʼa man wobau a géɗèʼa, te rai.

Deutéronome 33:9

nengaʼa man a goɗ a géɗ bab na a mam na: I sen ta ɓai, man a mfa ta gèɗ a kramamhi na ɓai, a sun wudahi na ɓai. Tengaʼa ta co ma ngaya a ta dzodzor nderzlè-ma ngaya.

Josué 22:18

A patsna kin woy a kin jèkeda Ndo nzi pèc pècèk dè? Te deɓaʼa a gèɗ man kin Sala na va a gèɗ, Ndo nzi pèc pècèk a da gi ndav a géɗ mpi ndohi Israel tèlèba.

Josué 22:20

A pats man Acan, kra Zérach, nco skwi man Zhiklè a phomda, a metsar, Zhiklè a ngu ndav a géɗ mpi ndohi Israel tèlèba ka bi dè? Nengaʼa staɗgenè ka ɓai, man a mets na a géɗ mali na a haha.

Josué 7:1

Aman ndohi Israel ta gu maharam skwi mphomdaʼa: Acan, kra Carmi, te verzi Zabdi, te verzi Zérach, gwoli Juda, a nco te va skwi mphomdaʼa kètè. A Ndo nzi pèc pècèk a ngu ndav a géɗ ndohi Israel.

Josué 7:11

Israel a ngu malai! Ta tawaɗaha nderzlè-ma nga, a ta co te va skwi mphomdaʼa. Ta gu metsar, ta ngheda, a ta peda a va kolongwi tengaʼa.