Lèv. 10:3 - Ma Zhiklè

³ A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Lèv. 10:3 ပူးပေါင်းရင်းမြစ်များ

Genèse 18:25

Ka da gu arsa ɓai; aman ka keɗa ndo nzuraʼa a nda ndo mali bai, a ndikè-ma ndo nzuraʼa a ndikè-ma ndo malai da gu lèmèlèmè ɓai; ka gu arsa ɓai! Nengaʼa man a ga na kita a herkeda tèlèba, a ga na kita nzuraʼa azɓi dè?

Job 2:10

A Job a ngaɗa na: Ka gèɗ ma ara ngwozi nrzlaʼa. Aman nga ngots skwi man amba te ri Bi Zhiklè, nga cè skwi ambaɓiaʼa ba azɓi dè? Te skwi haha tèlèba Job a nʼnga mali te ma na ɓai.

Psaumes 119:120

Zlau ngaya a slambaɗday gwots gelaki a va; i gi zlau kita ngaya.

Psaumes 148:14

a nengaʼa a da gi nʼnjèl ndohi nengaʼa a mbiaʼa. Ndohi Zhiklè tèlèba ta da shid gèɗ a géɗ nengaʼa, a ndohi Israel tèlèba, a ndohi man ta a tsagi ta. Alléluia!

Psaumes 39:10

I nza tètèʼa, i woy a i winè ma ga asaɓai. Aman ka, ka ngau.

Psaumes 39:9

Mbelyè auda te ri malihi ga tèlèba. Ka gu a ndohi falihai a ta ngwossahayè ɓai!

Psaumes 46:10

a til ma var tʼherkeda tèlèba, a pasla lèkèɗ, a pasla tsakwal, a peda gambar a vogwa.

Psaumes 89:7

Te giɗfèk ngar Zhiklè wa? Te va golahi Zhiklè, ngar Ndo nzi pèc pècèk, wa?

Psaumes 93:5

Skwi malwuɗi ngaya zuraʼa a vava. Sèi ta rka gi ngaya ara gi nkezlaʼa, Ndo nzi pèc pècèk, a mèdèp.

Exode 14:17

I woy a i sassaya ndav ndohi Egypte, a ta hi a verzi tengaʼa, a i ngreda nʼnjèl ga auda a sam Pharaon, a sam kiki var nengaʼa, a sam ndohi plèshi nengaʼa.

Exode 14:4

A i woy a i sassaya ndav Pharaon, a nhi a verzi tengaʼa, a i ngreda nʼnjèl ga auda a sam nengaʼa, a sam ndohi var nengaʼa tèlèba. Ndohi Egypte sèi ta da suna, i Ndo nzi pèc pècèk. A ndohi Israel ta gu arsa.

Exode 19:22

A ndohi mvi skwi a Zhiklè ba, man ta slaha ta herda na va a Ndo nzi pèc pècèk, sèi ndav ta a ntila, a géɗ man Ndo nzi pèc pècèk a da bazl ta.

Exode 19:24

A Ndo nzi pèc pècèk a ngaɗa na: Do a hai, a ka da shkè a géɗ za zaʼa, kinè a Aaron. Aman ndohi mvi skwi a Zhiklè, a ndohai, sèi da herde va bai, ta dè a géɗ za a sam Ndo nzi pèc pècèk azbai, a géɗ man ta da bèzl ta.

Exode 30:30

A ka faɗa ta mbar a gèɗ a Aaron a wudahi nengaʼa, a ka pe ta a mizlinè Zhiklè, a ta gi a ndohi mvi skwi a Zhiklè.

Esaie 39:8

Ezéchias a ngaɗa na Esaie: Ma Ndo nzi pèc pècèk man ka mendayè, amba. A ngoɗ te gèɗ na: A pats nshèffè ga tèlèba, gumi a vava a zhè.

Esaie 49:3

A ngaɗayè: Ka Israel, ɓèl ga, i ngreda nʼnjèl ga te ka.

Esaie 52:11

Vo-do kinè! Vo-do kinè! Va-jèkeda sam haha! Kin lama na skwi nlizhèʼa ɓai! Vo-do auda te ndev tengaʼa! Va-pana ri kinè man kin zhüɓ kolongwi Ndo nzi pèc pècèk!

Ezéchiel 20:41

Aman kin ndaray skwai a zhkèhayè, i ce kinè a pombai, aman i da helka kinè auda te ndev ndohi nte deɓa, a i ɓicka kinè a deɓa te kokwar man i venda kinè gèɗ a pa. A i woya a i ngreda va ga auda a sam kinè, I Zhiklè nkezlaʼa, a sam di ndohi nte deɓa.

Ezéchiel 28:22

Ka gaɗa: Bi Zhiklè a ngoɗa: Di man a ngaya ma, Sidon! I da njèl va ga a sam ngaya, a ta da suna, i Ndo nzi pèc pècèk, aman i da ga na kita, a i ngra na, i Zhiklè nkezlaʼa.

Ezéchiel 38:16

a ka da shkè, a ka da gi var a Israel, ndohi ga, ara dzarai, syem pats. A pats ndikè-ma skwai i da zlinde ka a géɗ ndohi ga, a ndohi herkeda ta da senyè, aman i da ngrédè va ga auda a sam di ta a nda ka, iyè, i Zhiklè nkezlaʼa.

Ezéchiel 40:46

Aman gi te civèɗ man a géɗèʼa, man ndohi mvi skwi a Zhiklè ta gi mizlinè a sam mvi skwi a Zhiklè. Tengaʼa wudahi Tsadok, te va wudahi Lèvi, man ta herda na va a Ndo nzi pèc pècèk, a ta gi mizlinè nengaʼa.

Ezéchiel 42:13

A ngaɗayè: Gihi te man a géɗèʼa, a gihi te man a dukwaɗ, zuraʼa a dalmagai, nasa gihi nkezlaʼa, man ndohi mvi skwi a Zhiklè, man ta herda na va a Ndo nzi pèc pècèk, ta ndi skwi nkezli nkezlaʼa man ta zla na Zhiklè. Skwi nkezli nkezlaʼa man ta zla na Zhiklè: movar, skwi a géɗ malai, a gèɗ mphömè, sèi ta peda a pa, te man nengaʼa sam nkezlaʼa.

Lèv. 21:15

Da durɗo verzi ndohi na, a gwoli na bai! Aman iyè Ndo nzi pèc pècèk man i gaʼa a ndo nkezlaʼa.

Lèv. 21:17

Gada na Aaron aranta: Aman pats ngiɗè, staɗ te verzi ngaya, bololo ndo, da gu mizlinè mvi skwi a Zhiklè bai, da herda va a va na movar a Zhiklè na bai.

Lèv. 21:21

Te verzi Aaron, ndo mvi skwi a Zhiklè, ndo man bololo ndo a slaha a nherda va, a va na skwi a Ndo nzi pèc pècèk te vogwa, bai. Bololo ndo; a gèɗ nengaʼa man a slaha a nherda va, a va na movar a Zhiklè na, azbai.

Lèv. 21:6

Tengaʼa ndohi nkezlaʼa a sam Zhiklè ta, a ta dérɗè nzlembaɗ Zhiklè tengaʼa azbai; te man ta va na skwi a Ndo nzi pèc pècèk te vogwa, movar Zhiklè ta; gar haha sèi ta nzi ara ndohi nkezlaʼa.

Lèv. 21:8

Gar haha sèi ka rka ndo mvi skwi a Zhiklè ara ndo nkezlaʼa; te man a vi movar a Zhiklè ngaya. Da nza a sam ngaya ara ndo nkezlaʼa, te man iyè, i kezla, Ndo nzi pèc pècèk, man i ga kinè a ndohi nkezlaʼa.

Lèv. 22:9

Sèi ta jèjèr ma kita ga, a ta fi mali a gèɗ ta azɓai a géɗ skwi nkezlaʼa, man ɓai ta metsi ta, te man ta derɗaʼa. Iyè Ndo nzi pèc pècèk, man i ga ta a ndohi nkezlaʼa.

Lèv. 8:35

Sèi kin nzi a ntamagi gi mɓicè-va mʼmèn tsaraɗ, a pats a vad, a kin dzodzor ma nkwèr Ndo nzi pèc pècèk, man ɓai kin metsi kinè. Aranta Ndo nzi pèc pècèk a njèy a gèɗ.

Nombres 16:5

A ngaɗa na Koré a ndohi man ta humda na va a gèɗ tèlèba: Ango-slèm a prèk. Ndo nzi pèc pècèk a da pèrè ndohi nengaʼa auda, a da ngredè auda, ndo man nkezlaʼa, ndo man a slaha a nherda na va, tengaʼa man a mpar ta.

Nombres 20:12

Ndo nzi pèc pècèk a ngaɗa na Moise a Aaron: A géɗ man kin fu gèɗ a ma ga ɓai, a kin slebardyè a sam di ndohi Israel a vna ɓai, kin da ndikèda ta ndohi haha a kokwar man i va ta azɓai.

Matthew 10:37

Ndo man a woy bab na a mam na, a fena iyè, nengaʼa ndo ga ka ɓai. Ndo man a woy kra na a dem na, a fena iyè, nengaʼa ndo ga ka ɓai.

Jean 12:28

Bab ga, nzala nzlembaɗ ngaya! A ngèɗè staɗ a ntsenkaɗi te zhiklè: I nzalaʼa ma, a i woya man a i nzalaʼa a vaʼa.

Jean 14:13

A skwi ko mèmè kin jhèɗè a nzlembaɗ ga, i giaʼa, a ta slébèrdè Bab ga te kra na.

Deutéronome 32:51

A géɗ man kin lèɓèslè ɓai te ndev ndohi Israel, a ma iyam Meriba, te Kades, tʼhèshèkèɗ Tsin, a géɗ man kin slebardyè ara Zhiklè nkezlaʼa te ndev ndohi Israel ɓai.

2 Thessalonians 1:10

Aman pats nasa a mshkè ma, a ngudko va a dai, a ndohi Zhiklè nkezlaʼa ta nzalaʼa, a ndohi man ta co a ndav, ta slébèrdèʼa, a nda kinè te man skwi man nga ngreda kinè, kin co a ndav.

1 Peter 4:17

Tiɗè sama ma, aman kita Zhiklè a hinè a sam ndohi gi nengaʼa. Aman a hüno a sam nga, ndohi Zhiklè, aranta, a da gi a sam ndohi man ta co ma mbelaʼa Zhiklè a ndav ta ɓai, kè?

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.

I Samuel 3:18

A Samuel a nʼngreda na tèlèba, a nʼngheda skwa ɓai. Eli a ngaɗa: Nengaʼa Ndo nzi pèc pècèk. Da gu ara man ambaha.

I Samuel 6:20

Ndohi Beth-Shémesh ta gaɗa: Nslaha a nzlècè a sam Ndo nzi pèc pècèk, Zhiklè nkezlaʼa haha wa? Da da koti haha a ma? A ndè auda a sam nga.