Lèv. 1:10 - Ma Zhiklè

¹⁰ Aman a ndara na skwi nkèshèa, ko tambak, ko ɓok, da vau te va mazawalaʼa, suɗekɗekaʼa.

Lèv. 1:10 ပူးပေါင်းရင်းမြစ်များ

Genèse 4:4

Abel ba a mva na te va tsuvom rèwè skwi na, a mbezaʼa. Abel, a skwi man nengaʼa a mva na Ndo nzi pèc pècèk, ambaha.

Genèse 8:20

A Noé a nrom sam mvi skwi a Ndo nzi pèc pècèk. A nco te va skwi man Zhiklè a sla na mpanaʼa, te va ɗiakihai man Zhiklè a sla ta mpanaʼa, a ndarda a vogwa a sam mvi skwi a Zhiklè.

Exode 12:5

Skwi slavslav kata, man mvi stadgenè, ko kra tambak, ko kra ɓok.

Ezéchiel 43:22

Pats macecèwaʼa ka da vi mazawal nsuɗekɗekaʼa, a géɗ malai, a ka cè na mali auda a sam mvi skwi a Zhiklè, lèmèlèmè ara marai, a nce na mali auda.

Lèv. 14:10

A pats matsamakaɗaʼa da hul wud droki cèw, suɗekɗekaʼa, a dem tambak, mvi 1, suɗekɗekaʼa, a gufa agoda 6, a mbar htok 1.

Lèv. 16:3

Aman Aaron a dè a pa, a sam nkezlaʼa, sèi man a vi gol marai a géɗ malai, sèi man a da ndarayè drok.

Lèv. 16:5

Te deɓaʼa da hul mazawalhi cèw a sam mpi ndohi Israel, a géɗ malai, da ndarayè drok.

Lèv. 22:19

da vau skwi man Zhiklè a wuffè a géɗèʼa: skwi te va mazawalhiaʼa, ko marai, ko drok, ko mazawal, nsuɗekɗekaʼa.

Lèv. 23:12

A pats man kin geda na gèɗ a nkèl-dau a sam Ndo nzi pèc pècèk, va-va na kra tambak staɗ, nsuɗekɗekaʼa, mvi staɗ, a kin ndara na Zhiklè,

Lèv. 3:1

Aman ndo a va na skwi a Zhiklè te pombai, da va na zlè, ko marai, ko zlè, da cko skwi nsuɗekɗekaʼa a sam di Ndo nzi pèc pècèk.

Lèv. 4:23

te deɓaʼa a suna a ngaɗa i gu malai, da vau mazawal nsuɗekɗekaʼa.

Lèv. 4:3

Aman ndo ngu mali sa, ndo mvi skwi a Zhiklè, man ta bada na mbar a gèɗ, a nkalde ta ndohi a malai a vna, da va na gol marai nsuɗekɗekaʼa a Ndo nzi pèc pè-cèk, a géɗ malai man a gau, nasa skwi man a va na Zhiklè a géɗ malai.

Lèv. 5:15

Aman ndo ngiɗè a mberceha skwi nkezlaʼa man ta va na Ndo nzi pèc pècèk, nsenaha ɓai, da pul gèɗ a Ndo nzi pèc pècèk, a drok staɗ te va rèwè, nsuɗekɗekaʼa, te di Suli nkezlaʼa, a skwi man a vi a skwi mpil gèɗ.

Lèv. 9:2

a ngaɗa na Aaron: Cko kra zlè a gèɗ va ngaya, a gèɗ malai, a drok, da ndara na Zhiklè, cèw cèw ba nsuɗekɗekaʼa, a ka va na Ndo nzi pèc pècèk!

Mal. 1:14

Ndo nʼngwèdè ndo da phom na; mazawal te va skwi nengaʼa, man a gaɗa a va na Ndo nzi pèc pècèk; a vokoy skwi nhezakaʼa èhèmè? Iyè, i bi mbiaʼa, Zhiklè bi mbiaʼa a gaɗa. Nzlembaɗ ga mbiaʼa a sam ndohi herkeda.

Nombres 15:5

A géɗ skwi nsi man kin va na Ndo nzi pèc pècèk, ko man kin ndara na skwi a Zhiklè, ko kin zlaha na skwi a Zhiklè, a géɗ kra tambak staɗ staɗ tèlèba, koloba staɗ.

Nombres 19:2

Nasa ma kita man Ndo nzi pèc pècèk a mvau, a gaɗa: Gaɗa ta ndohi Israel, aman ta woyko zlè nsuɗekɗekaʼa, ntevaʼa, va nengaʼa ndzwoɗaɗaʼa, man ta va na wof a daʼai di ɓai.

Nombres 6:14

da zla na skwi a Ndo nzi pèc pècèk: tambak mvi staɗ, nsuɗekɗekaʼa, a ndara na Zhiklè. Dem tambak, mvi staɗ, nsuɗekɗekaʼa, a géɗ malai. Drok staɗ, nsuɗekɗekaʼa, te nshid gèɗ.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

1 Peter 1:19

aman pombaz Kristi nzalaʼa, nara kra tambak man mohtsomb skwi ka ɓai.