Lamentations de Jérémie 4:9 - Ma Zhiklè

⁹ Dara ndohi man ta bazl ta a tsakwal, a géɗ man mi a mbazl ta, man ta tiɗ ta a mai, a ta bazl ta a géɗ man skwi nʼndi azɓai.

Lamentations de Jérémie 4:9 ပူးပေါင်းရင်းမြစ်များ

Ezéchiel 24:23

Kin pèdè gèɗ kinè, kin pi kotokoroh a sak kinè, kin tsi lalau azɓai, kin kuɗi azɓai; aman kin zi kinè a gèɗ mali kinè, a kin pi di a va a kin rzl kinè a pa.

Lèv. 26:39

Aman njèkèdia te ndev kinè ta da gedas ta te kokwar mayamhi kinè, a géɗ mali tengaʼa, a mali bab ta man a zhè a gèɗ ta. Sèi ta gedas ta.

Ezéchiel 33:10

Ka, ndo, gaɗa ta ndohi Israel: Kin gèdè ar haha: Mphömè nga a mali nga ta nza nga a gèɗ, a nga metsi nga a géɗ nengaʼa. Nga slalia nga nzi a nshèffè dè?

Jérémie 16:4

Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Exode 16:3

A ndohi Israel ta gada ta: Dara nga da mbazla nga te ri Ndo nzi pèc pècèk te kokwar Egypte, a sam man nga ngots zluèɗ a skwi nʼndai a vata. Kin helka nga auda a hèshèkèɗ, aman ndohi tèlèba ta tiɗè ta a mai.

II Rois 25:3

Te ki mafadaʼa, te mʼmèn 9, mi a zhè te kokwar mbiaʼa ma, a skwi nʼndi ndohi kokwar klèng ma.

Deutéronome 28:51

Ta da ndi wud rèwè ngaya, nyi herkeda ngaya, ha ka gedassa. Ta jèka ka dau azɓai, marori a mbar a skwi gai mbiaʼa a nkèshèa azɓai, ha ta zede ka.

Esaie 22:2

Kinè ndohi kokwar man kin gi yaw-yawaʼa, kin hèzlèwè, kin wuffè kumba. Ndohi kinè man ta bazlaʼa, ta bazla a tsakwal ka ɓai, ta bazl ta a sam var ka ɓai.

Ezéchiel 4:16

A ngaɗayè: Ka ndo, i cèma ta movar auda te ma ndohi Jérusalem. Ta ngècè movar man ta livè tʼhwaɗ ri tʼhwaɗ rai, a ta kuɗi a pa. Ta da si iyam man ta livè a ndèlèk, a ta nzi a zlau.

Ezéchiel 7:15

Tsakwal tʼuda, gidiɓèr a mai te gai. Ndo man a zhè te dak, ta da kéɗèʼa a tsakwal. Ndo man a zhè tʼhwaɗ kokwar, mai a gidiɓèr a da kéɗèʼa.