Lamentations de Jérémie 2:4 - Ma Zhiklè

⁴ A nlata lèkèɗ na ara ndo mayam, a nzlatsa ara ndo ngi matakwan, a ngedassa skwi man kokwar Sion a wuffè a gédèʼa te gi na tèlèba, a nkoldko ndzoan a hai ara vogwa.

Lamentations de Jérémie 2:4 ပူးပေါင်းရင်းမြစ်များ

II Chroniques 34:21

Vo-do, vo-dzhoɗo a sam Ndo nzi pèc pècèk a géɗ ga, a géɗ njèkèɗi ndohi Israel a Juda, a géɗ ma ɗèlèwèr haha man ta ngotso. Aman Ndo nzi pèc pècèk a gi ndav kumba a géɗ nga, a géɗ man babhi nga ta dzadzara ma Ndo nzi pèc pècèk ɓai, a ta ga skwi tèlèba ara man ta windeda ɗèlèwèr haha ɓai.

II Chroniques 34:25

A géɗ man ta jèkyè, a ta ndèr ɓurdi a zhiklèhi mʼmbèh skwai, a ta pokoy gèɗ ndav auda a skwi man ta gu a ri ta, a i gu ndav a géɗ sam haha, a ndav ga a mènèhi azɓai.

Job 19:11

Ndav nengaʼa a dza na worworaʼa a gèɗ ga, a rkayè ara ndo mayam na.

Job 6:4

Sulom Bi Zhiklè man wuɗi na zhè, a dzayè, dèrè nengaʼa a ruɓyè te va. Bi Zhiklè a mpray zlau nengaʼa man wuɗitpa a va.

Psaumes 37:14

Ndohi ambaɓihiaʼa ta geda tsakwal, ta mèn lèkèɗ, a ta woy a ta bazl ta ndohi man ta gi skwi zuraʼa.

Psaumes 7:13

A vava ndo ambaɓiaʼa a tèsl tsakwal nengaʼa zaʼa, a lètè lèkèɗ nengaʼa zaʼa, a livèʼa.

Esaie 42:25

A géɗ nengaʼa a ga ta ndzoan a ndohi na, a matakwan var mwuɗitpa, a tèuda ta a pa ara nèʼèn vogwa, a fa na vogwa a skwi tèlèba; aman ta woy a ta hérè azɓai. Ko vogwa a nʼnde ta ma, ta héra te ndav ɓai.

Esaie 63:10

Aman tengaʼa ta slambaɗa na va, ta ɗawarama na ndav a Mèzhèɓ Zhiklè nkezlaʼa. A nengaʼa a nde na mayam ta, a ngu var a tengaʼa a ri na.

Esaie 63:6

I mbats ta ndohi herkeda a hi a sak a ndzoan ga. I kerd ta a pa a sak a ndav, a pombaz tengaʼa a nhu a herkeda.

Jérémie 10:20

Gi ga ngedassa, nciɓè gi ga mpasl na, wudahi ga azɓai, skwi kuɗom ga azɓai. Ntilay gi ga wa, mpelassa gi ga wa?

Jérémie 21:12

Ndohi gi David, Ndo nzi pèc pècèk a goɗ ar haha: Va-gu kita a prèk langa, va-mbela ndo man ndo ambaɓiaʼa a nga na wuɗai, auda te ri nengaʼa; man ɓai ndzoan ga a shkè auda ara vogwa, a da ndeda skwi a ma, ndo mʼmbècè azɓai, a géɗ maya kinè man ambaɓai.

Jérémie 21:5

Iyè a ri ga i da gi var a kinè, a ri ga ngedaʼa, a ri man wuɗi na zhè, a ndav a ndzoan a shèwa mbiaʼa;

Jérémie 30:14

Mandalahi ngaya, man ta woy ka, ka pca ta a gèɗ. Ta hér ka azɓai, te man i tse ka ara ndo mayam; i ngatsa ka maya mwuɗitpa, a géɗ maharam ngaya mbiaʼa, a géɗ mali ngaya mwuɗitpa.

Jérémie 36:7

Wa ngiɗè ba ta da kèlèhi a deɓ sak Ndo nzi pèc pècèk, a ta jèkeda civèɗ tenga ambaɓiaʼa, staɗ staɗ tèlèba, a ta menkaɗa deɓa. Aman Ndo nzi pèc pècèk a gi ndav kumba, a ndzoan man a guv ta ndohi haha a vna.

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Jérémie 7:20

Gar haha Bi Zhiklè Ndo nzi pèc pècèk a goɗ ar haha: I gi ndzoan ga mbiaʼa a géɗ sam haha, a géɗ ndohai, a géɗ skwi kuɗom, a géɗ wof te dak, a géɗ skwi man a ftskaɗauda tʼher-keɗa, ndzoan worworaʼa man a mbècè azɓai.

Lamentations de Jérémie 1:13

A nkoldkoy vogwa a gèɗ, a ndiyè kala hwaɗaʼa, a ngsay sak ga a hai a gadda, a nkaldyè a deɓa, a ngedassyè, a nkaldyè a matakwan.

Lamentations de Jérémie 2:5

Bi Zhiklè nʼngaʼa a mayam, a ngedassa Israel, a ngedassa gi bihi nengaʼa tèlèba, a ngedassa gihi ndakmaʼa, a mfaha nlèyè genè, nlèyè genè a kokwar Juda.

Lamentations de Jérémie 3:3

Iyè man a ntarayè ri a dai pèc pècèk.

Lamentations de Jérémie 4:1

Wobau, guro nlizh na, guro ndaɓalaʼa a si di asaɓai. Kwa mbelaʼa ta ksara tʼhai a civèɗ tèlèba.

Lamentations de Jérémie 4:11

Ndo nzi pèc pècèk a ga nga ndzoan a gèɗ tèlèba, a nkoldoko nga ndzoan a gèɗ, a nfa na vogwa a Sion, man a ndu verziaʼa ba.

Ezéchiel 13:13

Gar haha Bi Zhiklè Ndo nzi pèc pècèk a gaɗa: I da zlindè ndombozlor, a iyam nchè-nchè a ndzoan, a i gédèshè tèlèba a vandzal, a ndzoan ga.

Ezéchiel 20:34

I da helka kinè auda te ndev ndohi kokwar, i da ɓic kinè a deɓa te ndev kokwar man i ksar kinè a pa, a ri man wuɗi na zhè, a ri ngedaʼa, a ndzoan man i ga kinè.

Ezéchiel 22:22

Ara verzhègenè man ta tia te gezla, i da te kinè te Jérusalem, a kin gi a skwi man ta wèslè te gezla, a kin da suna, lyè Ndo nzi pèc pècèk, man i ga kinè ndzoan a va.

Ezéchiel 24:25

Aman ka, ndo, a pats man i cèma ta sam ta mbelaʼa, skwi man ta wuffè a gèɗ nengaʼa, a ta fi va a vna, skwi man ndav tengaʼa a woyaʼa, wudahi a dalahi tengaʼa,

Ezéchiel 36:18

A i ga ta ndzoan a va, a géɗ man ta keɗa ndo te kokwar, a géɗ skwi mbèh skwai man ta lizhèʼa a vna.

Ezéchiel 5:13

Aranta i rufa ndzoan ga, a i manda ndav ga a hai a sam ta. I gi srak. A ta da suna, iyè Ndo nzi pèc pècèk, i goɗa a ndav.

Ezéchiel 6:12

Ndo man dra, gidiɓèr a cè a ma. Ndo man ndul ndul, tsakwal a kéɗèʼa. Ndo man njèkaha, a tiɗè a mai. I pra ta ndzoan a gèɗ tèlèba.

Ezéchiel 7:14

Va-tsu tolom var, va-tilda va a hai! Aman ndo a dè var azɓai, a gèɗ man ndzoan ga a shkè a géɗ tenga tèlèba.

Lèv. 26:17

I ngwoda kinè gèɗ a va, a mayamhi kinè ta da dum kinè. Ndohi shèwa ta gi bi a gèɗ kinè, a kin hi kinè, ko ndo nha a verzi kinè ɓai.

Nahum 1:2

Ndo nzi pèc pècèk, nengaʼa Zhiklè srak, man a jhèɗè skwi mpil gèɗ. Ndo nzi pèc pècèk a jhèɗè skwi mpil gèɗ, a gi ndav worworaʼa.

Nahum 1:6

Nslaha a nzlècè a sam ndzoan nengaʼa wa? Nslaha a nʼnzi a sam ndav nengaʼa man a gi worworaʼa wa? Wuɗi ndzoan nengaʼa a zlèzlèmè ara vogwa, ko zahi ta wurzl ta a sam na.

Deutéronome 32:22

Ndav ga a vècè ara vogwa, a ndi skwi tʼherkeda tʼhai, a ndè a sam mʼmetsai, a ndi herkeda a ma a skwi man a ftskaɗa pa tèlèba, a fi vogwa a verzi za.

I Samuel 28:16

Samuel a ngaɗa: Aman Ndo nzi pèc pècèk a njèke ka ma, a kin gi mayam a vna ma, ka jhèdyè èhèmè?