Lamentations de Jérémie 2:3 - Ma Zhiklè

³ Wuɗi Israel tèlèba a ncedama a ndav, a mʼmenda ri na a deɓa a sam di mayam, man a nherda va. A ngedassa Jacob ara vogwa mbiaʼa man a nʼndeda ma.

Lamentations de Jérémie 2:3 ပူးပေါင်းရင်းမြစ်များ

II Chroniques 34:25

A géɗ man ta jèkyè, a ta ndèr ɓurdi a zhiklèhi mʼmbèh skwai, a ta pokoy gèɗ ndav auda a skwi man ta gu a ri ta, a i gu ndav a géɗ sam haha, a ndav ga a mènèhi azɓai.

Job 16:15

I feda maslaka sam kuɗa a va, i tseda gèɗ a hai a herkeda.

Psaumes 132:17

Te pa i da va na wuɗai a David, i va na skwi nhél sam a ndo man i faɗa na mbar a gèɗ.

Psaumes 74:11

Ka mendko ri mandi ngaya a deɓa èhèmè? Ka peda ri ngaya a ndav èhèmè?

Psaumes 75:10

Aman iyè i woy a i njè skwi haha a mèdèp. I woy a i sli dimèsh nslébèrdè Zhiklè Jacob.

Psaumes 75:5

I gaɗa ta ndohi man gèɗ ta za: Kin zeda gèɗ kinè ɓai! A i gaɗa ta ndohi ambaɓihiaʼa: Kin zlatseda drom ɓai,

Psaumes 79:5

Ndo nzi pèc pècèk, ngi ndav ngaya a nzi ta ahngwa? Srak ngaya holholaʼa haha a da ndikè ta ahngwa?

Psaumes 89:24

I woy a i mbatsaha ta ndohi mayamhi nengaʼa a sam di na, a i bazl ta ndohi man ta gi shèwa a nengaʼa.

Psaumes 89:46

Ka herdaha mvi gol nengaʼa, ka pa na hori a dai.

Esaie 1:31

Ndo mbiaʼa a da ndi lèmèlèmè ara kda gogumai, a mizlinè nengaʼa a da gi lèmèlèmè ara nwurcè vogwa. Cèw ba vogwa a da ndiaʼa, ndo mbècè vogwa azɓai.

Esaie 42:25

A géɗ nengaʼa a ga ta ndzoan a ndohi na, a matakwan var mwuɗitpa, a tèuda ta a pa ara nèʼèn vogwa, a fa na vogwa a skwi tèlèba; aman ta woy a ta hérè azɓai. Ko vogwa a nʼnde ta ma, ta héra te ndav ɓai.

Jérémie 21:14

I da ga kinè ara skwi man ambaɓai man kin gau, Ndo nzi pèc pècèk a gaɗa; i da fa na vogwa a sam nhèyè-wof kinè, a da ndeda sam a tsagiaʼa tèlèba a ma.

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 48:25

Moab klèng, ri nengaʼa mpasla, Ndo nzi pèc pècèk a gaɗa.

Jérémie 7:20

Gar haha Bi Zhiklè Ndo nzi pèc pècèk a goɗ ar haha: I gi ndzoan ga mbiaʼa a géɗ sam haha, a géɗ ndohai, a géɗ skwi kuɗom, a géɗ wof te dak, a géɗ skwi man a ftskaɗauda tʼher-keɗa, ndzoan worworaʼa man a mbècè azɓai.

Lamentations de Jérémie 1:13

A nkoldkoy vogwa a gèɗ, a ndiyè kala hwaɗaʼa, a ngsay sak ga a hai a gadda, a nkaldyè a deɓa, a ngedassyè, a nkaldyè a matakwan.

Lamentations de Jérémie 4:11

Ndo nzi pèc pècèk a ga nga ndzoan a gèɗ tèlèba, a nkoldoko nga ndzoan a gèɗ, a nfa na vogwa a Sion, man a ndu verziaʼa ba.

Ezéchiel 13:13

Gar haha Bi Zhiklè Ndo nzi pèc pècèk a gaɗa: I da zlindè ndombozlor, a iyam nchè-nchè a ndzoan, a i gédèshè tèlèba a vandzal, a ndzoan ga.

Ezéchiel 7:14

Va-tsu tolom var, va-tilda va a hai! Aman ndo a dè var azɓai, a gèɗ man ndzoan ga a shkè a géɗ tenga tèlèba.

Nahum 1:6

Nslaha a nzlècè a sam ndzoan nengaʼa wa? Nslaha a nʼnzi a sam ndav nengaʼa man a gi worworaʼa wa? Wuɗi ndzoan nengaʼa a zlèzlèmè ara vogwa, ko zahi ta wurzl ta a sam na.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Luke 1:69

A mva nga ndo mʼmbel ndo man wuɗi na zhè, te verzi David, ɓèl na,

Luke 3:17

Kokwi te ri na, aman a pèvè dau a hedak nengaʼa tèlèba. Dau a da ɓicè a wov nengaʼa, topok dau, a fa na vogwa man a mbècè azɓai.

Deutéronome 32:22

Ndav ga a vècè ara vogwa, a ndi skwi tʼherkeda tʼhai, a ndè a sam mʼmetsai, a ndi herkeda a ma a skwi man a ftskaɗa pa tèlèba, a fi vogwa a verzi za.