Lamentations de Jérémie 2:2 - Ma Zhiklè

² Bi Zhiklè a ngedassa sam nwèr skwi Jacob tèlèba, a sia te va azɓai, a mbeɗda zlazlar kokwar Juda a hai a ndav. Kokwar-bai a wud bihi nengaʼa a nkalde ta hai, a nderɗe ta.

Lamentations de Jérémie 2:2 ပူးပေါင်းရင်းမြစ်များ

Job 2:3

A Ndo nzi pèc pècèk a ngaɗa na madzagai: Ka rka Job, ɓèl ga, dè? Ndo ngiɗè ngar nengaʼa azɓai tʼherkeda. Ndo man amba zuraʼa, a ngu amba amba tèlèba, a gi zlau Bi Zhiklè, a woy skwi ambaɓiaʼa ɓai. Ko antanta ba a nzi taraʼa genè, te ngi-zuraʼa nengaʼa. Ka pokoy gèɗ auda, aman i da gedassa Job, ambalai.

Psaumes 21:9

Ri ngaya da par ta mayamhi ngaya tèlèba. Ri mandi ngaya da par ta tèlèba man ta ga ka shèwa!

Psaumes 74:7

Ta fa na vogwa a sam ngaya nkezlaʼa. Sam nʼnzi nzlembaɗ ngaya ta derdda hai.

Esaie 22:5

Pats man Bi Zhiklè bi mbiaʼa a mpra ta zlau a va, a nzler ta, a ndzakaɓ ta. Te slrats za Hinnom a mʼmbeɗa zlazlar, a ta tsi lalau a der za.

Esaie 23:9

Zhiklè bi mbiaʼa a nhur aranta, aman a gédèshè nfi va herkeɗa a skwi nengaʼa mbelaʼa tèlèba, a manda ta gèɗ a hai a ndohi mbibihiaʼa tʼherkeda.

Esaie 25:12

Zlazlar tengaʼa ngurèʼa, ndakmaʼa, a mʼmbeɗdahai, a ndumdahai, a ndedahai tohtohaʼa.

Esaie 26:5

Halau, a tsede ta ndohi nte géɗèʼa a herkeda. Kokwar falawaʼa nte géɗèʼa a mʼmbeɗdahai. A mʼmbeddahi a herkeda vènènèhnèhèʼa,

Esaie 27:11

Aman ntsatseriaʼa ngwora, ta pasledaussa. Ngwozi ta shkè a ta fa na vogwa. Aman ndohi haha ta tsena gèɗ ɓai, gar haha ta si Ndo nzi pèc pècèk man a ge ta, te va azɓai, Zhiklè nʼnge ta a va ta pombi azɓai.

Esaie 43:28

Gar haha bihi mizlinè Zhiklè, sèi i rka ta ara ndohi nderda Zhiklè. I jè-keɗa Jacob a ri a ndohi man ta phömdèʼa, a Israel a ri a ndohi man ta dérɗèʼa.

Esaie 47:6

I gu ndav a géɗ ndohi ga; i rka nʼndi-gi ga ara skwi mphomaʼa, i pa ka a rai. Ta se ka te va ɓai; ko babgai, ka kelawa na wof a daʼai.

Jérémie 13:14

Te deɓaʼa i tseda ta gèɗ, babhi a nda wudahi ta, Ndo nzi pèc pècèk a gaɗa. Ta da siyè te va azɓai, i jèke ta azɓai, i gedas ta, a laydyè asaɓai.

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 21:7

Ndo nzi pèc pècèk a gaɗa: Te deɓaʼa i da pe ta Sédécias, bi Juda, ɓèlèlihi nengaʼa, a ndohai, man ta mbelka ta auda te ri gidiɓèr, te ri tsakwal a mai, a ri a Nebucadnetsar, bi Babylone, a ri a mayamhi tengaʼa, a ri a ndohi man ta woy a ta zeda nshèffè ta. Ta da bazl ta a tsakwal, ta da hi azɓai, ta si ndo te va azɓai, ta pre ta azɓai.

Jérémie 5:10

Va-teva a zlazlar ta, va-gedassaʼa, aman kin ndeva tèlè ɓai! Va-slɗd ri wofhi ambaɓihiaʼa auda, man a Ndo nzi pèc pècèk ka ɓai!

Lamentations de Jérémie 2:17

Ndo nzi pèc pècèk a nrufa skwi man a huro, a ngu skwi man a nguv ta a vna halaʼa: A mbeɗdahai, a sia te va azɓai, a ngu aman ndo mayam a wuffè a géɗ nengaʼa, a mva ta wuɗi a ndohi nʼnga ka matakwan.

Lamentations de Jérémie 2:21

Gola a babgai ta manatʼhai a dal civèɗ. Dalahi ga a golahi ga ta bazl ta a tsakwal. Ka bazl ta a pats ndzoan, ka tsah ta, ta se ka te va ɓai.

Lamentations de Jérémie 2:5

Bi Zhiklè nʼngaʼa a mayam, a ngedassa Israel, a ngedassa gi bihi nengaʼa tèlèba, a ngedassa gihi ndakmaʼa, a mfaha nlèyè genè, nlèyè genè a kokwar Juda.

Lamentations de Jérémie 3:43

Ka gu ndzoan, ka paraha nga, ka keɗa ndo, nga se ka te va ɓai.

Ezéchiel 5:11

Gar haha, ara man a vava i zhè, Bi Zhiklè Ndo nzi pèc pècèk a gaɗa, a géɗ man ka lizhè sam ga nkezlaʼa a skwi mbèh skwi man hori te pa, i ba i woy a i kwol ka, i woy a i pi di mwoy-ndo azɓai, ta siyè te va azɓai.

Ezéchiel 7:4

I pi di mwoy-ndo azɓai, ka siyè te va azɓai, aman i ga ka kita ara civèɗ ngaya. Skwi hori ngaya a zhè a sam di ngaya, a ka da suna, i Ndo nzi pèc pècèk.

Ezéchiel 7:9

I pi di mwoy-ndo azɓai, kin siyè te va azɓai, i da ga kinè kita a géɗ civèɗ kinè. A skwi hori da ngredakaɗ na auda te ndav kinè, a kin da suna, i Ndo nzi pèc pècèk man i tsi ndo.

Ezéchiel 8:18

Gar haha i ba i woy a i ga ta skwi a ndav. I da pi di mwoy-ndo azɓai, ta siyè te va azɓai. Ta da kuɗi a vata a zlembaɗ ga, aman i da cinè ma tengaʼa azɓai.

Ezéchiel 9:10

I ba i da pi di mwoy-ndo azɓai, ta siyè te va azɓai, i ngwoda ta mali man ta gu a gèɗ.

Michée 5:14

A i jhèɗè skwi mpil gèɗ a sam ndohi herkeda tèlèba, man ta fu zlembaɗ a ndzoan man i ga ta ɓai.

Mal. 1:4

Aman agassa Edom a gaɗa: Nga gedassa ma ba, aman nga da ɗizlè gi man mʼmbeɗ na a pa zaʼa, Zhiklè bi mbiaʼa a gaɗa: Ta da ɗizlè a pa zaʼa, a iyè, i da mbeɗdaussa zaʼa. Ta da baha na kokwar ndohi ambaɓihiaʼa, ndohi kokwar man Ndo nzi pèc pècèk a gi ndav a géɗ tengaʼa a mèdèp.

Matthew 18:33

Ɓèl ngiɗè a se ka te va azɓi dè, ara man ka syè te va?

2 Corinthians 10:4

Aman skwi var man nga gi var a vna, skwi ndo ka ɓai, aman wuɗi te ri Zhiklè, man a gedassa skwi nzalaʼa aussa.

Deutéronome 28:52

Ta da nza ka ma te kokwar ngaya tèlèba, ha zlazlar ngaya a mʼmbeɗ na, ko zlazlar mbiaʼa man wuɗi ta a zhè, man ka pu ndav a vna, te kokwar ngaya tèlèba. Ta da nza ka ma a ntamagi kokwar tèlèba, te kokwar-bi ngaya tèlèba, man Ndo nzi pèc pècèk, Zhiklè ngaya, a va ka.

Deutéronome 32:22

Ndav ga a vècè ara vogwa, a ndi skwi tʼherkeda tʼhai, a ndè a sam mʼmetsai, a ndi herkeda a ma a skwi man a ftskaɗa pa tèlèba, a fi vogwa a verzi za.