Juges 7:12 - Ma Zhiklè

¹² Aman ndohi Madian, a ndohi Amalek a ndohi te verzi gi tèlèba, rèdèdèa ara dzarai. Zlugumihi tengaʼa a ngrè azɓai, ara wyak te woyam.

Juges 7:12 ပူးပေါင်းရင်းမြစ်များ

I Rois 20:27

A ndohi Israel ta ɓica va, a skwi nʼndi te ri ta, a to do aman ta zli gèɗ, a ta nza zuraʼa a ma ndohi Syrie, ara rèwè nkèshèa cèw. Ndohi Syrie, ta ndha kokwar.

I Rois 4:30

Maya Salomon a fena maya ndohi te civèɗ mvèng pats tèlèba, a fena maya ndohi Egypte tèlèba.

Psaumes 3:1

Psaume David, aman a hu na a Absalom, kra na.

Psaumes 33:16

Bai — ndohi var kumba a ntakaha ka ɓai. Ngul-ndo — wuɗi va nengaʼa mbiaʼa a ntakaha ka ɓai.

Jérémie 46:23

Ta ngela nhèyè wof nengaʼa, Ndo nzi pèc pècèk a gaɗa: wof kumba, ndo a slaha a ndè a hwaɗaʼa azɓai. Ta kumba a fena dzarai, ndo a slaha a nger ta ɓai.

Josué 11:4

A ta shkè, tengaʼa a ndohi var tengaʼa tèlèba, ndohi rèdèdèa ara wyak te woyam, a plèshi a kiki var kumba kumba.

Juges 6:3

Pats ngiɗè, aman ndohi Israel ta zlekau skwai, ndohi Madian ta shkè a nda Amalek a ndohi te kokwar te civèɗ mveng pats, a ta kala ta a va.

Juges 6:33

Madian tèlèba, Amalek a ndohi te civèɗ mvèng pats, ta humda va a ta tawaɗa woyam Jourdain, a ta mana a dal Jizréel.

Juges 6:5

Aman ta shkè, tengaʼa a rèwè ta, a gi ta, rèdèdèa ara dzarai, ta ngrè azɓai, tengaʼa a zlugumihi ta. Ta shkè aman ta gedassa kokwar.

Juges 7:13

A Gédéon a mshkè, a ntsena ndo ngiɗè man a njè ma nshunè a mandal na, a ngaɗa: Nshun a nkedyè ar haha: Movar ngedemalaʼa a ngudumbel va a Madian, a nkala a dergai, a gi a mʼmbeɗ na.

Juges 8:10

Zébak a Tsalmunna ta zhè te Karkor, a ndohi var a nda tengaʼa ta gi 15.000, njèkèdia te va ndohi var tèlèba man ta shkè te civèɗ mvèng pats. Ndohi var mbazlaʼa, a tsakwal te rai, tèlèba, ta gi 120.000.

I Samuel 13:5

Aman ndohi Philistie ta ɓica va ma, a ta gi var a ndohi Israel. Kiki var 3.000. Ndohi plèsh 6.000. Ndohi sak rèdèdèa ara dzarai. Ta shkè a ta mana te Micmash, a tsagi Beth-Aven, te civèɗ mvèng pats.

I Samuel 30:17

David a mbazl ta, a hinè a prèk te gai, ha ndè ma dakwaɗ, a mbazl ta a vèvèɗ, ndo mwuca ɓai, ko staɗ, sèi ndohi 400 man ta mbel ta a deɓ zlugumihai a ta hu ta.