Juges 2:4 - Ma Zhiklè

⁴ Aman gol Ndo nzi pèc pècèk a ngaɗa ta ma haha a ndohi Israel tèlèba ma, ndohi ta hüno a ta kuɗai.

Juges 2:4 ပူးပေါင်းရင်းမြစ်များ

Esdras 10:1

Aman Esdras a ntsu rai, a nju ma mali na, a nkuɗai, a ngurɓahi a ma gi Zhiklè, ndohi Israel kumba kumba ta ɓica va a sam na, ngurhi a ngwozi a wudahi, a ta kuɗi a vata.

Proverbes 17:10

Aman ka ngatsa na maya a ndo man a hér maya, a dè a ndav na, a fena ndo nrzlaʼa man ka tsi a gada sak 100.

Jérémie 31:9

Ta da shkè a kuɗa a dai, a ngi mbuh-mbuhaʼa; i da feda ta ma, i de ta a ma woyam mbiaʼa, a civèɗ nzuraʼa man skwi a slafaɗama ta sak a pa azɓai, a i ga a bab Israel, a Ephraim tsuvom ga.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Luke 6:21

Mwuffè a sam kinè, man mi a keɗ kinè antanta; aman a di kin da ngézhè. Mwuffè a sam kinè, man kin kuɗi antanta; aman a di kin da ngwèshè.

Luke 7:38

A nzlatsa na a deɓa, a sam sak na, a kuɗai, a hüno mpèn sak Yèsu a kuda, a ntokwolama na sak a gwots gèɗ nengaʼa, a nsemɗama na sak, a nfaɗa na ɓurdi a pa.

2 Corinthians 7:10

Nlèyè te ndav man a shkè te ri Zhiklè, a de nga a sam mʼmbélè; aman nlèyè herkeda a de nga a sam mʼmetsai.

Jacques 4:9

Va-hur mali kinè, va-loyo, va-kuɗau! Nʼngwèshè kinè da ngwode na a kuɗa; mwuffe kinè da ngwode na a nlèyè.

Juges 2:3

Anai i gaɗa kinè: I da dzam ta a ma kinè azɓai, a ta da ga kinè matakwan, a zhiklèhi tengaʼa ta da slafadama kinè sak.

Juges 2:5

Ta baha na samaʼa Bokim; a pa ta zla na skwi a Ndo nzi pèc pècèk.

I Samuel 11:4

Aman ndohi sak ta shkè a sam Saul a Guibéa, a ta njè ta ma haha a ndohai, ndohi tèlèba ta hinè a ta kuɗai.

I Samuel 7:6

A ta ɓica va te kokwar Mitspa, ta gudz iyam, a ta badahai a sam Ndo nzi pèc pècèk, a ta jèkeda skwi nʼndai a pats nasa, a ta gaɗa: Nga gu malai a sam Ndo nzi pèc pècèk. A Samuel a nʼnga ta kita a ndohi Israel te kokwar Mitspa.