Juges 2:1 - Ma Zhiklè

¹ Gol Ndo nzi pèc pècèk a mshkè te Guilgal, a ndè Bokim, a ngaɗa; I helka kinè auda te kokwar Egypte, a i de kinè a kokwar man i pasla ta ri a babhi kinè a mʼmbèdè. I gaɗa: I gédèshè nderzlè-ma ga a nda kinè azɓai a mèdèp.

Juges 2:1 ပူးပေါင်းရင်းမြစ်များ

Genèse 12:7

A Ndo nzi pèc pècèk a ngudoko na va a di a Abram, a ngaɗa na: Kokwar haha i woya man i va ta ndohi te verzi ngaya. A Abram a nrom sam mvi skwi a Ndo nzi pèc pècèk, man a gudoko na va a dai, a pa.

Genèse 16:13

A nengaʼa a mva na nzlembaɗ a Ndo nzi pèc pècèk, man ta goɗ a vna: Ka Atta-El-roi. A vava, a haha, i rka nengaʼa man a rkayè, a di ga ɗe?

Genèse 48:16

gol Zhiklè man a mbelyè auda te ri matakwan tèlèba, da pshè ta ma wudahi cèw haha, aman te tengaʼa nzlemɓad ga do do a ma ma, a nzlembaɗ Abraham, a Isaac, bababhi ga, a ta grè a ma ma, a ta mènè kumba a géɗ herkeda.

Psaumes 89:3

I gaɗa: Pombi nʼngaʼa te zhiklè a mèdèp, nlèɓèslè te verziaʼa.

Psaumes 89:34

Aman i woy a i cèma na pombi ga auda a gèɗ azɓai, i jèkè nlèɓèslè a géɗ nengaʼa azɓai.

Exode 14:14

Ndo nzi pèc pècèk a gi var te di man a kinè, a kinè, va-nza tètè.

Exode 14:19

A gol Zhiklè man a ndo a ma ndohi var Israel, a nslambaɗa, a mdo a verzi tengaʼa. A vani njèraʼa ba a ndo auda a ma, a mʼmenkaɗa deɓa,

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 23:20

Na haha i zlindè gol ga a ma ngaya, da ɓer ka a civèɗ, da de ka a sam man i tilaʼa.

Exode 33:14

A Ndo nzi pèc pècèk a mʼmbeɗa na a ma Moise: I dè a ma ngaya. I woy a i de ka a sam nshèk va.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Jérémie 14:21

Ka kwol nga ɓai, a géɗ nzlembaɗ ngaya! Ka pa na hori a di a sam nʼnzi bi ngaya ɓai! Huro! Ka pra ma nderzlè-ma nga a ka ɓai!

Lèv. 26:42

i woy a i hér nderzlè-ma ga a Jacob, a nderzlè-ma ga a Isaac, a nderzlè-ma ga a Abraham, a i woy ai hér kokwar.

Lèv. 26:44

Aman ko ta te kokwar mayamhi ta, i kwol ta a mèdèp azbai, ta ndarayè holholaʼa azbai, a i zede ta a mèdèp azbai, i prè nderzlè-ma ga azbai. Iyè Ndo nzi pèc pè-cèk, Zhiklè tengaʼa.

Zacharie 11:10

A i co gada ‘pombai’, a i paslaʼa, a i pra nderzlè-ma man i derzla a nda ndohi herkeda tèlèba.

Mal. 3:1

Na haha i zlündo ndo sak ga, a til civèɗ a ma ga. Tsam-tsam Ndo nzi pèc pècèk man kin jhèɗèʼa, a shkè a gi nengaʼa. Gol Zhiklè nɗerzlè-ma man kin woyaʼa, na haha a shkè, Zhiklè bi mbiaʼa a gaɗa.

Nombres 14:34

Aman to do a ta zeɓi kokwar, mʼmèn 40, ta vi a hèshèkèɗ 40 te diaʼa; te di pats staɗ, mvi staɗ, a géɗ mali kinè; a kin da rkaʼa, man i woy kinè a deɓa azbai.

Deutéronome 1:8

Na haha, i va kinè kokwaraʼa, vo-do, va-duma kokwar man Ndo nzi pèc pècèk a mpasla ta ri a babhi kinè a mbèdè, a gaɗa i da va ta a Abraham, Isaac, a Jacob, a ndohi te verzi ta.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 7:9

Gar haha sèi kin suna, Ndo nzi pèc pècèk, Zhiklè kinè, nlèɓèslèa, man a jèjèr nderzlè-ma nengaʼa. A tengaʼa man ta woyaʼa, a ta jèjèr ma nkwèr nengaʼa, a va ta pombai, ha a ndikè a verzi wud wud ta a gi 1.000.

Josué 3:10

A Josué a ngaɗa: Te skwi haha kin da suna, Zhiklè a nshèffè a zhè te ndev kinè, a da dzam ta ndohi Canaan, Heth, Hévi, Phérez, Guirgasi, Amor a Jébus a ma kinè.

Juges 11:24

Aman Kemosh zhiklè ngaya, a va ka kokwar, a ngaya ka bi dè? Aman Ndo nzi pèc pècèk, Zhiklè nga, a mva nga kokwar a nga, a nga nga ka ɓi ɗè?

Juges 13:2

Ndo ngiɗè a zhè, te Tsorea, te verzi Dan, nzlembaɗ na Manoach. Ngwoz nengaʼa delai, a yi kra azɓai.

Juges 13:3

Gol Ndo nzi pèc pècèk a mshkè a sam na, a ngaɗa na: Ani ka delai, ka yi kra azɓai. Aman a di ka da ngècè kra, ka da yi kra nguraʼa.

Juges 2:5

Ta baha na samaʼa Bokim; a pa ta zla na skwi a Ndo nzi pèc pècèk.

Juges 6:8

Ndo nzi pèc pècèk a nzlündo ndo nhadka ma a sam ndohi Israel, a ngaɗa ta: Ndo nzi pèc pècèk, Zhiklè Israel, a goɗo aranta: Iyè man i helka kinè auda te kokwar Egypte, a i de kinè auda te ɓèlè.