Juges 14:3 - Ma Zhiklè

³ A bab na a mam na ta gaɗa na: Te va dalahi nte verzi nga, te va ndohi ngaya tèlèba, ngwoz azɓi dè, a ka dè a ka cè ngwoz a sam ndohi Philistie man ngwon ta nʼngela ɓi dè? Aman Samson a ngaɗa na bab na: Sèi ka ckay nengaʼa; aman nengaʼa staɗgenè ambahayè.

Juges 14:3 ပူးပေါင်းရင်းမြစ်များ

Genèse 13:8

A Abram a ngaɗa na Lot: Nga a ka, a ndohi mɓer skwi ga a ndohi mɓer skwi ngaya, da bozl va bai! Aman nga a kramama.

Genèse 21:27

A Abraham a nhul tambakihi a zlèhi, a mpa na Abimélec, a ta derzla ma ta.

Genèse 34:14

a ta gaɗa ta: Nga slaha nga va na demam nga a ndo man ngwon nʼngel ɓai, azɓai. Nasa skwi hori a sam nga.

II Samuel 1:20

Kin gaɗa ta ndohi te Gath ɓai, kin njè ta ndohi a civèɗ te Askalon ɓai, aman dalahi Philistie da da wuffa ɓai, a dalahi ndohi ngwon nʼngelɓiaʼa da da wuffa a ta sli dimèsh ɓai!

Josué 23:12

Aman kin jèkeda Ndo nzi pèc pècèk, a kin gshè va a njèkèɗi ndohi herkeda haha, njèkèɗia te va tengaʼa man ta zhè a sam kinè, a kin cè ngwoz a va, a kin humda va a nda ta,

Juges 14:2

A mshkè a deɓa a ngwai, a mʼmenda na bab na a mam na, a ngaɗa: I rka dem Philistie ngiɗè te Thimna, va-woy-koyè a ngwoz!

Juges 15:18

Te deɓaʼa iyam a ndza na, a ntsu ri a Ndo nzi pèc pècèk, a ngaɗa: Ka gu ɓèl ngaya a ngul ndohi mbiaʼa, aman ani i da metsi ga a mi iyam ɗè? A i da kèlè a ri ndohi man ngwon nʼngel ɓi dè?

I Samuel 14:6

Jonathan a ngaɗa na gol nzuɓa na skwi var nengaʼa: Washkè, ngo-do auna a sam nʼngélè ndohi man ngwon ta nʼngel ɓi mpaʼa. Gar Ndo nzi pèc pècèk a takaha nga. A sam Ndo nzi pèc pècèk wuɗi a te pa ɓai, a gi a ngul skwai, ko ndo a vata, ko ndo az a vata ɓai.

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.

I Samuel 31:4

Saul a ngaɗa na gol nzuɓa na skwi var nengaʼa: Pho kafahi gwèsh a ka kedyè. I woya aman ndohi ngwon nʼngela ɓai ta kedyè ɓai, a ta da ngwossahayè. Aman gol nzuɓa na skwi var nengaʼa a woya ɓai, a gi zlau holholaʼa. A Saul a nco kafahi gwèsh, a nkalda na va a gèɗ.