Juges 1:1 - Ma Zhiklè

¹ Te deɓ mʼmetsi Josué, ndohi Israel ta dzhoɗo a sam Ndo nzi pèc pècèk, a ta gaɗa: Ndè a ngi var a ndohi Canaan te va nga wa?

Juges 1:1 ပူးပေါင်းရင်းမြစ်များ

I Rois 22:5

A Josaphat a ngaɗa na bi Israel: Dzhoɗo Ndo nzi pèc pècèk dai!

Exode 18:15

Moise a mʼmbeɗa na a ma a mèsh na: Ndohi ta shkè a sam ga, aman ta jhèɗè Zhiklè.

Exode 28:30

Ka da peda urim a tummim a gozhèm maslaka ara limbèt, a ta zhè a ndav Aaron a ngi kita, aman a dè a pa a sam Ndo nzi pèc pècèk. A Aaron a nhelda kita ndohi Israel pèc pècèk a sam Ndo nzi pèc pècèk aranta, a ndav na.

Nombres 27:21

Nengaʼa da zlatsa a sam Eléazar, a nengaʼa da bazla kita Urim a géɗ nengaʼa, a sam Ndo nzi pèc pècèk. A géɗ ma nengaʼa ta dè auda te kokwar, a géɗ ma nengaʼa ta shkè a deɓa a ngwi ta; nengaʼa, a ndohi Israel tèlèba a nda nengaʼa, mpi ndohi tèlèba.

Juges 1:27

Manassé a nduma Beth-Shean, aman a ndzam ta ndohi nengaʼa a ndohi man a tsagai, Taanak a ndohi kokwar man a tsagiaʼa, Dor a ndohi kokwar man a tsagiaʼa, Jibleam a ndohi kokwar man a tsagiaʼa, Meguiddo a ndohi kokwar man a tsagiaʼa ɓai. Ndohi Canaan ta tilda verzi ta a pa.

Juges 2:21

ndohi herkeda man Josué a njèka ta a pats man a mʼmets na, i ba i da dzam ta a ma tengaʼa asaɓai, ko verzi mèmè.

Juges 2:8

Te deɓaʼa Josué kra Nun, ɓèl Ndo nzi pèc pècèk, a mʼmets na. Mvi nengaʼa 110.

Juges 2:9

A ta rda a dak man a ngots a skwi nʼndi gi na, te Thimnath-Hérès, te za Ephraim, a tsagi za Gaash, te civèɗ man a géɗèʼa.

Juges 20:18

Ta slambaɗa, to do Béthel, a ta dzhoɗo a sam Bi Zhiklè. Ndohi Israel ta Gad: Ndè zlèr var a sam ndohi Benjamin wa? A Ndo nzi pèc pècèk a Ngalda: Juda do do nshèlèkuraʼa!

Juges 20:23

A ndohai, ngurhi Israel, ta mana ndav ta zaʼa, a ta hüno ndèh va a sam madatsuta.

Juges 20:27

Ndohi Israel ta dzhoɗo a sam Ndo nzi pèc pècèk (te ndev nasa koti nderzlè-ma Bi Zhiklè a zhè a samaʼa.

Juges 20:28

Phinées, kra Eléazar, kra Aaron, a ɓerèʼa a pats nasa), a ta Gad: Nga mine a deɓa a dal var a ndohi Benjamin, kramam nga genè dè, dè nga nzi nga mèn dè? A Ndo nzi pèc pècèk a Ngalda: vo-do, an-goslèm i da pa ta a ri a kinè.

I Samuel 10:22

A ta dzhoɗo a sam Ndo nzi pèc pècèk zaʼa: Masli sa a mshkè dè? Ndo nzi pèc pècèk a mʼmbeɗa ta a ma: Halau, a nʼngheda va na a va kolongwai.