Jude 1:20 - Ma Zhiklè

²⁰ Aman kinè, dalahimam ga, va-gra a ma ma te ncè-a-ndav nkezlaʼa a vava, va-tsu ri te Mèzhèɓ Zhiklè nkezlaʼa,

Mofa New Testament

²⁰ Aman kinè, dalahimam ga, vagra a ma ma te ncè-a-ndav nkezla'a a vava, vatsu ri te Mèzhèɓ Zhiklè nkezla'a,

Jude 1:20 ပူးပေါင်းရင်းမြစ်များ

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Actes 15:9

a pèr ndo mpèrè ka ɓai, a mpana ndav tengaʼa man ta co a ndav lèmèlèmè ara man a nga.

Actes 26:18

A ka winè di tengaʼa, aman ta menkada deɓa te ruva a sam skwi nhel sam, te wuɗi-bi madzagai a sam Bi Zhiklè, aman ta ngècè mprè mali tengaʼa, a skwi nʼndi gai a nda tengahi tèlèba, man Zhiklè a kezla ta te ncè Zhiklè a ndav.

Actes 6:7

A ma Zhiklè a zlèzlèmè, a golahi Yèsu ta shkè na va a vata te kokwar Jérusalem. A ndohi mvi skwi a Zhiklè kumba ta fu gèɗ a ma Zhiklè, a ta co a ndav.

Actes 9:31

A mpi ndohi Zhiklè te kokwar Ju-dée, te kokwar Galilee, te kokwar Samarie tèlèba, ta nza a gumai, a ta ngots wuɗai, a to do a ma ma te zlau Bi Zhiklè, ta ndha a Mèzhèɓ Zhiklè nkezlaʼa man a bid ta. A ndohi ta zlèzlèmè a ma ma.

Romans 15:2

Ndo staɗ staɗ te ndev nga da nza ara man ambaha nslamagi na, a ngrè a ma ma.

Romans 8:15

Aman kin ngatsa Mèzhèɓ man a ga kinè ɓèlè ɓai, a kin gi zlau. Aman kin ngotso Mèzhèɓ man a ndeda kinè a wudahi Zhiklè man kin baha na Zhiklè: Abba, Bab nga!

1 Corinthians 1:8

Nengaʼa ba a ɓer kinè, aman kin nzi taraʼa, ha skwi tèlèba nrufa ma, aman a pats Bi Yèsu Kristi ma a da az a géɗ kinè ɓai.

1 Corinthians 10:23

Nga slaha a nga gi skwi tèlèba; aman skwi amba tèlè ka ɓai. Nga slaha nga gi skwi tèièba; aman skwi man a gi a nga grè a ma ma tèlè ka ɓai.

1 Corinthians 14:15

Ani kè? I woya man i tsi ri te Mèzhèɓ, aman i woya man i tsi rai, a ndohi ta cinè ba. I woya man i sli dimèsh te Mèzhèɓ, aman i woya man ta cinè dimèsh ga ba.

1 Corinthians 14:26

Ani kè, dalahimam ga? Aman kin ɓicè va, ndo ngiɗè da ngots dimèsh, ngiɗè njè-ma, ngiɗè nʼngrédè skwi auda, ngiɗè ngèɗè nèʼèn tsaɗ, ngiɗè nʼngwèdè ngèɗè sa. Va-gu tèlèba aman kin grè a ma ma!

Galates 4:6

Anai kinè wudahai, man Zhiklè a zlündo Mèzhèɓ kra nengaʼa a ndav kinè, man a gaɗa: Abba, bab ga!

Ephésiens 4:12

aman a til ta ndohi Zhiklè nkezlaʼa a sam mizlinè ta. Arsa va Kristi a grè a ma ma,

Ephésiens 4:16

Nengaʼa a gshè va tèlèba, a nfèfènva staɗ a nkèlè ma a nfèfènva ngiɗè, a dérzlè gèɗ vatasl, a nfè-fènva staɗ staɗ tèlèba ta tèkè a va, ara man ta slaha, a va a grè a ma ma, a ɗizlè va na a ri na, te mwoy-ndo.

Ephésiens 4:29

Va-gu aman ma ambaɓiaʼa da shkè auda te ma kinè ɓai, sèi ma mbelaw, man a gi aman kin grè a ma ma a vna. Vo-goɗ ma, aman a takaha ta ndohi man ta cinèʼa.

Ephésiens 6:18

Va-tsu ri pèc pècèk a géɗ skwi tèlèba, a ntsi ri mbuh-mbuhaʼa te Mèzhèɓ. Vo-zhoro a vna, va-nza a dai! Va-tsu rai a géɗ ndohi Zhiklè nkezlaʼa tèlèba,

Colossiens 2:7

Ncè-a-ndav kinè da ga ara zluzlor gedeng-gedengaʼa, a kin dè a ma ma, a kin nzi dai te pa, ara man ta njè kinè. Va-shüd gèɗ a géɗ nengaʼa kumba!

1 Thessalonians 5:11

Gar haha va-büd va kinè, ngiɗè a ngiɗè, va-gau aman kin grè a ma ma, ngiɗè a sam ngiɗè, lèmèlèmè ara man kin gia antanta.

1 Timothy 1:4

a ta hér ma tsaval ngiɗè azɓai, a ma te verzi babab ta man a ngeslè azɓai. A géɗ nengaʼa ndohi ta gi gèjau, a mizlinè Zhiklè te ncè-a-ndav a dè a ma ma azɓai.

2 Timothy 1:5

I hér ncè-a-ndav ngaya nzuraʼa, nengaʼa lèmèlèmè ara man a zhè halaʼa te ndav Lois, mamam ngaya ba, a Eunice mam ngaya, a i suna, a zhè te ndav ngaya ba.

Titus 1:1

Paul ɓèl Zhiklè, ndo sak Yèsu Kristi, aman i de ta ndohi man Zhiklè a mpar ta, a civèɗ Zhiklè, a ta cè a ndav, a ta shin ma nzuraʼa man a de nga,

Jacques 2:22

Te pa ka rkaʼa, ncè-a-ndav a hümdè a skwi man a gau. Ncè-a-ndav nengaʼa nʼnga jèlèlèʼa te skwi man a gau.

2 Peter 1:1

Simon Pierre, ɓèlè, ndo sak Yèsu Kristi, a sam tengahi man ta ngots ncè-a-ndav mbelaʼa lèmèlèmè ara nga, te ngi-zura Bi Zhiklè a Ndo mʼmbel nga Yèsu Kristi.

1 John 5:4

Ndohi Zhiklè, ko wawa, ta ga a ngul herkeda. A ncè-a-ndav nga, nga gaʼa a ngul herkeda.

Jude 1:3

Kinè dalahimam ga! Nshèlèkuraʼa i huro ara man i windè lanè ma a géɗ skwi mʼmbel nga man nga a nda kinè, nga ngotso. Aman te deɓaʼa i gaɗa, sèi i bid kinè te ɗèlèwèr ga, aman kin gi var a kin nza na a deɓa a ncè-a-nɗav man Zhiklè a mva ta ndohi na, sak staɗ a mèdèp.

Apocalypse 13:10

Ndo man a pe ta ndohi ngiɗè a dangai, a dè a gi dangai lèmèlèmè. Ndo man a keɗa ndo a kafahi gwèsh, ta da kéɗèʼa a kafahi gwèsh lèmèlèmè. Na haha, nzhèr skwia dai a ncè-a-ndav ndohi Zhiklè!