Jude 1:16 - Ma Zhiklè

¹⁶ Tengahi ndohi man ko skwi mèmè ambaha ta ɓai, ta kuɗi a va, a ta jèjèr ntétékè tengaʼa. Ta gèɗ ma nfi va, a ta shi-bèndè ndo, aman ta ngècè skwai.

Mofa New Testament

¹⁶ Tengahi ndohi man ko skwi mèmè ambaba ta ɓai, ta kuƋi a va, a ta jèjèr ntétékè tenga'a. Ta gèƋ ma nfi va, a ta shibèndè ndo, aman ta ngècè skwai.

Jude 1:16 ပူးပေါင်းရင်းမြစ်များ

Job 32:21

I woy a i pèr ndo mpèrè azɓai, i pi a ndo azɓai.

Job 34:19

Nengaʼa man a pi a wud bihai azɓai, a ndohi mèshèlè a ndohi ntawassaʼa azbai, ta tèlèba ri nengaʼa a ngau.

Psaumes 106:25

Ta gu ma te gi ta, a ta fa zlembaɗ a ma Zhiklè ɓai.

Psaumes 15:4

Man a kwola ndo man a Zhiklè a kwolaʼa, a slebarde ta ndohi man ta gi zlau Zhiklè. A gi ara man a mbaɗa, ko skwi na a zi a verziaʼa.

Psaumes 17:10

Ndo a se ta te va azɓai, ta gèɗ ma nfi va.

Psaumes 73:8

Ta rka skwi tèlèba ara skwi ambalai, ta gèɗè ma ambaɓiaʼa a ta cèkèlma te nfi va.

Proverbes 28:21

Ambaɓai aman ka pèr ndo mpèrè; ko a géɗ skwi kèshkata man ta ruɓ ndo a vna, a gi malai.

Esaie 29:24

Ndohi man ta zlak ta te nhér gèɗ ta, di tengaʼa a da win na, a tengaʼa man ta gu ndzoan ngodzo-ngodzoʼa ta cè skwi man ndohi ta slebda ta.

Lèv. 19:15

Kin ngwoda kita bai! Ka por ndo mpèrè a sam kita bai, ko mbelaw ndo, ko ndo mbiaʼa. Sèi ka gi kita nslamagi ngaya zuraʼa.

Nombres 14:36

A ndohi man Moise a zlinde ta, aman ta zeɓi kokwar, a ta shkè ngwai a ta poko ta gèɗ auda a mpi ndohai, a ta gi ndzoan ngodzongodzoʼa, a ta menda ta ma wuɗitpa tsaɗ tsaɗ a géɗ kokwar,

Nombres 16:11

Kinè a ndohi ngaya, kin humda na va a gèɗ a Ndo nzi pèc pècèk ar haha. Aaron wa, aman kin gi ndzoanaʼa?

Nombres 16:41

Te mangoslèmaʼa, mpi ndohi Israel tèlèba ta gu ma a géɗ Moise a Aaron, a ta gada: Kin bazl ta ndohi Ndo nzi pèc pècèk!

Luke 15:2

A ndohi pharisie, a malamhai, ta gu ndav, a ta gaɗa: Nengaʼa a ndi skwi nʼndai a nda ndohi malihai.

Luke 19:7

Aman ndohi ngiɗè ta rkaʼa, a ta gu ndav, a ta gaɗa: A ndo a gi ndo mali ngiɗè, aman a nzi a pa.

Luke 5:30

A ndohi pharisie a malamhai ta gu ma a ta gaɗa ta golahi Yèsu: Kin ndi skwi nʼndai, kin si skwai, a nda ndohi ncèkèlè skwai, a ndohi malihai èhèmè?

Jean 6:41

A ndohi Juif ta gu ma a géɗ ma nengaʼa, man a gaɗa: Iyè movar man a shkè-hai te zhiklè. A ta gaɗa:

Jean 6:61

Aman Yèsu a sun te ndav na, golahi nengaʼa ta gu ma a géɗ ma haha, a ngaɗa ta: Ma haha a slafadama kinè sak dè?

1 Corinthians 10:10

Kin kuɗau a va ɓai, ara tengahia ngiɗè tsaɗ tsaɗ te va tengaʼa ta gau, a ndo ngedassa ndo a mbazl ta.

Galates 5:16

Aman i gaɗa: Vo-do te Mèzhèɓ, kin dzodzor ntétékè va kinè ɓai!

Galates 5:24

Aman ndohi man te Yèsu Kristi, ta gezlala ntétékè va tengaʼa, a skwi man a woyaʼa.

Deutéronome 1:27

Kin gu ma num-numaʼa te gi kinè, a kin gaɗa: Ndo nzi pèc pècèk a nhelka nga auda te kokwar Egypte a shèwa, aman a va nga a ri a ndohi Amor, aman a nzede nga.

Philippiens 2:14

Va-gu skwi tèlèba a nkuɗi a va ka ɓai, a mpi gèɗ cèw ka ɓai.

1 Thessalonians 4:5

a géɗ ntétékè gada va genè ka ɓai, ara ndohi herkeda man ta sun Zhiklè ɓai.

1 Timothy 6:5

ndèvèɗ ma ambalai, gèɗ ndzakaɓa, ma nzuraʼa az a sam ta ɓai, ta hérè te ndav, a njèjèr Zhiklè ta da ngècè skwi te pa.

2 Timothy 4:3

Aman pats a di a shkè, man nʼnjè ma man nzlerɗak a te pa ɓai, ambaha ta ndohi ɓai. Aman ta jèjèr skwi man ambaha ta tengaʼa, a ta ngècè ndohi njèngè ma tengaʼa, man ma tengaʼa a pa ta kocè kocè.

1 Peter 1:14

Skwi haha va-gu ara wudahi man ta fi gèɗ a ma Zhiklè, kin tütüke skwi nhalaʼa ɓai, ara man kin gau, te va man kin sun maya di ɓai.

1 Peter 2:11

Dalahimam ga, i bid kinè ara man kinè ndohi mbrok. Va-jèkeda ntétékè te va kinè, man a gi var a ndav kinè.

1 Peter 4:2

Te deɓaʼa, man a zhè tʼherkeda dai, a jèjèr ntétékè va na azɓai, aman a nzi a nshèffè, a gi skwi man Zhiklè a woyaʼa.

2 Peter 2:10

Holholaʼa tengaʼa man ta jèjèr ntétékè te va tengaʼa ambaɓiaʼa, a ta woya Zhiklè a bi ta ɓai; ta gi hori azɓai; ta fi gèɗ a ma ndo azɓai; ta gi zlau skwi Zhiklè nʼnzalaʼa azɓai, a ta dèrɗèʼa.

2 Peter 2:18

Ta gèɗ ma nfi va ambalai, mphömè tengaʼa a ntétékè te va tengaʼa a poko ta gèɗ auda a ndohai man ta mbel ta auda tok tok te ri ndohi ncèkèlma.

2 Peter 3:3

Va-suna man ndul ndul herkeda a da ndiv na, ndohi mparaha civèɗ Zhiklè ta shkè, a ta jèjèr ntétékè tengaʼa, a ta gaɗa:

Jude 1:15

aman a gi kita a géɗ ndohi tèlèba, a ngra ta mali a ndohi tèlèba man ta woy civèɗ Zhiklè ɓai, a ngra ta ndérɗè ma tèlèba man ndohi malihai, man ta woy civèɗ Zhiklè ɓai, ta durɗo Zhiklè a vna.

Jude 1:18

Aman ta gaɗa kinè, man ndul ndul ndikèma skwi tèlèba, ndohi ndérɗè ndo ta zhè, man ta jèjèr ntétékè te ndav tengaʼa, man ambaha Zhiklè ɓai.