Josué 9:14 - Ma Zhiklè

¹⁴ A ndohi Israel ta tor skwi nʼndi tengaʼa, a ta fu gèɗ a ma tengaʼa, a ta dzhaɗa Ndo nzi pèc pècèk ɓai.

Josué 9:14 ပူးပေါင်းရင်းမြစ်များ

II Samuel 2:1

Te deɓaʼa David a ndzhoɗo Ndo nzi pèc pècèk, a ngaɗa: I ngatsa te va kokwar Juda staɗ a i do a pa dè? A Ndo nzi pèc pècèk a mʼmbeɗa na a ma: Do! David a ngaɗa: I do nangwa? A nengaʼa a mʼmbeɗa na a ma: Do Hébron!

II Samuel 5:19

David a ndzhoɗo Ndo nzi pèc pècèk, a ngaɗa: I da gu var a ndohi Philistie dè? Ka da pay a ri dè? A Ndo nzi pèc pècèk a mʼmbeɗa na a ma David: Do, i da pa ka ndohi Philistie a rai a vava.

Esdras 8:21

Te pa, te wud woyam Ahava, i boho aman ta jèkeda skwi nʼndai, a nga manda gèɗ a hi a sam Zhiklè nga, a nga tsi rai, aman a til civèɗ a ma nga, a géɗ wudahi nga a kolongwi nga tèlèba.

Exode 28:30

Ka da peda urim a tummim a gozhèm maslaka ara limbèt, a ta zhè a ndav Aaron a ngi kita, aman a dè a pa a sam Ndo nzi pèc pècèk. A Aaron a nhelda kita ndohi Israel pèc pècèk a sam Ndo nzi pèc pècèk aranta, a ndav na.

Nombres 27:21

Nengaʼa da zlatsa a sam Eléazar, a nengaʼa da bazla kita Urim a géɗ nengaʼa, a sam Ndo nzi pèc pècèk. A géɗ ma nengaʼa ta dè auda te kokwar, a géɗ ma nengaʼa ta shkè a deɓa a ngwi ta; nengaʼa, a ndohi Israel tèlèba a nda nengaʼa, mpi ndohi tèlèba.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

Josué 9:13

Hutèd barassa man nga ɓalda pa, mɓuaʼa dai, anai nkuratsa ma. Maslaka nga, a kotokoroh nga, na haha a nʼnde na a civèɗ.

Juges 1:1

Te deɓ mʼmetsi Josué, ndohi Israel ta dzhoɗo a sam Ndo nzi pèc pècèk, a ta gaɗa: Ndè a ngi var a ndohi Canaan te va nga wa?

Juges 20:18

Ta slambaɗa, to do Béthel, a ta dzhoɗo a sam Bi Zhiklè. Ndohi Israel ta Gad: Ndè zlèr var a sam ndohi Benjamin wa? A Ndo nzi pèc pècèk a Ngalda: Juda do do nshèlèkuraʼa!

Juges 20:28

Phinées, kra Eléazar, kra Aaron, a ɓerèʼa a pats nasa), a ta Gad: Nga mine a deɓa a dal var a ndohi Benjamin, kramam nga genè dè, dè nga nzi nga mèn dè? A Ndo nzi pèc pècèk a Ngalda: vo-do, an-goslèm i da pa ta a ri a kinè.

I Samuel 22:10

Achimélec a ndzhoɗo Ndo nzi pèc pècèk a géɗ David. A mva na skwi nʼndi a civèɗ, a kafahi gwèsh Goliath, ndo Philistie.