Josué 8:35 - Ma Zhiklè

³⁵ Te va ma man Moise a njè ta a gèɗ, ko staɗ azɓai, man Josué a njènga ta ndohi Israel mɓicaʼa ɓai. A njènga ta ndohi Israel tèlèba, a ngwozihi ba a wudahi a mbrokihi ba man to do a verzi tengaʼa.

Josué 8:35 ပူးပေါင်းရင်းမြစ်များ

Esdras 10:1

Aman Esdras a ntsu rai, a nju ma mali na, a nkuɗai, a ngurɓahi a ma gi Zhiklè, ndohi Israel kumba kumba ta ɓica va a sam na, ngurhi a ngwozi a wudahi, a ta kuɗi a vata.

Néhémie 8:2

Esdras, ndo mvi skwi a Zhiklè, a ncko ma kita a sam di mpi ndohai, ngurhai, a ngwozai, a ndohi tèlèba man ta slaha ta cinèʼa, a ta cinèʼa. Nasa a ki matsaraɗaʼa, pats nshèlèkuraʼa.

Néhémie 8:3

Esdras a njongo ɗèlèwèr, daga prèk, ha géɗ pats, a sam man a zhè a ntamagi ‘nlèlè iyam’, a sam di ngurhai a ngwozai, a ndohi tèlèba man maya ta zhè, a ta cinèʼa. A ndohi tèlèba ta fu zlembaɗ a ma ɗèlèwèr kita.

Exode 12:38

Ndohi dala kumba to do a nda tengaʼa, a tambakihai, a zlèhai, skwi ndzham rèdèdèa.

Jérémie 26:2

Ndo nzi pèc pècèk a gaɗa: Zlatsa a gala gi Zhiklè, a ka hodko ma a géɗ kokwar Juda tèlèba, man ta shkè, a ta tsi rai te gi Zhiklè. Gada ta ma tèlèba man i njè ka a gèɗ; ka jèkaha ɓai!

Joel 2:16

Va-ɓic ta ndohai, va-ga mɓicè-va ndohai a nkezlaʼa a sam Ndo nzi pèc pècèk, va-pe ta ndohi nhalaʼa a géɗ ta, va-ɓic ta gdahi a wudahi man a wa; ntsima a shkè auda te gi na, medemi a shkè auda te vèn.

Zacharie 8:23

Zhiklè bi mbiaʼa a gaɗa: A pats nasa ndohi kula te verzi ndohi man daʼai ta tsaɗ, ta da gshè va a maslaka ndo Juif staɗ, a ta gaɗa: Nga woy a nga dè a verzi kinè! Nga suna, Zhiklè a zhè a nda kinè.

Marc 10:14

Aman a rkaʼa, a ndza na a ndav a Yèsu, a ngaɗa ta: Va-jèk ta wudahi aman ta shkè a sam ga! Kin gedassa civèɗ tengaʼa ɓai, aman kokwar Bi Zhiklè a ndohi ara tengaʼa.

Actes 20:27

a i njè kinè ma tèlèba man Zhiklè a huro a giaʼa.

Actes 21:5

Aman nga ndeva mʼmèn te pa, ngo do a ma. A ta feda nga a ma kokwar, tèlèba a ngurhi a ngwozi a wudahi ba. A nga gurɓahai a dzah woyam, a nga tsu rai.

Deutéronome 29:10

A patsna kin zlècè a sam Ndo nzi pèc pècèk, Zhiklè kinè, kin tèlèba, tsuvomhi verzi Israel, ndohi kinè nhalaʼa, bihi sojè, ngurhi Israel tèlèba,

Deutéronome 29:11

wudahi kinè, ngwozi kinè, ndo mbrok man a zhè te gi kinè, ko ndo nʼngél wof, ko ndo ndérh iyam.

Deutéronome 29:9

Gar haha va-dzodzor ma nderzlè-ma haha, a kin da giaʼa, a skwi tèlèba man kin giaʼa a gi amba.

Deutéronome 31:12

Kin da ɓic ta ndohai, ngurhi, ngwozi, wudahi, mbrokihi man ta zhè a sam kinè, a ta tsenaʼa, a ta sun ngi zlau Ndo nzi pèc pècèk, Zhiklè kinè, a ta jèjèrèʼa, a ta gi skwi tèlèba ara ma kita haha a gaɗa.

Deutéronome 4:2

Ma man i njè kinè, kin pu a vaʼa ɓai, kin helaha ɓai! Va-dzodzor ma nkwèr Ndo nzi pèc pècèk, Zhiklè kinè, man i njè kinè!