Josué 8:31 - Ma Zhiklè

³¹ ara man Moise, ɓèl Ndo nzi pèc pècèk, a njè ta a gèɗ a ndohi Israel, ara man ta Windo te ɗèlèwèr ma kita Moise: sam mvi skwi a Zhiklè a kwa, mwal ɓai, man ta pasla ka ɓai. A ta ndara na skwi a Ndo nzi pèc pècèk a pa, a ta zlaha na skwi te nshid gèɗ.

Josué 8:31 ပူးပေါင်းရင်းမြစ်များ

II Rois 14:6

Aman wudahi tengaʼa man ta keɗaʼa, a mbazl ta ɓai, ara man ta Windo te ɗèlèwèr ma kita Moise, ara man Ndo nzi pèc pècèk a njo, a gaɗa: Staɗ staɗ ta da mets ta, ngiɗè a géɗ mali na, ngiɗè a géɗ mali na. Aman da bazla babaʼa a va wudahiaʼa ɓai, wudahi a va babhiaʼa ɓai.

II Rois 22:8

Hilkija, ndo mvi skwi a Zhiklè mbiaʼa, a ngaɗa na Shaphan, ndo mwindè ɗèlèwèr: I ngots ɗèlèwer ma kita te gi Zhiklè. A Hilkija a mva na ɗèlèwer a Shaphan, a nengaʼa a njongo.

II Chroniques 25:4

Aman wudahi tengaʼa a mbazl ta ɓai, ara man ta Windo te ɗèlèwèr ma kita Moise: staɗ staɗ a da metsi na, ngiɗè a géɗ mali na, ngiɗè a géɗ mali na. Aman da bazla babaʼa va wudahi ɓai, da bazla wudahi a va babhiaʼa ɓai. Aman staɗ staɗ tèlèba da mets na a géɗ mali na.

II Chroniques 35:12

Skwi man ta ndara na Zhiklè, ta feda a géɗ na, aman ta vi a ndohi gi ngiɗè ngiɗè te va ndohai, a ta va na a Ndo nzi pèc pècèk, ara man a mwinda te ɗèlèwèr Moise; zlèhi lèmèlèmè.

Esdras 6:18

A ta pe ta ndohi mvi skwi a Zhiklè a mizlinè ta, ara man ta veni va nvenai, a ndohi Lévi, ara nʼngél-va ta ara nʼngélva ta, a ta gi mizlinè Zhiklè te Jérusalem, ara man a mwinda te ɗèlèwèr Moise.

Néhémie 13:1

Te ndev nasa, ta jongo te ɗèlèwèr Moise, a sam di ndohai, a ta ngotso: ndo Ammon a ndo Moab ta slaha ta humdè va a va mpi ndohi Zhiklè azɓai,

Exode 18:12

A Jéthro, mèsh Moise, a nʼndara na skwi a Zhiklè, a nzla na skwi a Zhiklè, a Aaron a ndohi Israel nhalaʼa tèlèba ta shkè, aman ta ndi skwi a nda mèsh Moise, a sam di Zhiklè.

Exode 24:5

Te deɓaʼa a mbaha ta golahi Israel, a ta ndara na skwi a Ndo nzi pèc pècèk, a ta zlaha mamokwa marihai, a ta va na Zhiklè te pombai.

Matthew 12:26

Aman Sadan a jèr Sadan auda, a ngi gèɗ a va na. A kokwar-bi nengaʼa a slaha man a nzi ɗè?

Deutéronome 27:2

Aman kin da tawaɗa woyam Jourdain ma, a kin dè a kokwar man Ndo nzi pèc pècèk Zhiklè kinè a va kinè, kin da ɗizlè kwa mbiaʼa, a kin gi slalia a pa.

Deutéronome 27:8

Kin da windè ma kita haha tèlèba a deɓ kwa haha, kin da gumda pa mbelembela.

Josué 1:8

Goɗ ma nte ɗèlèwèr kita ga haha pèc pècèk, a ka hérèʼa, a pats a vaɗ, aman ka gu skwi tèlèba ara man ta windeda pa. Te deɓaʼa ka ndikè a civèɗ ngaya amba, a skwi man ka giaʼa, a da gi amba.