Josué 7:25 - Ma Zhiklè

²⁵ Josué a ngaɗa: Ka kalde nga a matakwan! Ndo nzi pèc pècèk ba a kalde ka a matakwan a patsna! Te deɓàʼa ndohi Israel ta kola a kwa. Ngiɗè ta keɗaʼa a kwa, a ngiɗè ta fa na vogwa.

Josué 7:25 ပူးပေါင်းရင်းမြစ်များ

Genèse 34:30

A Jacob a ngaɗa ta nda Siméon a Lévi: Kin fay ma a gèɗ èhèmè; a kin gi, aman ndohi Canaan a ndohi Phérez ta gi shèwa a nga. Ndohi ga az kumba ɓai. Aman ta ɓicè va a ta gi var a nga, ta da bazl nga, a gi ga a gedas na.

Genèse 38:24

Te deɓ ki makar, ta ngra na Juda: Tamar, ngwoz kra ngaya, a ngu mphömè. Kra tʼhwaɗ na. A Juda a ngaɗa: Sèi ta gskoɗi a ta kalda a vogwa!

I Chroniques 2:7

Wudahi Carmi: Acar; nengaʼa a nkalde ta ndohi Israel a matakwan, aman a ngu metsar skwi man Zhiklè a mphomda.

Proverbes 1:19

Nasa civèɗ ndohi tèlèba man ta haya skwi mèshèlè a gi ta a maya man ambaɓai; a da ngwoda ta va a gèɗ, a da keɗ ta.

Proverbes 15:27

Ndo man a cè skwi man ta ruɓè a vna, a gédèshè gi na; aman ndo man a woy skwi mbalai man ta ruɓa a vna ɓai, a nzi a nshèffè.

Lèv. 20:14

Aman ndo ngiɗè a cè ngwoz, a cè mamaʼa a vaʼa, nasa skwi horai. Sèi ta fa ta vogwa a ngwozi cèw ba. Skwi hori da nza te ndev kinè bai!

Lèv. 20:2

Sèi ka gada ta ndohi Israel: Aman ndo Israel, man bai ndo mbrok te Israel, a va na kra na staɗ a Moloc, sèi ta keɗaʼa. Sèi ndohi ta kèlè a kwa.

Lèv. 21:9

Aman dem ndo mvi skwi a Zhiklè a gi mphömè, a lizhè va na a vna, a derɗe bab na, sèi ta fa na vogwa.

Lèv. 24:14

Ndo nlivyè kin da auda a dal kokwar, ta tèlèba man ta tsenaʼa, da ngeda ri a gèɗ nengaʼa. A mpi ndohi tèlèba sèi ta kèlè a kwa.

Galates 5:12

Dara tengaʼa man ta dzakaɓa kinè, ta tsuɓa va ta a ri ta.

Deutéronome 13:10

Kolo a kwa a mʼmets na, a géɗ man a woy a nzlakede ka auda a civèɗ Ndo nzi pèc pècèk, Zhiklè ngaya, man a nhelka kinè auda te kokwar Egypte, te gi bèlè.

Deutéronome 13:11

A ndohi Israel tèlèba ta da cinèʼa, a ta gi zlau, a ta da gi skwi ambaɓiaʼa aranta te deɓaʼa asaɓai a sam ngaya.

Deutéronome 17:5

a dal kokwar man a gau skwi ambaɓiaʼa sa a pa, a ka kèlè a kwa, a ka ga na kita mʼmetsai, a nguraʼa ba, a ngwoza ba.

Deutéronome 21:21

Te deɓaʼa ndohi kokwar na tèlèba sèi ta kèlèʼa a kwa, a metsi na. Aranta ka da zedko skwi ambaɓiaʼa auda te ndev ngaya, a ndohi israel tèlèba ta da cinèʼa, a ta gi zlau.

2 Thessalonians 1:6

Nengaʼa kita nzuraʼa a sam Zhiklè, aman a pela ta ndohi man ta ga kinè matakwan, a matakwan.

Hébreux 12:15

Va-gu maya a géɗ kinè, ko ndo staɗ da jèkeda pombi Zhiklè ɓai, da gu ara zluzlor wof nɗuzlekzlekaʼa, man a fcè, man a gedèshè gumai, a dzakaɓ kinè, a nlizhè mpi ndohi Zhiklè ɓai.

Josué 6:18

Aman kinè, va-gu maya, kin da gu ntétékè skwi mphomdaʼa ɓai, kin co skwa a ri ɓai, man ɓai Ndo nzi pèc pècèk a da phomda sam man ndohi Israel ta ɓiceda va a pa, a ta da si matakwan.

Josué 7:15

A ndo man skwi mphomdaʼa te ri na, sèi ta feda a vogwa, a skwi man a ngotso tèlèba, a géɗ man a ntawaɗaha nderzlè-ma Ndo nzi pèc pècèk, a ngau skwi horai te Israel.

I Samuel 14:29

Ndohai ta tiɗ ta. Jonathan a mʼmbeɗa ta a ma: Bab ga a woya a nga ta matakwan a ndohai. Va-wora, di ga a nciɗa ma, a géɗ man i tor vongwom haha kètè.