Josué 7:24 - Ma Zhiklè

²⁴ A Josué a ngso Acan, kra Zérach, a Suli a dawar a guro, a wudahi a dalahi nengaʼa, zlèhi nengaʼa kɗèhi a skwi man a ngotso tèlèba. Ndohi Israel tèlèba ta zhè a sam na. A ta de ta a dal Acor.

Josué 7:24 ပူးပေါင်းရင်းမြစ်များ

Genèse 18:25

Ka da gu arsa ɓai; aman ka keɗa ndo nzuraʼa a nda ndo mali bai, a ndikè-ma ndo nzuraʼa a ndikè-ma ndo malai da gu lèmèlèmè ɓai; ka gu arsa ɓai! Nengaʼa man a ga na kita a herkeda tèlèba, a ga na kita nzuraʼa azɓi dè?

Job 20:15

Skwi mèshèlè man a ndau, a da vinèhèdaussa; Zhiklè a ckoɗauda tʼhwaɗ na.

Exode 20:5

Ka gurɓa a sam tengaʼa bai, ka tsu ri a tengaʼa bai! Aman iyè Ndo nzi pèc pècèk, Zhiklè ngaya, i Zhiklè i srak, man a gi kita a sam wudahi a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.

Proverbes 15:27

Ndo man a cè skwi man ta ruɓè a vna, a gédèshè gi na; aman ndo man a woy skwi mbalai man ta ruɓa a vna ɓai, a nzi a nshèffè.

Ecclésiaste 5:13

Skwi mèshèlè nengaʼa a ndiv na te ngédèshè; kra nguraʼa man a myau a ngècè skwi te ri bab na azɓai.

Esaie 65:10

Saron a gi a sam nwèr skwai, slrats Acor sam rèwè zlèhai ndohi ga man ta woy iyè.

Osée 2:15

A i ndeda dak a hèshèkèɗ, a skwi dakhi ta nzi a pa. Aman a da pil gèɗ a géɗ mizlinè man a nʼnga na Baal, a skwi man a mva na, aman a vau skwi wi nengaʼa a va, a jèjèr golahi na, a i pca na a gèɗ, Ndo nzi pèc pècèk a gaɗa.

Josué 15:7

Te deɓaʼa kuma a dè Débir, a beza a nkulgodok te Acor, te man a géɗèʼa, a beza zlawa a ndè Guilgal, zuraʼa a ma ngègèd Adummim, man a zhè a ma dzurv iyam te man a dakwaɗ. Te deɓaʼa kuma a zhè a ma iyam En-Shémesh, ha ndè a En-Roguel.

Josué 22:20

A pats man Acan, kra Zérach, nco skwi man Zhiklè a phomda, a metsar, Zhiklè a ngu ndav a géɗ mpi ndohi Israel tèlèba ka bi dè? Nengaʼa staɗgenè ka ɓai, man a mets na a géɗ mali na a haha.

Josué 6:18

Aman kinè, va-gu maya, kin da gu ntétékè skwi mphomdaʼa ɓai, kin co skwa a ri ɓai, man ɓai Ndo nzi pèc pècèk a da phomda sam man ndohi Israel ta ɓiceda va a pa, a ta da si matakwan.

Josué 6:21

Ta gedassa skwi te kokwar tèlèba a tsakwal, nguraʼa, ngwoz, gola, babgai, marai, tambak, kdèh, tèlèba.

Josué 7:1

Aman ndohi Israel ta gu maharam skwi mphomdaʼa: Acan, kra Carmi, te verzi Zabdi, te verzi Zérach, gwoli Juda, a nco te va skwi mphomdaʼa kètè. A Ndo nzi pèc pècèk a ngu ndav a géɗ ndohi Israel.

Josué 7:23

A ta hul skwi te gi na, a ta hulkoɗi a sam Jo-sué, a sam ndohi Israel tèlèba, a ta wuzhaʼa a sam Ndo nzi pèc pècèk.

Josué 7:26

A ta tsama na kwa a deɓa a vata, kwa a zhè ha patsna. Te deɓaʼa Ndo nzi pèc pècèk a njèkeda ngi ndav. A géɗ nengaʼa ta baha na samaʼa ‘dal Acor’, ha patsna.