Josué 7:1 - Ma Zhiklè

¹ Aman ndohi Israel ta gu maharam skwi mphomdaʼa: Acan, kra Carmi, te verzi Zabdi, te verzi Zérach, gwoli Juda, a nco te va skwi mphomdaʼa kètè. A Ndo nzi pèc pècèk a ngu ndav a géɗ ndohi Israel.

Josué 7:1 ပူးပေါင်းရင်းမြစ်များ

Genèse 34:27

A wudahi Jacob ta kala ta va a ndohi matakwan, a ta hul skwi kokwar a wuɗai, a géɗ man ta sossura demam ta.

II Samuel 24:1

A ndav Ndo nzi pèc pècèk a ndza na worworaʼa zaʼa a géɗ ndohi Israel, a mpoko na géɗ auda a David a géɗ tengaʼa, a ngaɗa: Do, da nger ta ndohi Israel, a ndohi Juda!

II Rois 5:24

Aman Guéhazi a ndikè a Ophel, a nhul skwi tèlè te ri tengaʼa, a nʼngheda te gi na, a nzlinde ta ndohi a deɓa; a to do ta.

I Chroniques 21:7

Skwi haha ambaha Zhiklè ɓai, a nʼnga na matakwan a Israel.

II Chroniques 24:18

Bai a ntsena ma tengaʼa: A ta jèkeda Ndo nzi pèc pècèk, Zhiklè bab ta, a ta gau mizlinè Astarte a skwi mʼmbèh skwai. A Ndo nzi pèc pècèk a ngu ndav a géɗ Juda, a géɗ Jérusalem, a géɗ man ta gu malai.

Esdras 9:6

a i gaɗa: Zhiklè ga, hori a dzay kumba, hori a keɗyè a vèvèd; i slaha a i pi di a zhiklè ɓai, Zhiklè ga! Skwi ambaɓiaʼa man nga gau a nge na a mbiaʼa a sam nga. Mali nga a ngre na a ma ma, ha a ndikè a géɗèʼa.

Job 35:8

Mali a gedèshè ndo tʼherkeda; aman ka gi zuraʼa, aʼtèkè a ndo genè.

Ecclésiaste 9:18

Maya a fena skwi var. Ndo staɗ man a gi malai a gedèsh skwi man amba kumba.

Daniel 9:7

Ka Bi Zhiklè, ka gi zuraʼa; aman hori a di nga, a patsna, a ndohi Juda a Israel tèlèba, ko ndul ndul, ko dra, tʼherkeda tèlèba a sam man ka dzam ta a gèɗ mali man ta gu a sam ngaya.

Lèv. 10:6

Te deɓaʼa Moise a ngaɗa na Aaron a wudahi nengaʼa, Eleazar a Ithamar: Kin sha gèɗ bai, kin kuratseda maslaka kinè aussa bai, man bai kin metsi kinè, a ndzoan Zhiklè a shkè a géɗ mpi ndohi tèlèba. Aman kramamhi kinè, ndohi Israel tèlèba, tengaʼa ta slaha ta kuɗai a géɗ vogwa man Ndo nzi pèc pècèk a vatsa a haha.

Jonas 1:7

Te deɓaʼa ngiɗè a ngaɗa na ngiɗè, ngiɗè a ngaɗa na ngiɗè: Vo-washkè, ngo-gokoy jimèr, a nga shinèʼa, mali haha mali ngè, aman matakwan haha a mshkè a géɗ nga. Aman ta gu jimèr, jimèr a nkala na a gèɗ a Jonas.

Josué 22:16

Mpi ndohi Israel tèlèba ta gaɗa kinè: Mali mè, man kin gu a sam Zhiklè Israel, aman a patsna kin jèkeda ndè a verzi Ndo nzi pèc pècèk, a kin rom sam mvi skwi a Zhiklè man a kinè, a kin Sala na va a gèɗ a Ndo nzi pèc pècèk?

Josué 22:18

A patsna kin woy a kin jèkeda Ndo nzi pèc pècèk dè? Te deɓaʼa a gèɗ man kin Sala na va a gèɗ, Ndo nzi pèc pècèk a da gi ndav a géɗ mpi ndohi Israel tèlèba.

Josué 22:20

A pats man Acan, kra Zérach, nco skwi man Zhiklè a phomda, a metsar, Zhiklè a ngu ndav a géɗ mpi ndohi Israel tèlèba ka bi dè? Nengaʼa staɗgenè ka ɓai, man a mets na a géɗ mali na a haha.