Josué 6:6 - Ma Zhiklè

⁶ A Josué, kra Nun, a mbaha ta ndohi mvi skwi a Zhiklè, a ngaɗa ta: Va-zuɓ koti nderzlè-ma, a ndohi mvi skwi a Zhiklè tsaraɗ ta cè tolom tsaraɗ a ta dè a ma koti nderzlè-ma Ndo nzi pèc pècèk a vna te rai.

Josué 6:6 ပူးပေါင်းရင်းမြစ်များ

Exode 25:14

A ka tarda gada a danguri te tsagi kotai, a ta slaha ta zhüɓèʼa te pa.

Actes 9:1

Saul, nengaʼa a vèɗ htsan a golahi Bi Yèsu, a mdo a sam bi ndohi mvi skwi a Zhiklè,

Josué 24:11

Te deɓaʼa kin tawaɗa woyam Jourdain, a kin ndika a kokwar Jéricho. A bihi Jéricho: Amor, Phérez, Canaan, Heth, Guirgasi, Hévi a Jébus ta gu var a nda kinè, a i pe ta a ri a kinè.

Josué 3:3

a ta njè ta ma a gèɗ a ndohai: Aman kin da rka ta ndohi mvi skwi a Zhiklè te verzi man a Lévi, ta zhüɓ koti nderzlè-ma Ndo nzi pèc pècèk, Zhiklè kinè, va-slambaɗa a sam man kin nza a pa, a kin dzodzora.

Josué 3:6

A Jo-sué a ngaɗa ta ndohi mvi skwi a Zhiklè: Va-zuɓ koti nderzlè-ma, vo-do a ma ndohai! A ta zuɓ koti nderzlè-ma, a to do a ma ndohai.

Josué 6:13

Ndohi mvi skwi a Zhiklè man tolom nslhaʼa tsaraɗ te rai, to do a ma koti nderzlè-ma Ndo nzi pèc pècèk, a ta tsu tolom. Zolom ndohai to do a ma tengaʼa, njèkèdi ndohai, nte deɓa: ta dzodzor koti nderzlè-ma Ndo nzi pèc pècèk: to do, ta tsi tolom a rai.

Josué 6:5

Aman ta da tsi tolom nslhaʼa, a kin da tsena ntsi tolom, ndohi tèlèba sèi ta tsi lalau var mbiaʼa. Te deɓaʼa zlazlar kokwar a da mbeɗ na a nasanasa, a ndohi ta da tivè a pa, staɗ staɗ a dè a pa a sam man a nzlatsa a pa.

Josué 6:7

Te deɓaʼa a ngaɗa ta ndohai: Vo-do, va-tèuda kokwar a pa! Aman zolom ndohai do do a ma koti nderzlè-ma Ndo nzi pèc pècèk!

Josué 6:8

Aman Josué a ngaɗa ta ndohi arsa, ndohi mvi skwi a Zhiklè tsaraɗ, man tolom tsaraɗ te rai, a ma Ndo nzi pèc pècèk, to do a ta tsu tolom, a koti nderzlè-ma Ndo nzi pèc pècèk a ndzadzar ta te deɓa.

I Samuel 4:3

Aman ndohi Israel ta shkè a deɓa a sam nhèyè-va, ndohi Israel nhalahiaʼa ta gaɗa: Ndo nzi pèc pècèk a ngu ar haha, aman ndohi Philistie ta fen nga a patsna, èhèmè? Nga da ckoɗi koti nderzlè-ma Zhiklè nga te Silo di kla! A nengaʼa da nza a ndev nga, a da mbel nga auda te ri ndohi mayamhi nga.