Josué 6:5 - Ma Zhiklè

⁵ Aman ta da tsi tolom nslhaʼa, a kin da tsena ntsi tolom, ndohi tèlèba sèi ta tsi lalau var mbiaʼa. Te deɓaʼa zlazlar kokwar a da mbeɗ na a nasanasa, a ndohi ta da tivè a pa, staɗ staɗ a dè a pa a sam man a nzlatsa a pa.

Josué 6:5 ပူးပေါင်းရင်းမြစ်များ

Exode 19:19

Tolom a slhè, a ndèlè azbai, holholaʼa. A Moise a gèdè, a Ndo nzi pèc pècèk a mbeɗka na a ma te ntsi iyam.

Esaie 25:12

Zlazlar tengaʼa ngurèʼa, ndakmaʼa, a mʼmbeɗdahai, a ndumdahai, a ndedahai tohtohaʼa.

Esaie 30:25

A géɗ za mbiaʼa, a géɗ za nkèshèʼa tèlè, iyam a hi te wurrai, te woyam; a pats man Zhiklè a bazl ta kumba, a gihi ngurèʼa ta mbeɗ ta.

Jérémie 50:15

Va-guzlu var a géɗ nengaʼa a sam tèlèba! Nengaʼa a gidè rai, sak gi nengaʼa mʼmbeɗ na, zlazlar nengaʼa nzlina; nasa kita Ndo nzi pèc pècèk. Vo-dzhoɗo skwi mpil gèɗ a sam na, va-ga na lèmèlèmè ara man nengaʼa a gau!

Hébreux 11:30

A géɗ ncè-a-ndav, zlazlar Jé-richo a mʼmbeɗ ha hai, aman ta tèuda pa mʼmèn tsaraɗ.

Josué 6:16

Sak matsaradaʼa, ndohi mvi skwi a Zhiklè ta tsu tolom, a Josué a ngaɗa ta ndohai: Va-guzlu var! Ndo nzi pèc pècèk a va kinè kokwar!

Josué 6:20

A ndohi ta hüno nguzli var, a ta tsu tolom. Aman ndohi mvi skwi a Zhiklè ta tsu tolom, ndohi ta tsu lalau var mbiaʼa, a zlazlar Jéricho a mʼmbeɗ na a nasanasa, a ndohi ta teva a kokwar, staɗ staɗ tèlèba zuraʼa a ma na a ta duma kokwar.

Josué 6:4

Ndohi mvi skwi a Zhiklè tsaraɗ sèi ta cè tolom man a slhè, a ta dè a ma koti nderzlè-ma. A pats matsaraɗaʼa, va-tèuda kokwar a pa sak 7, a ndohi mvi skwi a Zhiklè ta tsi tolom.

Josué 6:6

A Josué, kra Nun, a mbaha ta ndohi mvi skwi a Zhiklè, a ngaɗa ta: Va-zuɓ koti nderzlè-ma, a ndohi mvi skwi a Zhiklè tsaraɗ ta cè tolom tsaraɗ a ta dè a ma koti nderzlè-ma Ndo nzi pèc pècèk a vna te rai.

Juges 20:37

A ndohi mogoɓ ta hakaɗai a ta kala na va a kokwar Guibéa, a ta bazla ndohi kokwar tèlèba a tsakwal.

I Samuel 17:20

David a nslambaɗa a prèk te gai, a njèka ta tambakihi a ri ndo nwar ta, a nco skwai, a ndo, ara man Isai a ngra na. A ndikè a sam mɓicè ndohi var, a ndohi var ta ɗaha va a ta guzlai.

I Samuel 17:52

A ndohi Israel a ndohi Juda ta slambaɗa, ta rubai, a ta dzam ta ndohi Philistie ha ndè Gath, a ntamagi Ekron. Nckondohi Philistie ta mana a civèɗ, a hinè te Shaaraim, ha ndè Gath a Ekron.

I Samuel 4:5

Aman koti nderzlè-ma a mshkè a sam nhèyè va ndo, ndohi Israel tèlèba ta hèzlèwè a ta wuffè, a herkeda a gi ngumaʼa a mwuffè ndohai.