Josué 6:4 - Ma Zhiklè

⁴ Ndohi mvi skwi a Zhiklè tsaraɗ sèi ta cè tolom man a slhè, a ta dè a ma koti nderzlè-ma. A pats matsaraɗaʼa, va-tèuda kokwar a pa sak 7, a ndohi mvi skwi a Zhiklè ta tsi tolom.

Josué 6:4 ပူးပေါင်းရင်းမြစ်များ

Genèse 2:3

A Bi Zhiklè a mpshè na ma pats matsaraɗaʼa, a nkezla patsaʼa, aman a pats nasa, Bi Zhiklè a nsok va te mizlinè nengaʼa tèlèba man a gau, a ndeva ma.

I Rois 18:43

Te deɓaʼa a mbaha na gol nengaʼa: Do, da ngul dai te civèɗ woyam mbiaʼa! A nengaʼa a mdo, a nʼngul dai, a ngaɗa: Skwa a te pa ɓai! A nengaʼa a ngaɗa: Do a deɓa zaʼa! A gol nengaʼa a mdo a deɓa sak tsaraɗ.

II Rois 5:10

A Elisée a nzlündo gol nengaʼa, aman a ngaɗa na: Do, pana va ngaya te woyam Jourdain, a gi sak 7, a va ngaya a da suɗ na.

II Rois 5:14

A nengaʼa a mshkèhi a deɓ plèsh, a mpana va te woyam Jourdain, a gi sak 7, ara man ndo Zhiklè a gada na. A va nengaʼa nsuɗa ma, va nengaʼa a nge na ara gola.

II Chroniques 13:12

Na haha, Zhiklè a ndohi mvi skwi a nengaʼa ta zhè a sam nga, ta zhè a ma nga, a ta tsi tolom a sam kinè. Ndohi Israel! Kin gu var a Ndo nzi pèc pècèk Zhiklè bab kinè ɓai! Nta ambaɓai.

II Chroniques 20:17

Kinè a ngi var haha ka ɓai. Vo-do, va-zlatsa, a kin da rka ara man Ndo nzi pèc pècèk a mpreka kinè auda. Juda a Jérusalem, kin gu zlau ɓai, kin gudzu ɓai, an-goslèm vo-do auda, va-gu var a nda ta. Ndo nzi pèc pècèk a zhè a nda kinè.

II Chroniques 20:19

Ndohi Lévi te va ndohi Kehath a ndohi Koré ta slambaɗa a ta slubordo Ndo nzi pèc pècèk, Zhiklè Israel, a daʼai mbiaʼa man a slhè.

II Chroniques 20:21

Te deɓaʼa to do ta tèlèba, a ndav staɗ, ta pau ndohi nfi dimèsh a ma ndohi var, a kolongwi nkezlaʼa a va, a ta slubordo Ndo nzi pèc pècèk, a ta gaɗa: Vo-slubordo Ndo nzi pèc pècèk; aman ndohi ta sia te va a mèdèp.

Job 42:8

Anai va-hul marihi 7 a droki 7, vo-do a sam Job, ɓèl ga, va-ndara na skwi a Zhiklè a géɗ va kinè. A Job, ɓèl ga, a da tsi rai a géɗ kinè. Sèi ntsi ri Job man i da cèʼa; te deɓaʼa i da ga kinè skwi ambaɓiaʼa azɓai, a géɗ man kin goɗ ma a géɗ ga zuraʼa ara Job, ɓèl ga, ɓai.

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Lèv. 14:16

Te deɓaʼa ndo mvi skwi a Zhiklè da nècèdè kra ri mandi nengaʼa a va mbar man a zhè te ri gula nengaʼa, da guceda mbar man a kra ri nengaʼa a sam Ndo nzi pèc pècèk, sak tsaraɗ.

Lèv. 4:6

A ndo mvi skwi a Zhiklè da nècèdè ri na a va Pombaz, da guceda a maslaka a sam nkezlaʼa, sak tsaraɗ.

Zacharie 4:2

Ka rka mè? I mbeɗa na a ma: I rka skwi nfi vogwa, nʼngaʼa a guro tèlèba, a skwi mɓèl mbar te géɗèʼa, a skwi man vogwa a vècè a pa tsaraɗ, a skwi man mbar a hi a pa tsaraɗ te géɗèʼa.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Nombres 23:1

Balaam a ngaɗa na Balak: Ramayè sam mvi skwi a Zhiklè a haha tsaraɗ, a ka hulkoɗi zlèhi tsaraɗ, a droki tsaraɗ!

Josué 6:13

Ndohi mvi skwi a Zhiklè man tolom nslhaʼa tsaraɗ te rai, to do a ma koti nderzlè-ma Ndo nzi pèc pècèk, a ta tsu tolom. Zolom ndohai to do a ma tengaʼa, njèkèdi ndohai, nte deɓa: ta dzodzor koti nderzlè-ma Ndo nzi pèc pècèk: to do, ta tsi tolom a rai.

Josué 6:3

Kin tèlèba, ndohi var, va-tèuda kokwar a pa sak staɗ, pats staɗ. Va-gu arsa mʼmèn mokwa.

Josué 6:5

Aman ta da tsi tolom nslhaʼa, a kin da tsena ntsi tolom, ndohi tèlèba sèi ta tsi lalau var mbiaʼa. Te deɓaʼa zlazlar kokwar a da mbeɗ na a nasanasa, a ndohi ta da tivè a pa, staɗ staɗ a dè a pa a sam man a nzlatsa a pa.

Apocalypse 1:20

Skwi nʼnghedaʼa man a bantihi tsaraɗ, man ka rka te ri mandi ga, a skwi nfi vogwa guro tsaraɗ, aranta: Bantihi tsaraɗ, nara golahi mpi ndohi Zhiklè tsaraɗ. Skwi nfi vogwa tsaraɗ, nara mpi ndohi Zhiklè tsaraɗ.

Apocalypse 1:4

Jean a gaɗa ta mpi ndohi Zhiklè tsaraɗ te kokwar Asie: Pombai da zhè a nda kinè, a gumai te nengaʼa, man a zhè antanta, man a zhè zlèzlèa, man a di a shkè, te Mèzhèɓhi tsaraɗ ba, man ta zhè a sam nʼnzi bi nengaʼa,

Apocalypse 10:3

a mboho a wuɗai, ara marzihèlè man a kuɗai. A deɓ mbèhè nengaʼa, ntsi iyam tsaraɗ ta mbeɗka na ma a deɓa.

Apocalypse 15:1

A i rka skwi ngiɗè man nʼngrédè auda a giɗfèk, mbiaʼa nara nrkedai. Golahi Zhiklè tsaraɗ ta ngots matakwan tsaraɗ, nasa matakwan a ndikedè ndzoan Zhiklè.

Apocalypse 15:7

Staɗ te va skwihi faɗ a nshèffe a mva ta kokwihi tsaraɗ a ri a golahi tsaraɗ, nʼndha a ndzoan Zhiklè man a nzi a nshèffe te nhinkaɗ na a mèdèp.

Apocalypse 16:1

A i tsena ngèɗè ngiɗè mbiaʼa te gi Zhiklè, man a gaɗa ta golahi Zhiklè ntsaraɗa sa: Vo-do, va-bada kokwihi tsaraɗ a ndzoan Zhiklè te pa a géɗ herkeda!

Apocalypse 5:1

A i rka ɗèlèwèr te ri mandi ndo a géɗ sam nʼnzi bai, skwi mwindèʼa a pa tʼhwaɗaʼa, a deɓa ba, ntkotsa a pa a skwi mpizlèa tsaraɗ.

Apocalypse 5:6

A i rka kra tambak te ndev sam nʼnzi bai a skwihi faɗ a nshèffè, a ndohi nhalaʼa; kra tambak sa ara man ta zlama na daʼai ma, a drom tsaraɗ, a di tsaraɗ. Nasa Mèzhèɓhi Zhiklè tsaraɗ man ta zlinde ta a herkeda tèlèba.

Apocalypse 8:2

A i rka golahi Zhiklè tsaraɗ, man ta zlatsa a sam mvi skwi a Zhiklè, a ta pa ta tolomhi tsaraɗ.

Apocalypse 8:6

A golahi Zhiklè tsaraɗ, a tolomhi tsaraɗ, ta tila va ta, a ta hüno ntsiaʼa.