Josué 6:22 - Ma Zhiklè

²² A Josué a ngaɗa ta ndohi cèw man ta zeɓau kokwar: Vo-do a gi fali ngwoz, va-helka ta ngwoz a ndohi gi nengaʼa auda te pa, ara man kin mbaɗa ta.

Josué 6:22 ပူးပေါင်းရင်းမြစ်များ

II Samuel 21:2

A bai a mbaha ta ndohi Gabaon, a ngaɗa ta. – Ta ngra ta ndohi Gabaon a va ndohi Israel ka ɓai, aman ta humde ta a va njèkèdi ndohi Amor. Saul a woya a ngedas ta, a géɗ man a ngu srak a géɗ Israel a Juda, ko ndohi Israel ta gaɗa ta ndohi Gabaon a mʼmbèɗè.

II Samuel 21:7

Aman bai a mva ta Mephibosheth, kra Jonathan, kra Saul, ɓai, a géɗ ma mʼmbèdè man David a Jonathan, kra Saul, ta mbada a sam Ndo nzi pèc pècèk.

Psaumes 15:4

Man a kwola ndo man a Zhiklè a kwolaʼa, a slebarde ta ndohi man ta gi zlau Zhiklè. A gi ara man a mbaɗa, ko skwi na a zi a verziaʼa.

Ezéchiel 17:13

Te deɓaʼa a mco verzi ndo staɗ te gi bai, a nderzla ma a vna. A ndzhoɗo a sam na, aman a mbaɗa na, a nhel ta ndohi mbibihiaʼa a ma te kokwar;

Ezéchiel 17:16

Ara man a vava i zhè, Bi Zhiklè Ndo nzi pèc pècèk a gaɗa, a da metsi na a sam man bi a mfeda a pa a bai, man a mʼmendko mʼmbèdè nengaʼa auda, te kokwar Babylone, man a mpra nderzlè-ma na.

Hébreux 11:31

A géɗ ncè-a-ndav ta keɗa Rahab, fali ngwoz, a nda ndohi ncè a ndav ɓi ɓai, te man a mpe ta ndohi nzeɓi kokwar a gai a gumai.

Josué 6:17

Ndo nzi pèc pècèk a mphomde kokwar a skwi tèlèba te pa. Skwi ngiɗè a jèkè a nshèffè azɓai, sèi Rahab, fali ngwoz, a ndohi man ta zhè te gi nengaʼa tèlèba, a géɗ man a ngheda ndohi sak man nga zlinde ta.

Josué 6:23

A golahi nzebi kokwar to do, a ta hulkoɗi Rahab a bab na a mam na a kramamhi na a skwi tèlèba te pa auda. Ndohi te verzi tengaʼa ba ta hulko ta auda te pa, a ta pe ta a gi a tsagi sam man ndohi Israel ta nza a pa.

Josué 9:15

A Josué a ntsu gumi a tengaʼa, a nderzla ma a nda tengaʼa, aman a da jèka ta nshèffè. A ndohi mbibihiaʼa te va mpi ndohai ta gaɗa ta a mʼmbèɗè.

Juges 1:25

A nengaʼa a nʼngra ta civèɗ man ta bizhè a pa, a ta duma kokwar, a ta bazl ta ndohi kokwar a tsakwal. Aman masli sa a ndohi gi nengaʼa tèlèba ta jèka ta.