Josué 5:6 - Ma Zhiklè

⁶ Mvi 40 man ndohi Israel ta sawala tʼhèshèkèɗ, ha ndohi tèlè ta bazl ta – ndohi var man ta jèkeda kokwar Egypte – a géɗ man ta fu gèɗ a ma Ndo nzi pèc pècèk ɓai. Tengaʼa man Ndo nzi pèc pècèk a ngaɗa ta a mʼmbèɗè, ta da rka kokwar asaɓai, man wa a vongwom a hi te pa man a mpasla ta ri a hai a bababhi ta a mʼmbèɗè, a woya a nva ta.

Josué 5:6 ပူးပေါင်းရင်းမြစ်များ

Psaumes 107:4

Ta zlak ta tʼhèshèkèɗ, te ndev tsohi-tsoh, a ta ngatsa civèɗ aman a ta nzi a kokwar ɓai,

Exode 3:17

A i hur te gèɗ ga, i woy a i helka kinè auda te matakwan, te kokwar Egypte, a i de kinè a kokwar Canaan, ndohi Héth, Amor, Phérez, Hévi a Jébus, a kokwar man wa a vongwom ta hi te pa.

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Jérémie 2:2

Do, njè ta ma a ndohi Jérusalem, a ka gaɗa ta: Ndo nzi pèc pècèk a goɗ ar haha: I hérèʼa, ara man kin woy Zhiklè te wudahai, a kin woy iyè ara medemai: Ara man kin dzadzarkayè tʼhèshèkèɗ, te herkeɗa man skwa a gi a pa azɓai.

Ezéchiel 20:15

Te deɓaʼa i mbaɗa ta tʼhèshèkèɗ, a ri ngeda te zhiklè, aman i de ta a kokwar azɓai man i hur i da va ta, man wa a vongwom a hi te pa, kokwar mbelaʼa man a fena ngiɗè tèlèba,

Ezéchiel 20:6

A pats nasa i mbaɗa ta, a ri ngeda te zhiklè, aman i da helka ta auda te kokwar Egypte, a i de ta a kokwar man i woy a i va ta, man wa a vongwom a hi te pa, kokwar mbelaʼa man a fena ngiɗè tèlèba.

Joel 3:18

A pats nasa a gi aman barassa a hakaɗi te za, a wa te ngègèɗhai. Iyam a hi te woyam Juda tèlèba. Nlèlè iyam a hakaɗauda te gi Ndo nzi pèc pècèk, a ruɓa dal Sittim.

Nombres 14:23

sèi ta da rka kokwar man i mbada ta a babhi ta asaɓai. Tengaʼa tèlèba man ta derdyè, ta da rka asaɓai.

Nombres 26:63

Nasa tengaʼa man Moise a Aaron, ndo mvi skwi a Zhiklè, ta nger ta te va ndohi Israel, a dal Moab, a ma woyam Jourdain, zuraʼa a Jéricho.

Deutéronome 1:3

A Moise a ngaɗa ta ma man Ndo nzi pèc pècèk a njè na a gèɗ, te mvi 40, a ki 11, a pats nshèlèkuraʼa.

Deutéronome 2:14

Daga man ngo do te Kades-Barnea, ha ndè a sam woyam Zéred, a nga tawaɗa woyam Zéred, te mvi 38, ha verzi ndohi var ta bazl ta tèlèba auda te va nga, ara man Ndo nzi pèc pècèk a gaɗa nga a mʼmbèɗè.

Deutéronome 2:7

Te man Ndo nzi pèc pècèk, Zhiklè kinè, a mpshè kinè ma te skwi man kin gu tèlèba, a mɓerka kinè te ri man kin dè tʼhèshèkèɗ, mvi 40, Ndo nzi pèc pècèk, Zhiklè kinè, a zhè a nda kinè, kinè tèkwona skwa ɓai.

Deutéronome 8:4

Maslaka man a va ngaya nhal ɓai, sak ngaya a nʼnde ɓai, tʼhwaɗ mvi 40 haha tèlèba.

Hébreux 3:11

A i gu ndzoan, a i mbaɗa: Ta ndikè a sam nshèk va ga azɓai!

Josué 1:6

Gsa ndav ngaya a ka nze taraʼa a ma ma; ka da kezli kokwar a ndohi haha a skwi nʼndi gai man i woy a i va ta, ara man i mbaɗa ta babhi tengaʼa.

Josué 24:7

Aman ndohi Israel ta kuɗau a sam Ndo nzi pèc pècèk, a nengaʼa a ngeda ndodok ara ruva a ndev kinè a ndohi Egypte, a mbüɗko ta iyam mbiaʼa a gèɗ a ndohi Egypte, a nzede ta a pa. Gar haha skwi man i gau te Egypte, kin rkaʼa a di kinè. Te deɓaʼa kin nzau tʼhèshèkèɗ kumba.

Josué 5:5

Ndohi tèlèba, man ta shkè auda, ngwon ta nʼngela ma; aman tengaʼa man ta yau tʼhèshèkèɗ, man ta beza a pa, te deɓ mshkè ta auda te Egypte, ngwon ta nʼngel ɓai.

Josué 5:7

Aman Ndo nzi pèc pècèk a nʼnzede ta wudahi tengaʼa a sam nʼnzi bab ta. Tengaʼa, man Josué a ngela ta ngwon, te man ta ngela ta ngwon a civèɗ di ɓai.