Josué 5:2 - Ma Zhiklè

² A pats nasa Ndo nzi pèc pècèk a ngaɗa na Josué: Bazla krengaz, a ka ndeda a gwèsh, a ka ngela ta ngwon sak macecèwaʼa a ndohi Israel.

Josué 5:2 ပူးပေါင်းရင်းမြစ်များ

Exode 4:25

A Séphora a nco kwa man tsagi na mbazla heɓheɓaʼa, a nʼngela mbèbèc ngwon kra na, a nkalda mbèbècèʼa a va Moise, a ngaɗa: Ka baki man ka gi pombaz a va ndo.

Romans 2:29

Aman nengaʼa ndo Juif nzuraʼa, man ndo Juif te ndav. Nengaʼa nʼngél ngwon nzuraʼa, man ndav ntila, man ndo a ngoɗ ka ɓai, aman Mèzhèɓ Zhiklè a ngau. Ndo arsa a ngècè nʼnjèlè a sam ndohi ka ɓai, aman a sam Zhiklè.

Romans 4:11

Skwi malwuɗi te nʼngél ngwon nengaʼa a nʼngotso sèi te deɓa, man Zhiklè a nʼngaʼa a ndo nzuraʼa man a nco a ndav ma, a nʼngotso man a ngela ngwon di ɓai. Arsa nʼngaʼa a bab ndohi tèlèba man ta cè a ndav, man ta ngél ngwon ka ɓai. Aman ncè-a-ndav tengaʼa a nge ta a ndohi nzuraʼa.

Deutéronome 10:16

Gar haha va-tila ndav kinè, kin gu mèdègèd a ma ma ɓai!

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

Colossiens 2:11

Te nengaʼa kinè ndohai man ndav kinè ntila, ntétékè az a sam kinè asaɓai. Kin co Kristi te di man a ngél ngwon.

Josué 5:3

A Josué a mbazla krengaz, a nʼndeda a gwèsh, a nʼngela ta ngwon a ndohi Israel a der za Araloth.