Josué 5:13 - Ma Zhiklè

¹³ Aman Josué ndul ndul a ndikè a kokwar Jéricho, a nceda gèɗ a zhiklè, a nʼngul dai, a nrka ndo staɗ man a nzlatsa zuraʼa a ma nengaʼa, tsakwal te rai, mphoa tʼuda. Josué a mdo a sam na, a ngaɗa: Ka gwoli man a nga ɗè, ka ndo mayam nga dè?

Josué 5:13 ပူးပေါင်းရင်းမြစ်များ

Genèse 18:1

A Ndo nzi pèc pècèk a ngudoko na va a dai a sam gètèl wof te Mamré, aman a nza a ntamagi na, a géɗ pats.

Genèse 18:2

A ncede gèɗ a zhiklè, a ngél dai, a nrka ndohi makar ta zlatsa a sam na. Mrke ta, a nha ta ma, a nkalahi a deɓ sak tengaʼa,

Genèse 28:16

Aman Jacob a mpiɗèkwud na, a ngaɗa: A vava Ndo nzi pèc pècèk a zhè a sam haha, a i sun bai.

Genèse 33:1

Aman Jacob a ncede gèɗ a zhiklè, a rka Esau a shkè a nda ndohi 400. A Jacob a nkezle ta wudahi man a Léa, man a Rachel, man a ɓèlèlihi na,

Genèse 33:5

Aman Esau a mpu dai, a nrka ngwozi a wudahi a ngaɗa: Ngwozi a wudahi a sam ngaya haha wa? A mʼmbeɗa na a ma: Wudahi man Bi Zhiklè a mva na ɓèl ngaya te pombi na.

I Chroniques 12:22

Pèc-pècèk ndohi ta shkè na a va David, a ta takaha, ha a nʼngots ndohi var kumba, ara ndohi var Zhiklè.

I Chroniques 21:27

Te deɓaʼa Ndo nzi pèc pècèk a ngaɗa na gol Zhiklè, da ciɓda gwèsh a gia zaʼa.

I Chroniques 21:30

Aman David a slaha a nzlècè a samaʼa a ntsi ri a Zhiklè ɓai, zlau a dza na, a géɗ tsakwal gol Ndo nzi pèc pècèk.

Exode 23:23

A gol ga a dè a ma ngaya, a de ka a sam ndohi Amor, Heth, Phérez, Canaan, Hévi a Jébus, a i da zede ta.

Daniel 10:5

I pu dai, a i rkaʼa: Na haha, ndo ngiɗè a zhè a maslaka ntsentsai a va, deɓ ndzawaʼa a teɓa guro Uphaz.

Daniel 8:3

I rkaʼa ara man iyè a ma woyam Ulai. I pu dai a i ngul dai, a i rka drok, zuraʼa a ma woyam. Drom drok cèw, drom ngur-gurèʼa, ngiɗè a fena ngiɗè. Nengaʼa man a fena ngiɗè a greka te deɓaʼa.

Zacharie 1:8

A vaɗ haha i rka skwi te nshunè: ndo ngiɗè a deɓ plèsh ntevaʼa, nzlatsa tʼhwaɗ wof ɗawai, nte loloh, a pleshi te deɓ nengaʼa, ntevaʼa, mbombertak, a nslekaɗaʼa.

Nombres 22:23

A kɗèh a nrka gol Ndo nzi pèc pècèk man a nzlatska ta ma a civèɗ, a gidè tsakwal te rai. A kɗèh a njèkeda civèɗ, a dè na zlawa. A Balaam a ntsu kɗèh, a woya a nʼngalda na ma a civèɗ.

Nombres 22:31

Te debaʼa Ndo nzi pèc pècèk a nzlatsa a civèɗ, a gidè tsakwal te rai. A nengaʼa a ngurɓahai, a nkalahi a deɓ sak nengaʼa.

Actes 1:10

Aman ta pi di a verzi nengaʼa, man a dè na zhiklè, na haha ndohi cèw a maslaka nslekaɗaʼa a va, ta zhè a sam tengaʼa, a ta gaɗa:

Josué 6:2

A Ndo nzi pèc pècèk a ngaɗa na Josué: Na haha, kokwar Jéricho, a bi nengaʼa, a ndohi var, slagamhi nengaʼa tèlèba, i va ka a ri a ka.

Apocalypse 1:13

te ndev sam nfi vogwahai, ndo staɗ, va na lèmèlèmè ara krando, sajibèr a va, guro mʼmana te ndav.

Juges 13:11

A Manoach a nslambaɗa, a ndo a verzi ngwoz na, a ta shkè a sam gol Zhiklè, a ngaɗa na: Ka ndo man ka goɗ ngèɗè a ngwoz ga dè? A nengaʼa a ngaɗa: I nengaʼa!

Juges 13:22

Manoach a ngaɗa na ngwoz na: Nga metsi nga, te man nga rka Bi Zhiklè!