Josué 5:1 - Ma Zhiklè

¹ Aman bihi Amor tʼwud woyam Jourdain, te civèɗ nkèl pats tèlèba, a bihi Canaan a ma iyam mbiaʼa, ta tsenaʼa, ara man Ndo nzi pèc pècèk a ngwora iyam woyam Jourdain a ma ndohi Israel, ha ta tawaɗa woyam Jourdain ma, ndav tengaʼa a mʼmbeɗ na. Zlau a ndza ta a sam ndohi Israel.

Josué 5:1 ပူးပေါင်းရင်းမြစ်များ

Genèse 12:6

A Abram a mbeza a ndev kokwar, ha a ndikè a sam Sichem, a sam gètèl wof, a ma Moré. A pats nasa, ndohi Canaan ta te kokwar sa.

Genèse 48:22

A i va ka skwi man i va ta kramamhi ngaya ɓai: za Sichem, man i co te ri ndohi Amor a kafahi gwèsh a lèkèɗ.

II Samuel 21:2

A bai a mbaha ta ndohi Gabaon, a ngaɗa ta. – Ta ngra ta ndohi Gabaon a va ndohi Israel ka ɓai, aman ta humde ta a va njèkèdi ndohi Amor. Saul a woya a ngedas ta, a géɗ man a ngu srak a géɗ Israel a Juda, ko ndohi Israel ta gaɗa ta ndohi Gabaon a mʼmbèɗè.

I Rois 10:5

skwi nʼndi te gi na, a gi ndohi mizlinè nengaʼa, ara man golahi nengaʼa ta tilèʼa, a maslaka tengaʼa, ndohi ngsa na zom, a skwi man a ndara na a Ndo nzi pèc pècèk te gi Zhiklè, a nrzl na a vata,

Esdras 9:1

Aman ta gu skwi haha tèlèba ma, mbibihiaʼa ta shkè a sam ga, a ta gaɗa: Ndohi Israel, ndohi mvi skwi a Zhiklè a ndohi Lévi, ta kezla va auda a sam ndohi nte deɓa ɓai; ta mbèh skwi tengaʼa, skwi mʼmbèh skwi Canaan, Heth, Phérez, Jébus Ammon, Moab, Egypte a Amor.

Psaumes 135:11

Sihon, bi Amor; Og, bi Basan; a bihi kokwar Canaan tèlèba.

Exode 23:28

I da zlindè mangavar zlè a ma ngaya, a ta da dzam ta ndohi Hévi, Canaan, Heth auda a sam ngaya.

Esaie 41:5

Herkeda nte ndev iyam ta rkaʼa, a pra ta zlau a gèɗ sawaʼa. Verzi herkeda a gu-dzai, ta herdeka va, a ta shkè tèlèba:

Ezéchiel 16:3

Ka gaɗa: Bi Zhiklè a ngaɗa na kokwar Jérusalem: Verzi ngaya, man ka cüzlko va te pa, kokwar Canaan. Bab ngaya ndo Amor, mam ngaya dem Heth.

Ezéchiel 21:7

Ka ndo, peda di a civèɗ kokwar Jérusa-lem, goɗ ma ngaya a géɗ sam nkezlaʼa, hod ma a géɗ herkeda Israel!

Daniel 5:6

A bai a ngu zlau henzalalaʼa, a hér gèɗ zlau, vatasl deɓ nengaʼa a nverzl na, a nruɓa na vatasl a va kurɓ kurɓaʼa.

Amos 2:9

Iyè i zede ta ndohi Amor a ma kinè, man ngur tengaʼa nara ngur wof lakalak, man wuɗi ta a zhè ara wof ɗawai. I gedassa nyi wof nengaʼa te gédèʼa, a zluzlor tʼhai tèlèba.

Nombres 13:29

Ndohi Amalec ta nza te kokwar Négeb. Ndohi Heth a Jébus, a Amor, ta nza te za. Ndohi Canaan ta nza a ma woyam mbiaʼa, a ma woyam Jourdain ba.

Josué 17:12

Aman ndohi Manassé ta slaha ta duma kokwarhi haha ɓai, a ndohi Canaan ta tilda gerzi ta a pa.

Josué 17:18

Aman sam dak te man a za a ngaya, man wof nhaya a pa. Ɗotso wof—ncèkè ngaya. A ka da dzam ta ndohi Canaan, ko man kiki var ta a zhè, ko man wuɗi ta a zhè.

Josué 24:15

Aman njèjèr Ndo nzi pèc pècèk a da ambaha kinè ɓai, va-hur a patsna: Kin woy a kin jèjèr zhiklèhi man bababhi kinè ta dzadzar ta tʼwud woyam Jourdain ɗè, ɗè kin jèjèr zhiklèhi ndohi Amor man kinè te kokwar tengaʼa antanta dè? Aman nga a ndohi gi ga, nga jèjèr Ndo nzi pèc pècèk!

Josué 3:16

woyam man a shkè te géɗèʼa a nzlatsahai, a nrama va na ara zlazlar, dra man a ndè a kokwar Adam, kokwar a tsagi Tsarthan. Iyam man a hi a woyam Arabah, woyam boma, a nʼngel na. A ndohi ta beza a sam ngworaʼa, zuraʼa a Jéricho.

Josué 3:17

Ndohi mvi skwi a Zhiklè man ta zuɓ koti nderzlè-ma, ta zlatsa a sam woyam ngworaʼa, a ndohi Israel tèlèba ta beza auda, iyam az a sak ta ɓai, ha tèlèba ta tawaɗa woyam Jourdain.

Apocalypse 18:10

A ta da zlècè dra, a zlau matakwan nengaʼa, a ta gaɗa: Wobau, wobau a géɗ kokwar mbiaʼa. Kita ngaya a mshkè a pats staɗ!

Juges 1:1

Te deɓ mʼmetsi Josué, ndohi Israel ta dzhoɗo a sam Ndo nzi pèc pècèk, a ta gaɗa: Ndè a ngi var a ndohi Canaan te va nga wa?

Juges 11:23

Ar haha Ndo nzi pèc pècèk, Zhiklè Israel, a ndzar ta ndohi Amor auda a ma ndohi Israel, ndohi nengaʼa. A ka, ka woy a ka cè kokwar ta ani dè?

Juges 3:3

Ndohi herkeda haha: bihi Philistie 5, ndohi Canaan tèlèba, ndohi Sidon, Hévi man ta nza te za Liban, a hinè te za Baal-Hermon, ha ndè Hamath.

Juges 4:2

A Ndo nzi pèc pècèk a mpre ta ma a ri a Jabin, bi Canaan, man a gu bi te Hatsor. Sisera, bi sojè nengaʼa. Gi nengaʼa te Harosheth-Goim.

I Samuel 25:37

Aman a prèk, man zom a ndo na auda te gèɗ Nabal ma, ngwoz nengaʼa a nʼngra na skwi man a gu adatsa. Aman ndav Nabal a ngwor na, ara kwa.