Josué 4:19 - Ma Zhiklè

¹⁹ Nasa ki nshèlèkuraʼa, mʼmèn 10, man ndohi ta shkè auda te woyam Jourdain, a ma kokwar Jéricho, te civèɗ mvèng pats, a ta mana a Guilgal.

Josué 4:19 ပူးပေါင်းရင်းမြစ်များ

II Rois 2:1

Ga Ndo nzi pèc pècèk a nda Elie a zhiklè te va ndombozlor, Elie a Elisée to do Guilgal.

Amos 4:4

Vo-washkè a kokwar Béthel, va-gu malai! Te Guilgal va-gu mali holholaʼa! Va-zla na skwi a deɓ a vrai a prèk langa, a skwi 1 teva 10, 10, tʼhwaɗ mʼmèn makar, tʼhwaɗ mʼmèn makar.

Amos 5:5

Va-woy iyè, a kin da nzi a nshèffè. Kin hoss Béthel ɓai! Kin do Guilgal ɓai, kin do aussa a Beer-Shéba ɓai; aman Guilgal a vava a dè dangai, a Béthel a da gedas na.

Michée 6:5

Ndohi ga, va-hur skwi man Balak, bi Moab, a woy a nʼnga kinè, a ma man Balaam, kra Beor, a mʼmbeɗa na a ma, daga Sittim, ha ndè Guilgal; aman a ka shin ngi-zuraʼa Ndo nzi pèc pècèk!

Deutéronome 1:3

A Moise a ngaɗa ta ma man Ndo nzi pèc pècèk a njè na a gèɗ, te mvi 40, a ki 11, a pats nshèlèkuraʼa.

Deutéronome 11:30

Za haha ta zhè tʼwud woyam Jourdain, te civèɗ nkèl pats, te kokwar ndohi Canaan, man ta nza a vara, zuraʼa a ma Guilgal, a tsagi wof Moré.

Josué 10:43

Te deɓaʼa Josué a ndohi Israel tèlèba ta menkaɗ ta a deɓa a Guilgal, a sam man ta mana a pa.

Josué 10:6

A ndohi Gabaon ta zlündo ndo a sam Josué, a sam man ta mana a pa te Guilgal. A ta gaɗa na: Ka kwola ɓèlèlihi ngaya ɓai! Vo-washkè a kin takaha nga tsam tsam a kin mbel nga! Aman bihi Amor tèlèba, ndohi nte za, ta ɓicko nga va a gèɗ.

Josué 15:7

Te deɓaʼa kuma a dè Débir, a beza a nkulgodok te Acor, te man a géɗèʼa, a beza zlawa a ndè Guilgal, zuraʼa a ma ngègèd Adummim, man a zhè a ma dzurv iyam te man a dakwaɗ. Te deɓaʼa kuma a zhè a ma iyam En-Shémesh, ha ndè a En-Roguel.

Josué 24:11

Te deɓaʼa kin tawaɗa woyam Jourdain, a kin ndika a kokwar Jéricho. A bihi Jéricho: Amor, Phérez, Canaan, Heth, Guirgasi, Hévi a Jébus ta gu var a nda kinè, a i pe ta a ri a kinè.

Josué 4:18

Aman ndohi mvi skwi a Zhiklè, man ta zuɓ koti nderzlè-ma Ndo nzi pèc pècèk, ta shkè auda te woyam Jourdain, a ta mbatseda sak a herkeda, tʼwuda ngiɗè, iyam te woyam Jourdain a mʼmen na a pa ara pèc pècèk, a hi auda a dzah a sam tèlèba, ara matsa.

Josué 5:10

A ndohi Israel ta ɓica va a ta mana a Guilgal, a ta gau ngolala Pâque, te mʼmèn 14 a ki sa, a dakwad, tʼhèshèkèɗ Jéricho.

Josué 5:9

Te deɓaʼa Ndo nzi pèc pècèk a ngaɗa na Josué: A patsna i cko kinè hori ndohi Egypte auda a dai. A ta baha na samaʼa Guilgal, ha patsna.

Josué 9:6

A to do a sam Josué, a Guilgal, a sam man ta mana a pa, a ta gaɗa ta ndohi Israel: Nga shkè te kokwar dra; ngo-durzlokoy ma a nda kinè!

I Samuel 10:8

Do Guilgal a ma ga! Te deɓaʼa i da dè a sam ngaya, a nga da zli skwi a nga da vi skwi a Zhiklè. Zhor mʼmèn 7, ha i dè a sam ngaya, a i da ngra ka skwi man ka da giaʼa.

I Samuel 15:33

Samuel a ngaɗa: Ara man tsakwal ngaya a mbazl ta wud ndohai, sèi ta keɗa kra man mam ngaya a nyokoɗi ba, lèmèlèmè ara man a ngwozi ngiɗè. A Samuel a nkeɗa Agag a sam di Ndo nzi pèc pècèk te Guilgal, a nratsaʼa.