Josué 4:10 - Ma Zhiklè

¹⁰ Ndohi mvi skwi a Zhiklè man ta zuɓ koti nderzlè-ma ta zlatsa te Jourdain, ha ta rufa mizlinè skwi tèlèba man Ndo nzi pèc pècèk a gaɗa na Josué, aman a njè ta a gèɗ a ndohai, lèmèlèmè ara man Moise a njè na Josué. Te deɓaʼa ndohi ta vosso va ta auda.

Josué 4:10 ပူးပေါင်းရင်းမြစ်များ

Psaumes 119:60

I vèsh va, i gi ndudoh azɓai, a njéjèr ma nkwèr ngaya.

Exode 12:39

A ta tu mɓelaslasla man ta ckoɗa ri te kokwar Egypte, a ta ndau te di movar man skwi nshégèrèʼa a te di ɓai, a géɗ man ta dzamka ta auda te kokwar Egypte, ta ga ndodoh asaɓai, ta tila skwi nʼndi a hi man ta ndi a civèɗ bai.

Proverbes 27:1

Ka fu va a géɗ mangoslèm ɓai! Ka sun skwi man a da gi angoslèm ɓai.

Ecclésiaste 9:10

Mizlinè tèlèba man ka ngotso, gu dè te di wuɗi ngaya. A sam mʼmetsai, man ka da dè a pa, mizlinè azɓai, nhér skwi azɓai. Ta sun skwa ɓai, maya ngiɗè azɓai.

Esaie 28:16

A géɗ nengaʼa Zhiklè Ndo nzi pèc pècèk a gaɗa: Na haha, i tilda kwa a Sion, géɗ kwa, verzi kwa mbelaʼa. Ndo man a nco nengaʼa a ndav, skwa a tsama na sak azɓai.

2 Corinthians 6:2

Aman nengaʼa a gaɗa: A pats man amba, i co ntsi ri ngaya. A pats mʼmbélè, i takaha ka. Na haha, antanta pats man amba, na haha, pats mʼmbélè.

Deutéronome 31:9

Moise a mwindo ma kita haha, a mva ta ndohi mvi skwi a Zhiklè, ndohi Lévi, man ta zuɓ koti ma kita Ndo nzi pèc pècèk, a ndohi Israel nhalaʼa tèlèba.

Josué 24:11

Te deɓaʼa kin tawaɗa woyam Jourdain, a kin ndika a kokwar Jéricho. A bihi Jéricho: Amor, Phérez, Canaan, Heth, Guirgasi, Hévi a Jébus ta gu var a nda kinè, a i pe ta a ri a kinè.

Josué 3:13

Aman sak ndohi mvi skwi a Zhiklè man ta zuɓ koti nderzlè-ma Ndo nzi pèc pècèk, Zhiklè a géɗ herkeda tèlèba, ta mbècè a iyam Jourdain, iyam Jourdain a da ngel na, a woyam man a hakaɗi te géɗèʼa, a zlècèhi ara zlazlar.

Josué 4:11

Aman ndohi tèlèba ta tawaɗa woyam ma, koti nderzlè-ma Ndo nzi pèc pècèk a ndohi mvi skwi a Zhiklè to do a ma ndohai.

Josué 4:9

Kwa 12, Josué a nɗizl ta a woyam Jourdain, a sam man sak ndohi mvi skwi a Zhiklè man ta zuɓ koti nderzlè-ma ta zlatsa a pa. A ta nza a pa ha patsna.