Josué 3:5 - Ma Zhiklè

⁵ A Josué a ngaɗa ta ndohai: A woy ndav kinè nkezlaʼa, a gèɗ man angoslèm Ndo nzi pèc pècèk a da gi nrkedi te ndev kinè.

Josué 3:5 ပူးပေါင်းရင်းမြစ်များ

Job 1:5

A pats man skwi nʼndi ngolala klèng, Job a mbaha ta, aman a tila ndav ta. A prèk te gai, a nʼndara na skwi a Zhiklè a géɗ staɗ staɗ tèlèba. Job a nhuro: Wa ngiɗè ba, wudahi ga ta da gu malai, ta durɗo Bi Zhiklè te ndav ta. A Job a ngu arsa pèc pècèk.

Psaumes 77:15

Ka Zhiklè man ka gi nrkedai. Ka ngreda wuɗi ngaya a sam ndohi herkeda.

Psaumes 86:10

Aman ka mbiaʼa, a ka gi nrkedai, Bi Zhiklè, ka staɗgenè.

Joel 2:16

Va-ɓic ta ndohai, va-ga mɓicè-va ndohai a nkezlaʼa a sam Ndo nzi pèc pècèk, va-pe ta ndohi nhalaʼa a géɗ ta, va-ɓic ta gdahi a wudahi man a wa; ntsima a shkè auda te gi na, medemi a shkè auda te vèn.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Lèv. 20:7

Gar haha va-kezla ndav kinè, a kin ga a ndohi nkezlaʼa. Aman iyè, Ndo nzi pèc pè-cèk, Zhiklè kinè.

Nombres 11:8

A ndohi to do aman ta ɓicèʼa, a ta ɓertsaʼa, man ɓai ta kalaʼa, a ta taʼa te shiɗèf, man ɓai ta gu mɓelaslasla a vna. A jén ara matawai.

Jean 17:19

I kezla ndav ga a ri ga a gèɗ tengaʼa, aman ndav tengaʼa ba, nkezla te ma nzuraʼa.

Josué 3:13

Aman sak ndohi mvi skwi a Zhiklè man ta zuɓ koti nderzlè-ma Ndo nzi pèc pècèk, Zhiklè a géɗ herkeda tèlèba, ta mbècè a iyam Jourdain, iyam Jourdain a da ngel na, a woyam man a hakaɗi te géɗèʼa, a zlècèhi ara zlazlar.

Josué 3:15

Aman ndohi nzuɓ koti nderzlè-ma ta ndika a ma woyam Jourdain – (te kokwar sa, man ndohi ta ɓicè skwi nslaʼa, woyam nʼndha, a hi auda a dzah) – a sak ndohi mvi skwi a Zhiklè man ta zuɓ kotai, ta mbatsa a va iyam,

Josué 3:4

Kin derzla na va a va ɓai, aman va-jèka na dalbara a ma, a tsi ri 2.000; a da ngra kinè civèɗ, te man kin beza a civèɗ haha di ɓai.

Josué 3:6

A Jo-sué a ngaɗa ta ndohi mvi skwi a Zhiklè: Va-zuɓ koti nderzlè-ma, vo-do a ma ndohai! A ta zuɓ koti nderzlè-ma, a to do a ma ndohai.

Josué 7:13

Slambaɗa dakwa! Tila ndav ndohai! Ka gaɗa ta: Va-tila ndav kinè, a géɗ mangoslèm. Ndo nzi pèc pècèk, Zhiklè Israel, a ngoɗa: Skwi mphomdaʼa a zhè te ndev kinè, ndohi Israel. Kin slaha kin zlècè a sam mayamhi kinè asaɓai, sèi man kin cko skwi mphomdaʼa auda te ndev kinè.

I Samuel 16:5

Nengaʼa a ngaɗa: Halau! I shkè a i da zli skwi a Ndo nzi pèc pècèk. Va-tila ndav kinè, a kin ndi skwi man nga zli a Zhiklè! A ngaɗa na Isai a wudahi nengaʼa ba, aman ta tila ndav ta, a mbaha ta a sam skwi man a zla na Zhiklè.