Josué 3:15 - Ma Zhiklè

¹⁵ Aman ndohi nzuɓ koti nderzlè-ma ta ndika a ma woyam Jourdain – (te kokwar sa, man ndohi ta ɓicè skwi nslaʼa, woyam nʼndha, a hi auda a dzah) – a sak ndohi mvi skwi a Zhiklè man ta zuɓ kotai, ta mbatsa a va iyam,

Josué 3:15 ပူးပေါင်းရင်းမြစ်များ

II Rois 2:6

Elie a ngaɗa na: Nza a haha! Aman Ndo nzi pèc pècèk a nzlendyè a ma woyam Jourdain. Aman nengaʼa a ngaɗa: Ara man Ndo nzi pèc pècèk a zhè, ara man ka ba, ka zhè, i jèke ka azɓai. A to do cèw ba.

I Chroniques 12:15

Ta tawaɗa woyam Jourdain a ki nshèlèkuraʼa, aman Jourdain a hi auda a dzah, a to do a ta dzam ta ndohi a vara auda te civèɗ mvèng pats, te civèɗ nkèl pats.

I Chroniques 12:16

Ndohi Benjamin a Juda ta shkè a sam David a gi za.

Esaie 26:6

a sak a mbècè a pa; sak mbelawahai, sak ndohi man wuɗi ta azɓai.

Jérémie 12:5

Aman ka ngeza a verzi ndohi man ta dè a sak, ka slaha kin lèmdè nhi a plèsh ɗè? Te kokwar man gumi te pa, ka nzi zuraʼa. Ka woy a ka gi te woyam Jourdain man a grè a grè, kè?

Jérémie 49:19

Na haha ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam a gi a Edom a hi na. A i da fi nengaʼa man i ngotskoɗauda a bi nengaʼa. Ngar iye wa? Nʼnjèy ma a gèɗ, wa? Bi man a salay va a gèɗ, wa?

Nahum 1:4

A güv iyam mbiaʼa, a gworaʼa, a Woyamhi tèlèba ta she ta. Basan a Carmel, iyam a dza ta, mwurzhè te Liban a mɓüt na.

Josué 3:13

Aman sak ndohi mvi skwi a Zhiklè man ta zuɓ koti nderzlè-ma Ndo nzi pèc pècèk, Zhiklè a géɗ herkeda tèlèba, ta mbècè a iyam Jourdain, iyam Jourdain a da ngel na, a woyam man a hakaɗi te géɗèʼa, a zlècèhi ara zlazlar.

Josué 4:18

Aman ndohi mvi skwi a Zhiklè, man ta zuɓ koti nderzlè-ma Ndo nzi pèc pècèk, ta shkè auda te woyam Jourdain, a ta mbatseda sak a herkeda, tʼwuda ngiɗè, iyam te woyam Jourdain a mʼmen na a pa ara pèc pècèk, a hi auda a dzah a sam tèlèba, ara matsa.