Josué 24:20 - Ma Zhiklè

²⁰ Aman kin da jèkeda Ndo nzi pèc pècèk, a kin da jèjèr zhiklè ngiɗè tsaɗ, a nda ngwoda gèɗ na, a da ga kinè skwi ambaɓiaʼa, a da ndev kinè a ma, ko man zlèzlèa a nʼnga kinè skwi man amba.

Josué 24:20 ပူးပေါင်းရင်းမြစ်များ

I Chroniques 28:8

Anai, a sam di ndohi Israel tèlèba, a sam mpi ndohi Ndo nzi pèc pècèk, a sam nzlembaɗ Zhiklè nga, va-wora, va-wuzho ma kita Ndo nzi pèc pècèk, Zhiklè kinè tèlèba, a kin nzi a kokwar mbelaʼa a haha a ma ma, a wudahi a wud wudahi kinè ta ndiaʼa a mèdèp.

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

Esdras 8:22

Aman i da dzhoɗo bai aman bi a va nga nhèyè-va sojè a ndohi plèsh, aman ta takaha nga a sam mayamhi nga a civèɗ ar horai. A vava nga gaɗa na bai: Zhiklè nga a takaha ta ndohi tèlèba man ta woyaʼa a ri na man amba; aman a gi ndzoan, a ga ta wuɗai a ndohi tèlèba man ta jèkeda.

Psaumes 89:31

Aman wudahi nengaʼa tajèkeda ma kita ga, a ta jejèr ma man i gaɗa ta azɓai,

Esaie 1:28

Aman ndohi man ta tsena gèɗ ɓai, a ndohi mali tèlèba, ta gedas ta. A tengaʼa man ta jèkeda Ndo nzi pèc pècèk, ta zi ta.

Esaie 63:10

Aman tengaʼa ta slambaɗa na va, ta ɗawarama na ndav a Mèzhèɓ Zhiklè nkezlaʼa. A nengaʼa a nde na mayam ta, a ngu var a tengaʼa a ri na.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Ezéchiel 18:24

Aman ndo nzuraʼa a njèkeda ngi-zuraʼa nengaʼa, a gi skwi nzura ka bai, a gi skwi nzuraʼa azɓai, skwi hori tèlèba lèmèlèmè ara ndo nderɗa Zhiklè, skwi nzura tèlèba man a gau, ta hérèʼa asaɓai. A géɗ man nlèɓèslè ɓai, a géɗ mali man a zhè a géɗ nengaʼa, a da metsi na.

Actes 7:42

Aman Zhiklè a mʼmenda va na a deɓa, a njèke ta, aman ta tsi ri a mèzhèɓhi tʼhwaɗ giɗfèk, ara man ta Windo te ɗèlèwèr ndohi nhadka ma: Kinè ndohi Israel! Mvi kinè kulkul Gad te hèshèkèɗ, kin zlau skwai a kin vayè a iyè dè?

Deutéronome 4:25

Aman kin ngeda verzi kinè a kokwar ma, a kin gi malai a kin gi skwi ngidè man kin lèmdèʼa a Zhiklè, mèzhèɓ skwi mèmè, a kin gi skwi man ambaha Ndo nzi pèc pècèk, Zhiklè kinè ɓai, a kin poko na gèɗ ndav auda a vna,

Deutéronome 4:26

a patsna i bèhè giɗfèk a herkeda a malwuɗi a géɗ kinè — kin da zi kinè tʼherkeda man kin tawaɗa woyam Jourdain a pa, a kin nzi a pa azɓai, kin da gedas kinè.

Hébreux 10:38

Aman ndo nzuraʼa a sam di ga, a da nzi a nshèffè a géɗ ncè-a-ndav. Aman ndo man a men na a deɓa, ambahayè ɓai.

Josué 24:21

A ndohi ta gaɗa na Josué: Aʼai! Nga woy a nga jèjèr Ndo nzi pèc pècèk!

I Samuel 12:15

Aman kin da fi zlembaɗ a ma Ndo nzi pèc pècèk azɓai, a kin gi mèdègèɗ a sam ma man Ndo nzi pèc pècèk a gaɗa kinè, kita Ndo nzi pèc pècèk a zhè a gèɗ kinè, a géɗ bi kinè.

I Samuel 12:25

Aman kin da gu skwi ambaɓiaʼa, kinè a bi kinè tèlèba kin gédèsh kinè.