Josué 24:19 - Ma Zhiklè

¹⁹ A Josué a ngaɗa ta ndohai: Kin slaha a kin jèjèr Ndo nzi pèc pècèk azɓai, te man nengaʼa Zhiklè nkezlaʼa, nengaʼa Zhiklè srak, a da pra kinè mphömè kinè a mali kinè azɓai.

Josué 24:19 ပူးပေါင်းရင်းမြစ်များ

II Chroniques 36:16

Aman ta ngwossaha ta ndohi sak Zhiklè, ta kwola ma nengaʼa, ta derde ta ndohi nhadka ma, ha ndav a ndza na Ndo nzi pèc pècèk worworaʼa a géɗ ndohi na, a til azɓai.

Psaumes 99:3

Sèi ta slébèrdè nzlembaɗ ngaya mbiaʼa, mwuɗitpa, nkezlaʼa!

Psaumes 99:5

Va-nzala Ndo nzi pèc pècèk, Zhiklè nga, va-kalahai a deɓ skwi nfi sak nengaʼa! Zhiklè nkezlaʼa!

Psaumes 99:9

Va-nzala Ndo nzi pèc pècèk, Zhiklè nga, va-kalahai a deɓ sak nengaʼa a sam za nengaʼa nkezlaʼa! Aman Ndo nzi pèc pècèk, Zhiklè nga, nengaʼa nkezlaʼa.

Exode 20:5

Ka gurɓa a sam tengaʼa bai, ka tsu ri a tengaʼa bai! Aman iyè Ndo nzi pèc pècèk, Zhiklè ngaya, i Zhiklè i srak, man a gi kita a sam wudahi a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.

Exode 23:21

Gau maya a géɗ ngaya, a sam na; fu gèɗ a ngèɗè nengaʼa, ka Sala va a sam na bai. Aman kin da tèwèɗè ma nengaʼa, a da pra kinè mali kinè azbai. Aman iyè, te nengaʼa.

Exode 34:14

Ka da tsu ri a Zhiklè ngiɗè bai! Aman nzlembaɗ Ndo nzi pèc pècèk, srak, i Zhiklè, i srak.

Exode 34:7

man pombi na a zhè a verzi ndohi gozhèm gozhèm kumba, man a pra ta mphömè a maharam a malai a ndohai, aman a pra ta ambali ka bai, aman a gi kita a sam wudahi a géɗ mali bab ta, te verzi bab ta, te mamakaraʼa, te mafaɗaʼa.

Esaie 2:9

Ndohi mbibihiaʼa ta da mèndè gèɗ a hai; a ndohi nkèshkèshèhiaʼa ta da gi huyokokoʼa holholaʼa. Ka da pra ta mali ɓai!

Esaie 27:11

Aman ntsatseriaʼa ngwora, ta pasledaussa. Ngwozi ta shkè a ta fa na vogwa. Aman ndohi haha ta tsena gèɗ ɓai, gar haha ta si Ndo nzi pèc pècèk man a ge ta, te va azɓai, Zhiklè nʼnge ta a va ta pombi azɓai.

Esaie 30:11

Va-jèkeda civèɗ, va-beza zlawa, kin slefa nga Zhiklè Israel nkezlaʼa a tsagi nga ɓai!

Esaie 30:15

Gar haha Ndo nzi pèc pècèk, Zhiklè Israel nkezlaʼa, a goɗ aranta: Aman kin menkaɗa deɓa a kin nza, kin da mbél kinè. Aman kin nzi tètèʼa, a kin pi ndav a Zhiklè, kin ngècè wuɗai; aman kin woya ɓai,

Esaie 5:16

Zhiklè bi mbiaʼa a da tsoko gèɗ na auda a mbiaʼa te kita, Zhiklè nkezlaʼa a da ngredè va na auda a ngi-zuraʼa, i kezla a vava.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 11:45

Aman iyè Ndo nzi pèc pècèk, i helka kinè auda te kokwar Egypte, a i gi a Zhiklè kinè. Gar haha sèi kin nzi a ndohi nkezlaʼa, aman iyè, i kezla.

Lèv. 19:2

Gada ta mpi ndohi Israel tèlèba aranta: A woy kin kezla, te man iyè, i kezla, i Ndo nzi pèc pècèk, Zhiklè kinè.

Lèv. 20:26

Sèi kin kezla a sam ga, te man iyè, Ndo nzi pèc pècèk, i kezla, a i parka kinè auda te va ndohi herkeda, a kin ndi a ndohi ga.

Lèv. 20:7

Gar haha va-kezla ndav kinè, a kin ga a ndohi nkezlaʼa. Aman iyè, Ndo nzi pèc pè-cèk, Zhiklè kinè.

Nahum 1:2

Ndo nzi pèc pècèk, nengaʼa Zhiklè srak, man a jhèɗè skwi mpil gèɗ. Ndo nzi pèc pècèk a jhèɗè skwi mpil gèɗ, a gi ndav worworaʼa.

Habakuk 1:13

Di ngaya nlizhɓai, kumba nkuzleraʼa, ka slaha a ka rka skwi ambaɓiaʼa azɓai, ka slaha a ka pi di a matakwan azɓai; ka rka ta ndohi ambaɓihiaʼa a ka nze tètè èhèmè? Ehèmè, aman ndo malai a ndeda ndo nzuraʼa a ma?

Matthew 6:24

Ɓèl azɓai, man a slaha a ngi mizlinè babgihi cèw. Gar a gi shèwa a nstaɗ, a woy ngiɗè a ndav na, gar a gshè va a nstaɗ, a nkwola ngiɗè. Kin slaha kin gi ɓèl Zhiklè a ɓèl skwi mèshèlè cèw ɓai.

Josué 24:18

Ndo nzi pèc pècèk a ndzam ta ndohi tèlèba a ma nga, ko ndohi Amor man ta nza te kokwar. Nga ba nga woy a nga jèjèr Ndo nzi pèc pècèk, te man nengaʼa Zhiklè nga.

Josué 24:23

Josué a ngaɗa: Anai va-wusheda zhiklèhi ngiɗè man ta zhè a sam kinè aussa, va-ngwoda na ndav kinè a Ndo nzi pèc pècèk, Zhiklè Israel!

Ruth 1:15

A Naomi a ngaɗa na:, Na haha, ngwoz kramam baki ngaya a mʼmena a deɓa a sam gwoli na, a sam zhiklèhi na. Anai ka ba, men gay a deɓa a verzi ngwoz kramam baki ngaya!

I Samuel 3:14

A gèɗ nengaʼa i mbaɗa a géɗ gi Eli: A vava, mali ndohi gi Eli a pre asaɓai a mèdèp ba, ko ta zli skwi a Zhiklè, ko ta va na skwi a Zhiklè.

I Samuel 6:20

Ndohi Beth-Shémesh ta gaɗa: Nslaha a nzlècè a sam Ndo nzi pèc pècèk, Zhiklè nkezlaʼa haha wa? Da da koti haha a ma? A ndè auda a sam nga.