Josué 24:17 - Ma Zhiklè

¹⁷ Ndo nzi pèc pècèk, nengaʼa Zhiklè nga! Nengaʼa man a helka nga auda te kokwar Egypte, te gi ɓèlè. Nengaʼa man a gu nrkedi mbia haha a sam di nga, a ɓer nga a civèɗ man nga beza te ndev ndohi haha tèlèba.

Josué 24:17 ပူးပေါင်းရင်းမြစ်များ

II Chroniques 13:10

Aman nga, nga jèkeda Ndo nzi pèc pècèk, Zhiklè nga, ɓai. Wudahi Aaron ta gi mizlinè mvi skwi a Zhiklè, a ndohi Lévi ta gi mizlinè ta.

Exode 13:14

Aman kra nguraʼa a da dzhaɗ ka pats ngiɗè: Verzi skwi haha a ngra nga mè? Ka da mbeɗa na a ma: Ndo nzi pèc pècèk a nhelka nga auda te kokwar Egypte, te gi ɓèlè, a wuɗi ri nengaʼa.

Exode 13:3

A Moise a ngaɗa ta ndohai: Va-hur pats man kin shkè auda te kokwar Egypte, te gi ɓèlè. Ndo nzi pèc pècèk a nhelka kinè auda te pa a wuɗi ri nengaʼa. Nga ndi movar man skwi nshégèrè a te di bai, a pats sa.

Exode 19:4

Kin rka a di kinè, skwi man i gau a sam ndohi Egypte, ara man i helka kinè a géɗ kelpasl ara mangayak, a i helka kinè a sam ga.

Esaie 46:4

Ha kin hala ma, i gi lèmèlèmè; ha mokozlar te gèɗ kinè, i takaha kinè. I gau, te va nasa; i woya a i giaʼa, a ma ma. I takaha kinè, a i mbel kinè.

Deutéronome 29:2

Moise a mbaha ta ndohi Israel, a ngaɗa ta: Kin rka skwi tèlèba man Ndo nzi pèc pècèk a ngau a sam di kinè te kokwar Egypte, a sam Pharaon, a sam ɓèlèlihi na, te kokwar nengaʼa tèlèba:

Deutéronome 32:9

te man ndohi nengaʼa ta ga a skwi Ndo nzi pèc pècèk; Jacob skwi nʼndi gi na.

Deutéronome 7:19

skwi mbiaʼa man a nga ta matakwan a vna, skwi man a ngreda auda, a nrkedai, a ri man wuɗi na zhè, man a ngeda, man Ndo nzi pèc pècèk, Zhiklè kinè, a ncka kine auda a vna. Ndo nzi pèc pècèk, Zhiklè kinè, a da gi lèmèlèmè arsa a sam ndohi herkeda tèlèba man kin gi zlau ta.

Josué 24:16

A ndohi ta mbeɗa na a ma: Aʼai, azɓai! Nga woy a nga jèjèr Ndo nzi pèc pècèk; nga jèkeda zhiklè ngiɗè!

Josué 24:18

Ndo nzi pèc pècèk a ndzam ta ndohi tèlèba a ma nga, ko ndohi Amor man ta nza te kokwar. Nga ba nga woy a nga jèjèr Ndo nzi pèc pècèk, te man nengaʼa Zhiklè nga.