Josué 24:14 - Ma Zhiklè

¹⁴ Anai, va-gu zlau Ndo nzi pèc pècèk, va-dzodzora zuraʼa, nlèɓèslèa, va-kwola zhiklèhi bababhi kinè ngiɗè man ta dzadzar ta tʼwud woyam Jourdain, te kokwar Egypte, ba. Va-dzodzor Ndo nzi pèc pècèk!

Josué 24:14 ပူးပေါင်းရင်းမြစ်များ

Genèse 17:1

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

Genèse 35:2

A Jacob a ngaɗa ta ndohi gi na tèlèba, a ndohi tèlèba man ta zhè a sam na: Va-wusheda vrihi kinè aussa! Va-tül va kinè, va-humbaɗa maslaka kinè!

II Rois 20:3

Na haha Ndo nzi pèc pècèk, heryè, i do a civèɗ ngaya a nlèɓèslè, a ndav tèlèba, a i gau skwi man ambaha ka te di ngaya. Ezéchias a nkuɗau ngezler-ngezleraʼa.

Esdras 9:11

man ka va ta ndohi nhadka ma, ɓèlèlihi ngaya, a ka gaɗa ta: Kokwar man kin da dè a pa, a kin kwè-rèʼa, kokwar mphomaʼa. Ndohi nte deɓa ta ga a kokwar mphomaʼa a mʼmbèh skwi tengaʼa, ta ndhaʼa a mali ta, a hünko te verzi ngiɗè a ndè a verzi ngiɗè.

Job 1:1

Ndo ngiɗè a zhè te kokwar Uz, nzlembaɗ na Job; ndo nzuraʼa, a ngu skwi amba amba tèlèba, a gi zlau Bi Zhiklè, a woy skwi ambaɓiaʼa ɓai.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 119:1

Mwuffè a sam ndohi man ta nzi jèlalaʼa a civèɗ ta, man ta jèjèr ma kita Ndo nzi pèc pècèk!

Psaumes 119:80

Ndav ga da rufa ma ngaya man a de nga tèp ba, a i da ngècè hori a di azɓai.

Psaumes 130:4

Aman ka, ka prè malai, a ndohi ta gi hu-yokokoʼa a sam ngaya.

Psaumes 81:10

I woy Zhiklè ngiɗè a sam ngaya bai! Ka tsu ri a zhiklè ndohi nte deɓa bai!

Ezéchiel 20:18

I gaɗa ta wudahi ta tʼhèshèkèɗ: Kin do a civèɗ babhi kinè ɓai, kin dzodzor tsuf tengaʼa bai, kin lizhè va kinè a mʼmbèh skwi tengaʼa bai!

Ezéchiel 23:3

Ta gu mphömè te Egypte, ta hüno mphömè te dalai. Te pa ta bertsama ta wa.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Lèv. 17:7

Anai ta zla ta skwi a madzagihi asaɓai, ara man ta gu halaʼa. Nasa ma nkwèr ta a mèdèp, te verzi wud wuda.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Luke 8:15

Aman nengaʼa a sam mbelaʼa, tengaʼa man ta ɓer ma man ta tsenaʼa, a ndav amba a nzuraʼa, ta yi wuda, a ta nzi dai.

Actes 9:31

A mpi ndohi Zhiklè te kokwar Ju-dée, te kokwar Galilee, te kokwar Samarie tèlèba, ta nza a gumai, a ta ngots wuɗai, a to do a ma ma te zlau Bi Zhiklè, ta ndha a Mèzhèɓ Zhiklè nkezlaʼa man a bid ta. A ndohi ta zlèzlèmè a ma ma.

2 Corinthians 1:12

Nga jégèr va a géɗ skwi haha: Mèzhèɓ ndav nga a gi malwuɗai, aman nga nza a maya te nshèffè nga tʼherkeda, holholaʼa a sam kinè: ndav nkezlaʼa, a ndav nzuraʼa, ara Zhiklè man a woyaʼa, a maya ndo ka ɓai, aman a pombi Zhiklè.

Ephésiens 6:24

Pombai a nda ndohi tèlèba, man ta woy Yèsu Kristi, Bi nga, a ndav ta a mèdèp.

Deutéronome 10:12

Anai, Israel, Ndo nzi pèc pècèk, Zhi-klè ngaya, a jhèɗè a sam ngaya mè? Sèi ka gi zlau Ndo nzi pèc pècèk, Zhiklè ngaya, a ka dè a civèɗ nengaʼa tèlèba! Ka woyaʼa, a ka gi mizlinè Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba,

Deutéronome 18:13

Ka lèbèslè a sam Ndo nzi pèc pècèk, Zhiklè ngaya, te skwi tèlèba!

Deutéronome 6:13

Sèi ka da gi zlau Ndo nzi pèc pècèk, Zhiklè ngaya, a ka gi mizlinè nengaʼa, a ka mbèɗè a nzlembaɗ na.

Philippiens 1:10

aman kin ɗèlè ar haha skwi man amba a skwi man ambaɓai. Te deɓaʼa a pats Kristi kin gaʼa a ndohi nzuraʼa, mali az a sam kinè ɓai;

Josué 24:2

Josué a ngaɗa ta ndohi tèlèba: Ndo nzi pèc pècèk, Zhiklè Israel, a goɗo ar haha: Zlèzlèa bababhi kinè, Tèrach, bab Abraham a bab Nachor, ta nza te wud woyam, a ta dzodzor zhiklèhi ngiɗè tsaɗ.

Josué 24:23

Josué a ngaɗa: Anai va-wusheda zhiklèhi ngiɗè man ta zhè a sam kinè aussa, va-ngwoda na ndav kinè a Ndo nzi pèc pècèk, Zhiklè Israel!

I Samuel 12:14

Aman kin da gi zlau Ndo nzi pèc pècèk, kin da gi mizlinè nengaʼa, kin da fi zlembaɗ a ma nengaʼa, skwi man Ndo nzi pèc pècèk a gaɗa kinè, kin giaʼa, a kinè a bi kinè kin nzi nlèɓèslèa a sam Ndo nzi pèc pècèk, Zhiklè kinè, a da gi amba.

I Samuel 12:24

Aman sèi kin gi zlau Ndo nzi pèc pècèk, sèi kin gi mizlinè nengaʼa nlèbèslèa a ndav tèlèba. Kin rka skwi mbiaʼa man a ga kinè ɓi dè?

I Samuel 7:3

Samuel a ngaɗa ta ndohi Israel tèlèba: Aman kin menkada deɓa a sam Ndo nzi pèc pècèk a ndav tèlè, va-hulkoɗi zhiklèhi ngiɗè auda a sam kinè, a Astartéhai. Va-tila ndav kinè a sam Ndo nzi pèc pècèk, a kin tsu ri a nengaʼa stadgenè, aman a mbel kinè te ri ndohi Philistie.