Josué 23:7 - Ma Zhiklè

⁷ Kin dzakaɓa va a njèkèɗi ndohi herkeda haha ɓai! Kin slefu nzlembaɗ zhiklèhi tengaʼa bai, kin mbaɗa a nzlembaɗ tengaʼa ɓai! Kin dzodzor tengaʼa ɓai, kin tsu ri a tengaʼa ɓai!

Josué 23:7 ပူးပေါင်းရင်းမြစ်များ

II Rois 17:12

Ta dzodzor mbèh skwi tengaʼa, man Ndo nzi pèc pècèk a ngaɗa ta: Kin gu ɓai!

II Rois 5:18

Ndo nzi pèc pècèk da pray mali haha: aman bi ga a dè a gi Zhiklè te Rimmon, aman a tsi ri te pa, a ngshè va a iyè, a i ba nga gurɓahai a vna te gi Zhiklè te Rimmon, Ndo nzi pèc pècèk da pray mali sa.

II Chroniques 7:19

Aman kin da ngwoday deɓa, a kin jèkeda ma nkwèr ga a ma kita ga, man i va kinè, a kin dè a kin jèjèr zhi-klèhi ngiɗè, a kin tsi ri a tengaʼa,

Psaumes 16:4

Tengaʼa man ta hi a verzi skwi mbèh skwi ngiɗè tsaɗ tsaɗ, ta si matakwan kumba. Aman iyè, i da zla ta skwai a i va ta pombaz azɓai, i bèhè nzlembaɗ tengaʼa azɓai.

Exode 20:5

Ka gurɓa a sam tengaʼa bai, ka tsu ri a tengaʼa bai! Aman iyè Ndo nzi pèc pècèk, Zhiklè ngaya, i Zhiklè i srak, man a gi kita a sam wudahi a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.

Exode 23:13

Va-ɓür va kinè te skwi tèlèba man i njè kinè a gèɗ. Nzlembaɗ zhiklèhi ngiɗè ka slefu bai, da shkè auda te ma ngaya bai!

Exode 23:33

Da nza a herkeda ngaya bai, man bai ta da pe ka a wai, a ta de ka a sam malai. Aman ka da tsosl mblom tengaʼa, ka da kèlèhi a gaddaʼa.

Proverbes 4:14

Ko do a civèɗ ndohi nderɗa Zhiklè ɓai, ka dzodzor civèɗ ndohi malihi ɓai!

Jérémie 12:16

Aman te deɓaʼa ta slebi civèɗ ndohi ga, a ta mbèɗè a nzlembaɗ ga, a ta gaɗa: Ndo nzi pèc pècèk a zhè! Ara man ta senda ta ndohi ga a ta mbaɗa a nzlembaɗ Baal, i til ta a pa zaʼa, te ndev ndohi ga.

Jérémie 5:7

Zhiklè a gaɗa: Ar i pra ka mali èhè-mè? Wudahi ngaya ta jèkyè, ta mbaɗa, aman a nzlembaɗ Zhiklè ka ɓai. I va ta skwi a ta ngezaʼa, a to do a ta gu mphömè, ta sawala te gi fali ngwozai.

Osée 2:17

I da va na gi lak na, a i ngwoda dal Acor a pi ndav a vna a ma ma. A dè a pa, ara man a gu te dali na, a pats man a mshkè auda te kokwar Egypte.

Sophonie 1:5

ta tèlèba man ta gurɓèhai a géɗ gai, a ta tsi rai a bantihai, ta tèlèba man ta gurɓahai a ta mbèɗè a nzlembaɗ Ndo nzi pèc pècèk a nzlembaɗ Milcom cèw ba.

Nombres 32:38

Nebo a Baal-Meon, a ta humbaɗa nzlembaɗ kokwar Baal, a Sibma; a ta va ta nzlembaɗ mɓuaʼa a kokwarhi man ta roma.

Nombres 33:55

Aman kin da dzam ta ndohi kokwar auda a ma kinè azbai, tengaʼa man kin da jèkaha ta, ta da ndi ta ara vatak, a ta cèma kinè dai, a ta gi a skwi ntezama kinè zlazlar, a ta ga kinè matakwan pèc pècèk, te kokwar man kin da nzi te pa.

1 Corinthians 15:33

Ndo da pe kinè a wi ɓai: Mandalahi ambaɓihiaʼa ta gedassa maya mbelaʼa.

Ephésiens 5:11

Kin humda ɓai a mizlinè ruva, man skwi mbelaʼa a shkè auda te pa azɓai; mʼmbela kin ngreda skwi nengaʼa ambaɓiaʼa auda.

Deutéronome 10:20

Sèi ka gi zlau Ndo nzi pèc pècèk, Zhiklè ngaya, a ka gi mizlinè nengaʼa, ka gshè va a vna, a ka mbèɗè a nzlembaɗ nengaʼa.

Deutéronome 6:13

Sèi ka da gi zlau Ndo nzi pèc pècèk, Zhiklè ngaya, a ka gi mizlinè nengaʼa, a ka mbèɗè a nzlembaɗ na.

Deutéronome 6:14

Ka dzodzor zhiklèhi ngidè ɓai, zhiklehi ndohi man ta zhe a tsagi kine;

Josué 23:12

Aman kin jèkeda Ndo nzi pèc pècèk, a kin gshè va a njèkèɗi ndohi herkeda haha, njèkèɗia te va tengaʼa man ta zhè a sam kinè, a kin cè ngwoz a va, a kin humda va a nda ta,

Josué 23:8

Aman va-gso va a Ndo nzi pèc pècèk, Zhiklè kinè, genè, ara man kin gau, ha patsna.