Josué 23:16 - Ma Zhiklè

¹⁶ Aman kin da tawaɗaha nderzlè-ma Ndo nzi pèc pècèk, Zhiklè kinè, man a mvakinè, a kin da jè-jèr zhiklèhi ngiɗè, a kin da tsi ri a tengaʼa, Ndo nzi pèc pècèk a da gi ndav kumba a géɗ kinè, a da gedas kinè tsam tsam tʼherkeda mbelaʼa man a mva kinè.

Josué 23:16 ပူးပေါင်းရင်းမြစ်များ

I Rois 14:15

Te deɓaʼa Ndo nzi pèc pècèk a da tsi Israel, a giɗèʼa ara pandar te iyam, a da ksar ta ndohi Israel aussa te kokwar mbelaʼa haha, man a va ta babhi tengaʼa. A da venda ta gèɗ a wud woyam, a géɗ man ta gau skwi mʼmbèh skwai, a ta poko na gèɗ ndav auda a Ndo nzi pèc pècèk a vna.

I Rois 9:6

Aman kinè a wudahi kinè kin da ngwoday deɓa, a kin jèjèr ma nkwèr ga a ma kita ga azɓai ara man i va kinè, a kin dè a kin jèjèr zhiklèhi ngiɗè a kin tsi ri a tengaʼa,

I Rois 9:7

i da zedko Israel auda te kokwar man i va ta, a i kwola gi haha man i baha na a nzlembaɗ ga. A ndohi ngiɗè a géɗ herkeda ta livèʼa, a ta ngwossaha ta ndohi Israel.

II Rois 17:7

Skwi haha a ngau, a gèɗ man ndohi Israel ta gu malai a sam Ndo nzi pèc pècèk, Zhiklè tengaʼa, nengaʼa man a nhelka ta auda te kokwar Egypte, te ri Pharaon, bi Egypte, a ta dzodzor zhiklèhi mʼmbèh skwai.

II Rois 24:20

Skwi haha tèlèba a gu a géɗ man Ndo nzi pèc pècèk a ngu ndav, a ndzam ta auda a sam di na dra. Sédécias a nslambaɗa na va a bi Babylone.

Esaie 24:5

a géɗ man ndohi ta derɗe kokwar ta, ta tawaɗaha ma kita, ta dzadzara ma nkwèr ta ɓai, ta pra nderzlèma ta, man ta derzla a mèdèp.

Jérémie 32:23

Ta shkè a ta co a skwi ta, aman ta fa gèɗ a ma ngaya ɓai. Ta dzadzara ma kita ngaya ɓai, skwi tèlèba ta ga ara man ka njè ta a gèɗ bai. Te deɓaʼa ka wushede ta a matakwan haha tèlèba.

Jérémie 32:24

Na haha ta ɗizla kwa a ma kokwar, a ta gɗvèʼa. Kokwar a dè kèlè a ri ndohi Chaldée, man ta nza na a ma; tsakwal, mai a gidiɓèr ta da gi a ngul ta. Skwi man ka goɗa, kalka ma, ka rkaʼa.

Nombres 33:56

A skwi man i gada i da ga ta tengaʼa, i da ga kinè.

Deutéronome 17:3

a ta tawaɗaha nderzlè-ma, a ta jèjèr zhiklèhi ngidè tsaɗ, ta gi mizlinè ta, ta gurɓahi a sam ta, ta tsi ri a pats, a kia, a bantihai te giɗfèk – i nja nengaʼa ɓai;

Deutéronome 28:15

Aman ka da fi gèɗ a daʼai Ndo nzi pèc pècèk, Zhiklè ngaya, azɓai, a ka gi ara ma nkwèr nengaʼa tèlèba a ma kita nengaʼa tèlèba man i njè ka a patsna, azɓai, na haha a phomda ka te skwi tèlèba:

Deutéronome 6:15

te man Ndo nzi pèc pècèk, Zhiklè ngaya, te ndev ngaya, Zhiklè srak. Man ɓai ndav Ndo nzi pèc pècèk a da vècè ara vogwa, a da zedka kinè auda a gèɗ herkeda.

Juges 2:14

A ndza na a ndav a Ndo nzi pèc pècèk a vata a géɗ ndohi Israel, a mpe ta a ri a ndohi metsarhai, a ta helama ta skwi a metsar, a mpre ta ma a ri a mayamhi a tsagi tengaʼa, a ta slaha ta njèl va a sam mayamhi ta ɓai.

Juges 2:20

A Ndo nzi pèc pècèk a ngu ndav holholaʼa a géɗ ndohi Israel, a ngaɗa: A géɗ man ndohi ta tawaɗaha nderzlè-ma ga, man i njè ta a gèɗ babhi ta, a ta fu gèɗ a ma ga ɓai,

I Samuel 12:25

Aman kin da gu skwi ambaɓiaʼa, kinè a bi kinè tèlèba kin gédèsh kinè.