Josué 23:14 - Ma Zhiklè

¹⁴ Na haha anai i da metsi ga, ara ndohi herkeda tèlèba. Gar haha va-huro a géɗ kinè, te nshèffè kinè: te ma man amba tèlèba man Ndo nzi pèc pècèk, Zhiklè kinè, a mpasla kinè rai, ko staɗ a nkalahi ɓai. Skwi man a mshkè a sam kinè ɓi ba, azɓai. Ko ma staɗ azɓai, man a nʼnga ɓai.

Josué 23:14 ပူးပေါင်းရင်းမြစ်များ

Genèse 47:29

A pats mʼmetsi nengaʼa a mshkè, a mbaha na Joseph, kra na, a ngaɗa na: Aman ka woy iyè, taraha zlazlar ga! Gu skwi nzuraʼa a sam ga, a ka riyè te kokwar Egypte ɓai.

I Rois 2:2

I da metsi ga ara ndohi tʼherkeda tèlè mènè. Mana ndav ngaya ara nguraʼa!

I Rois 8:56

I shid gèɗ a Ndo nzi pèc pècèk, man a va ta gumai a ndohi Israel, ndohi nengaʼa, ara ma nengaʼa man a goɗ tèlèba. Skwi man a mpasla nga rai te ma Moise, ɓèl na, tèlèba nʼnga ma, ko staɗ njèkahi ɓai.

Job 30:23

I suna, ka diyè a sam mʼmetsai, a sam man ndohi tèlèba ta da ɓicè va a pa.

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Ecclésiaste 12:5

Aman ndohi mɓer gai ta gudzai, a ndo nslagama a gurɓahai; a ngwozi nshidè ta jèkeda mizlinè, a géɗ man ta az a vata ɓai; a tengaʼa man ta pi di a nvakavar ta rka skwa azɓai;

Ecclésiaste 9:10

Mizlinè tèlèba man ka ngotso, gu dè te di wuɗi ngaya. A sam mʼmetsai, man ka da dè a pa, mizlinè azɓai, nhér skwi azɓai. Ta sun skwa ɓai, maya ngiɗè azɓai.

Ezéchiel 20:28

I de ta a kokwar man i mbaɗa ta a ri ngeda te zhiklè, man i woy a i va ta. A ta rka za tèlèba, wof ndizlimaʼa tèlèba, a ta zloho skwi ta a pa, a ta va na skwi ta a vri a pa, a ta feda skwi tengaʼa a pa man a zhkè amba, a ta bada skwi nsi a hi a pa.

Nombres 23:19

Zhiklè nara ndo ka bai, a cèkèlma azbai, kra-ndo ka bai, man a mindè ma na a deɓa. Skwi man a mpasla ri a pa, a rufaʼa azɓi dè? Ma man a ngoɗa, a giaʼa azɓi dè?

Luke 21:33

Gidfèk a herkeda ta ndiv ta. Aman ma ga a ndivè azɓai.

Hébreux 9:27

Ara man ndohi sèi ta bèzl ta pats ngiɗè staɗ ndèzl, te deɓ mʼmetsi ta, kita a zhè,

I Samuel 3:19

Samuel a grè a ma ma, a Ndo nzi pèc pècèk a zhè a sam nengaʼa, a ma nengaʼa tèlèba a fshèwa azbai, ko staɗ.