Josué 22:5 - Ma Zhiklè

⁵ Aman sèi kin jèjèr ma nkwèrè a ma kita Zhiklè, man Moise a njè kinè a gèɗ, zuraʼa, a kin woy Ndo nzi pèc pècèk, Zhiklè kinè, a kin jèjèr civèɗ nengaʼa pèc pècèk, a kin fi gèɗ a ma nkwèr nengaʼa, a kin gsa va a Zhiklè, a kin gi mizlinè nengaʼa a ndav tèlè, a nshèffè tèlè.

Josué 22:5 ပူးပေါင်းရင်းမြစ်များ

Psaumes 106:3

Mwuffè a sam tengaʼa man ta jèjèr ma kita, man ta gi skwi nzuraʼa pèc pècèk.

Psaumes 78:7

a tengaʼa ba ta pi ndav ta a Bi Zhiklè, a skwi man Zhiklè a gau da pca ta a gèɗ ɓai, a ta jèjèr ma nkwèr nengaʼa,

Exode 15:26

A ngaɗa: Aman ka jèjèr ma Ndo nzi pèc pècèk, Zhiklè ngaya, a nlèɓèslè, a ka gi skwi nzuraʼa a sam di nengaʼa, a ka jèjèr ma kita nengaʼa, i woy a i zlindaka ka matakwan man i zlinda a sam ndohi Egypte, azbai. Aman iyè, Ndo nzi pèc pècèk, i ndo madzaf ngaya.

Exode 20:6

A i va ta pombai a ndohi gozhèm gozhèm kumba, man ta woy iyè a ta gi ara ma ga.

Exode 23:13

Va-ɓür va kinè te skwi tèlèba man i njè kinè a gèɗ. Nzlembaɗ zhiklèhi ngiɗè ka slefu bai, da shkè auda te ma ngaya bai!

Exode 23:25

Va-gu mizlinè Ndo nzi pèc pècèk, Zhiklè kinè, a i pshè kinè ma a movar kinè a iyam nsi kinè, a i cè matakwan auda tèlèba a sam kinè.

Proverbes 4:23

A géɗ skwi tèlèba, ɓüro ndav ngaya, a nshèffè mbelaʼa a shkè auda te pa!

Esaie 55:2

Kin pi sulai a géɗ skwi man movar ka ɓi èhèmè? Kin gi mizlinè a géɗ skwi man a ngeza kinè hwaɗ azɓai èhèmè? Va-tsena ma ga, va-ndau skwi njènaha kinè leɓakaʼa, a ndav kinè nruɓa a skwi ngraʼa.

Jérémie 12:16

Aman te deɓaʼa ta slebi civèɗ ndohi ga, a ta mbèɗè a nzlembaɗ ga, a ta gaɗa: Ndo nzi pèc pècèk a zhè! Ara man ta senda ta ndohi ga a ta mbaɗa a nzlembaɗ Baal, i til ta a pa zaʼa, te ndev ndohi ga.

Matthew 22:37

Yèsu a ngaɗa na: Woy Bi Zhiklè ngaya a ndav ngaya tèlèba, a nshèffè ngaya tèlèba, a nhér gèɗ ngaya tèlèba.

Matthew 4:10

Aman Yèsu a ngaɗa na: Kazla ngay auda a tsagi ga, Sadan! Aman ta Windo te ɗèlèwèr Zhiklè: Sèi ka slébèrdè Bi Zhiklè ngaya staɗ genè, a ka gi mizlinè nengaʼa staɗ genè.

Matthew 6:24

Ɓèl azɓai, man a slaha a ngi mizlinè babgihi cèw. Gar a gi shèwa a nstaɗ, a woy ngiɗè a ndav na, gar a gshè va a nstaɗ, a nkwola ngiɗè. Kin slaha kin gi ɓèl Zhiklè a ɓèl skwi mèshèlè cèw ɓai.

Luke 1:74

Aman te deɓaʼa, aman nga mbel nga te ri ndohi mayamhi nga ma, a gi aman nga gi mizline nengaʼa a zlau ka ɓai,

Jean 12:26

Ndo man a woya a ntakahayè, sèi a dzadzar-kayè. A sam man iyè a pa, ndo ntakahayè ba a pa. Ndo man a takahayè, Bab ga a slébèrdèʼa.

Jean 14:15

Aman kin woy iyè a ndav kinè, va-fu gèɗ a ma nkwèr ga,

Actes 11:23

Nengaʼa, aman a mshkè, a nrka pombi Zhiklè, a wuffè, a bid ta tèlèba, aman ta nzi taraʼa a sam Bai Yèsu.

Actes 27:23

Aman a vaɗ haha gol Zhiklè, man iyè a nengaʼa, a i gi mizlinè nengaʼa, nzlatsa a tsagi ga,

Romans 1:9

Zhiklè, nengaʼa man i gi mizlinè nengaʼa a ndav ga tèlèba, a i njè ma mbelaʼa a géɗ kra nengaʼa, a suna, a gi malwuɗi a géɗ ga: i hér kinè pèc pècèk,

Romans 12:9

Va-woy ndo a vava, a nʼngwèdè ndo ka ɓai! Va-gu shèwa a skwi man ambaɓai, va-zleɓ a va a skwi man amba!

Romans 8:28

Aman nga suna, skwi tèlèba ta mbi a ma a ngi amba a sam tengaʼa man ta woy Zhiklè a ndav ta, a sam tengaʼa man Zhiklè a mpar ta, ara man a huro halaʼa.

Deutéronome 10:20

Sèi ka gi zlau Ndo nzi pèc pècèk, Zhiklè ngaya, a ka gi mizlinè nengaʼa, ka gshè va a vna, a ka mbèɗè a nzlembaɗ nengaʼa.

Deutéronome 11:1

Sèi kin woy Ndo nzi pèc pècèk, Zhiklè kinè, va-dzodzor ma bi nengaʼa, ma nkwèr nengaʼa, ma kita nengaʼa, a ma man a de kinè a vna, pèc pècèk.

Deutéronome 11:13

Aman kin da cinè ma nkwèr ga man i njè kinè a gèɗ a patsna, a kin woy Ndo nzi pèc pècèk, Zhiklè kinè, a kin gi mizlinè nengaʼa a ndav kinè tèlèba, a nshèffè kinè tèlèba,

Deutéronome 11:22

Aman kin jèjèr ma nkwèr haha, man i gaɗa kinè va-dzodzora, amba amba, a di na, a di na, a kin woy Ndo nzi pèc pècèk, Zhiklè kinè, a kin dè a civèɗ nengaʼa tèlèba, a kin gshè va a vna,

Deutéronome 13:4

Sèi ka jèjèr Ndo nzi pèc pècèk, Zhiklè ngaya, a ka gi zlau nengaʼa, a ka gi ara ma nkwèr nengaʼa a gaɗa, a ka tsena daʼa nengaʼa, a ka gso va a vna!

Deutéronome 4:29

Te pa kin da hèsh Ndo nzi pèc pècèk, Zhiklè kinè zaʼa. Aman kin da woyaʼa a ndav kinè tèièba, a nshèffè kinè tèièba, kin da ngècèʼa.

Deutéronome 4:4

Aman kinè man kin gso va a Ndo nzi pèc pècèk, Zhiklè kinè, a patsna ba kin nzi a nshèffè.

Deutéronome 4:6

Kin da jèjèrèʼa, a kin da gi arsa. Aman ndohi ta da rka maya kinè a zhè, kin sun skwai, aman ta da tsena ma nkwèr haha tèlèba, a ta gaɗa: Verzi ndohi mhur haha, ndohi maya, ndohi man ta sun skwai.

Deutéronome 4:9

Aman vo-huro, va-gu maya, a gèɗ nshèffè kinè! Skwi man kin rkaʼa, da pca kinè a gèɗ ɓai, da shkè auda te gèɗ kinè ɓai, a pats nshèffè kinè tèièba. Kin njè ta wudahi kinè, a wud wudahi kinè.

Deutéronome 5:10

A i va ta pombai a ndohi gozhèm gozhèm kumba, man ta woyè, a ta gi ara ma ga.

Deutéronome 6:17

Va-dzodzor ma nkwèr Ndo nzi pèc pècèk, Zhiklè kinè, ma nkwèr a ma nengaʼa man a de kinè a vna,

Hébreux 12:15

Va-gu maya a géɗ kinè, ko ndo staɗ da jèkeda pombi Zhiklè ɓai, da gu ara zluzlor wof nɗuzlekzlekaʼa, man a fcè, man a gedèshè gumai, a dzakaɓ kinè, a nlizhè mpi ndohi Zhiklè ɓai.

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

Josué 23:8

Aman va-gso va a Ndo nzi pèc pècèk, Zhiklè kinè, genè, ara man kin gau, ha patsna.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.

I Samuel 12:20

Samuel a ngaɗa ta ndohai: Kin gu zlau ɓai! Kin gu skwi ambaɓiaʼa haha tèlèba gokwèn; aman kin jèkeda civèɗ Ndo nzi pèc pècèk ɓai, aman va-gu mizlinè Ndo nzi pèc pècèk a ndav tèlè,

I Samuel 12:24

Aman sèi kin gi zlau Ndo nzi pèc pècèk, sèi kin gi mizlinè nengaʼa nlèbèslèa a ndav tèlèba. Kin rka skwi mbiaʼa man a ga kinè ɓi dè?

I Samuel 7:3

Samuel a ngaɗa ta ndohi Israel tèlèba: Aman kin menkada deɓa a sam Ndo nzi pèc pècèk a ndav tèlè, va-hulkoɗi zhiklèhi ngiɗè auda a sam kinè, a Astartéhai. Va-tila ndav kinè a sam Ndo nzi pèc pècèk, a kin tsu ri a nengaʼa stadgenè, aman a mbel kinè te ri ndohi Philistie.