Josué 22:28 - Ma Zhiklè

²⁸ Nga gaɗa: aman pats ngiɗè ta da gèdè arsa genè, nga slaha nga gaɗa ta: Va-pu dai a sam mvi skwi a Zhiklè, nlèmda a va sam mvi skwi a Ndo nzi pèc pècèk, man babhi nga ta gau, aman ta ndara na skwi ka ɓai, a ta zlaha na skwi ka ɓai, aman a géɗ man a gi malwudai te ndev nga, te ndev kine.

Josué 22:28 ပူးပေါင်းရင်းမြစ်များ

Genèse 31:48

A Laban a ngaɗa: Kwa mɓicaʼa a haha, skwi malwuɗai te ndev nga a ka. A géɗ nengaʼa a mbaha na Galed.

II Rois 16:10

Bi Achaz a ndo a kokwar Damas, aman ta zli gèɗ a Tiglath-Piléser, bi Assyrie, a nrka sam mʼmbèh skwai te Damas. A bi Achaz a nzlündo ndo a sam Urie, ndo mvi skwi a Zhiklè, a skwi nlèmdè sam mvi skwi a Zhiklè, a nlivèʼa tèlèba lèmèlèmè, da rom ngiɗè, da gu lèmèlèmè ara man a ngra na.

Exode 25:40

Gu maya, aman ka da gu skwi tèlèba lèmèlèmè ara skwi nlèmdèʼa man i da ngra ka a géɗ za.

Esaie 19:19

A pats nasa sam mvi skwi a Zhiklè a zhè te ndev kokwar Egypte, a kwa nzlatseda a Ndo nzi pèc pècèk a ma kuma tengaʼa.

Hébreux 8:5

Aman ta gi mizlinè skwi nlèmdè a mèzhèɓ skwi zhiklè te géɗèʼa genè, ara man Bi Zhiklè a gaɗa na Moise, man a gu gi nkezlaʼa: Gu maya, aman ka gi skwi tèlèba, a ka lèmdèʼa a skwi man i ngra ka a géɗ za.

Josué 22:27

aman da gu a skwi malwudai te ndev nga, te ndev kinè, te verzi wud wud nga, a nʼngra ta, ara man nga woy a nga gi mizlinè Ndo nzi pèc pècèk a skwi man nga ndara na, nga zlaha na a nga va na te nshid gèɗ. Te deɓaʼa wudahi kinè ta da gaɗa ta wudahi nga asaɓai: Ndo nzi pèc pècèk, Zhiklè kinè ka ɓai.

Josué 22:29

Aʼai, nga woy a nga Sala na va a gèɗ a Ndo nzi pèc pècèk azɓai. Nga woy a nga jèkeda Ndo nzi pèc pècèk a patsna azɓai. Nga rèm sam mvi skwi a Zhiklè azɓai, aman nga ndara na a nga va na a nga zlaha na skwi a Zhiklè a sam ngiɗè, a tsagi sam mvi skwi a Ndo nzi pèc pècèk, Zhiklè nga, man a zhè a ma gi nengaʼa.

Josué 24:27

Josué a ngaɗa ta ndohi tèlèba: Na haha, kwa haha a gi a skwi malwuɗai a sam kinè; ma Ndo nzi pèc pècèk tèlèba man a gaɗa nga, a goɗ a samaʼa; gar haha a da gi a skwi malwudai a sam kinè, a kin da ngwoda Zhiklè kinè ɓai.