Josué 22:19 - Ma Zhiklè

¹⁹ Aman kin huro, herkeda man kin ngotso, nlizhèa a sam di Zhiklè, vo-washkè auda a kokwar man a Ndo nzi pèc pècèk, man gi Zhiklè a zhè a pa, va-nza a va nga; aman kin Sala na va a gèɗ a Ndo nzi pèc pècèk ɓai, kin Sala nga va a gèɗ ɓai, a kin rom sam mvi skwi a Zhiklè ngiɗè a tsagi sam mvi skwi a Ndo nzi pèc pècèk, Zhiklè nga, ɓai!

Josué 22:19 ပူးပေါင်းရင်းမြစ်များ

II Chroniques 11:13

Ndohi mvi skwi a Zhiklè a ndohi Lévi te Israel tèlèba a sam ta tèlèba ta gu mizlinè nengaʼa.

Exode 15:17

Ka de ta a pa, a ka geda ta a géɗ za ngaya, a sam man ka, Ndo nzi pèc pècèk, ka gu a sam nʼnzi ngaya, a sam nkezlaʼa, Ndo nzi pèc pècèk, man ri ngaya a mpau.

Daniel 10:13

Bigol kokwar Perse a nslambaɗkay a va mʼmèn 21. Micael, tsuvomaʼa te va golahi Zhiklè, a mshkè a ntakahayè, a i jèkeda a pa a sam bihi Perse.

Amos 7:17

Gar haha Ndo nzi pèc pècèk a gaɗa: ngwoz ngaya a da ndi a fali ngwoz te kokwar. Wudahi ngaya a dalahi ngaya ta da bèzl ta a tsakwal. Herkeda ngaya ta da liva ka a ri a teɓa, a ta va na ndo ngiɗè. Ka, ka da metsi ngaya a kokwar ndohi nte deɓa. A ndohi Israel sèi ta da jèkeda kokwar ta, a ta da gi ɓèlè a kokwar ngiɗè.

Josué 18:1

A mpi ndohi Israel ta ɓicko va a Silo. A pa, ta til gi Zhiklè nkezlaʼa. To do aman ta dumda herkeda a ma.

Josué 22:11

Ndohi Israel ta tsenaʼa, ara man ndohi ta gaɗa: Na haha ndohi Ruben, ndohi Gad, a rèta verzi ndohi Manassé ta rom sam mvi skwi a Zhiklè, zuraʼa a ma kokwar Canaan, a sam Geliloth, a ma woyam Jourdain, te civèɗ man ndohi Israel ta te pa.