Josué 21:8 - Ma Zhiklè

⁸ Aranta ndohi Israel ta kezla ta ndohi Lévi, a jimèr, kokwarhi mbibihiaʼa a haha, a dak, ara man Ndo nzi pèc pècèk a njè ta te ma Moise.

Josué 21:8 ပူးပေါင်းရင်းမြစ်များ

Genèse 49:5

Siméon a Lévi, kinè a kramama, skwi var kinè a ndi na a skwi horai.

Genèse 49:7

Ndzoan tengaʼa mbiaʼa, mphomdaʼa. Shèwa tengaʼa ambaɓiaʼa. I woy a i kezleka ta auda te va ndohi Jacob, a i ksar ta te Israel.

Proverbes 16:33

Ta gu jimèr tʼhwaɗ rai, a Ndo nzi pèc pècèk a ntilko maʼa tèlèba.

Proverbes 18:18

Gèjau a ndev na a jimèr, a kezla ta gèɗ a ndohi mbèzl va.

Nombres 32:2

A ndohi Gad a ndohi Ruben ta shke a sam Moise a Eléazar, ndo mvi skwi a Zhiklè, a sam tsuvom mpi ndohai, a ta gada ta:

Nombres 33:54

Va-kezla kokwar a va ndohi gi kinè, a jimèr. Ndohi man verzi ta a vata, kin va ta skwi nʼndi gi a vata; a ndohi man verzi ta az a vata bai, skwi nʼndi gi az a vata bai. Staɗ staɗ a ngècèʼa, ara man jimèr a kala na gèɗ. Va-kezla kokwar a va kinè, ara ndohi gi te verzi kinè.

Nombres 35:3

Kokwar, aman ta nzi a pa, sam mwèr skwi a tsagiaʼa, a skwi ta, a kolongwi, a skwi ngwi tèlèba.

Josué 18:6

Te deɓaʼa va-bazla kuma, a kin ngela kokwar a gi sam 7, a kin windokoɗa, a kin ckoɗa a sam ga, a i woy a i ga kinè jimèr haha a sam di Ndo nzi pèc pècèk, Zhiklè nga.

Josué 21:3

A ndohi Israel ta vata ndohi Lévi, a skwi nʼndi gi tengaʼa, ara man Ndo nzi pèc pècèk a njè ta ma a gèɗ, kokwarhi haha, a dak tengaʼa:

Josué 21:7

Ndohi Merari a ndohi gi ta, te verzi Ruben, te verzi Gad, te verzi Zabulon, ta ngots kokwarhi mbibihiaʼa 12 a jimèr.

Josué 21:9

A ndohi te verzi Juda, a ndohi te verzi Siméon, ta va ta kokwarhi, man nzlembaɗ ta a zhè.