Josué 21:34 - Ma Zhiklè

³⁴ Ndohi gi Mérari, njèkèdi ndohi Lévi, ta ngotso: a sam ndohi te verzi Zabulon: Jokneam, a sam dak a tsagiaʼa; Kartha, a sam dak a tsagiaʼa;

Josué 21:34 ပူးပေါင်းရင်းမြစ်များ

I Chroniques 6:48

A ndohi Lévi, gwoli ta, ta pa ta mizlinè, te gi Zhiklè tèlèba a rai.

I Chroniques 6:63

Wudahi Merari, ara verzi ta, ara verzi ta, ta ngots kokwar 12 te ri ndohi te verzi Ruben, te verzi Gad, te verzi Zabulon, a jimèr.

I Chroniques 6:77

A njèkèɗi ndohi Lévi, a wudahi Merari, ta va ta: te ri ndohi te verzi Zabulon, Rimmono a sam-dak a tsagiaʼa, Thabor a sam-dak a tsagiaʼa.

Josué 12:22

Bi Kédesh, staɗ; bi Jokneam, te Carmel, staɗ.

Josué 19:11

Te deɓaʼa a dè man a nkèl pats, a Mareala, a lama na Dabbésheth, a sam dzurv iyam man a hi a ma Jokneam.

Josué 19:15

A nda Katthath, Nahalal, Shimron, Jideala, Bethléhem, kokwarhi mbibihiaʼa 12 a kokwarhi tengaʼa nkèshèa.

Josué 21:33

Kokwarhi tèlèba man a ndohi Guershon: 13, a sam dak a tsagi ta.

Josué 21:35

Dimna, a sam dak a tsagiaʼa; Nahalal, a sam dak a tsagiaʼa: kokwarhi 4.

Josué 21:7

Ndohi Merari a ndohi gi ta, te verzi Ruben, te verzi Gad, te verzi Zabulon, ta ngots kokwarhi mbibihiaʼa 12 a jimèr.