Josué 2:9 - Ma Zhiklè

⁹ I suna, Ndo nzi pèc pècèk a va kinè kokwar haha. Aman kin pa nga zlau a gèɗ, a ndav ndohi kokwar haha tè-lèba a mbedè a géɗ kinè.

Josué 2:9 ပူးပေါင်းရင်းမြစ်များ

Genèse 35:5

Te deɓaʼa ta slambaɗa. A zlau Zhiklè a ndza ta ndohi kokwar tèlèba, a ta dzar ta wudahi Israel ɓai.

II Samuel 17:10

Te deɓaʼa ko ndo slagama holholaʼa, man a gi zlau azɓai ara marizhèlè, ndav nengaʼa a mbedè. Aman ndohi Israel tèlèba ta suna, bab ngaya ndo ngul skwai, ndohi nengaʼa ndohi slagama.

II Rois 5:15

A Naaman a mʼmenkaɗa deɓa a sam ndo Zhiklè, a golahi nengaʼa tèlèba ta zlatsa a sam na. A ngaɗa na: Anai i suna, Zhiklè ngiɗè azɓai tʼherkeda, sèi Zhiklè te Israel. Anai co skwi mbalai te ri ɓèl ngaya!

II Rois 7:6

Bi-Zhiklè a ngau a ta tsena nhèzlèwè kiki var a sam sak plèshihai a nguzli var mbiaʼa, a ta goɗ a va ta: Bi Israel a mbaha ta bihi Heth a bihi Egypte, a ta humda a ta da dum nga!

Néhémie 6:16

Aman mayamhi nga tèlèba ta tsenaʼa, ndohi nte deɓa man ta zhè a tsagi nga tèlèba ta gi zlau, hori a keɗ ta. Ta suna, nga rufa mizlinè nga, a gèɗ man Zhiklè nga a takaha nga.

Esther 8:17

Te kokwar staɗ staɗ tèlèba, a sam staɗ staɗ tèlèba, man ma bai a ndika a pa, ndohi Juif ta wuffè, ndav ta langlangaʼa, ta gu ngolala, ta ɓica a sam skwi nʼndai. Ndohi kumba te va ndohi nte deɓa ta nde ta a Juifhai. Zlau ndohi Juif a ndza ta.

Job 19:25

Iyè i suna, ndo nʼnzakay a deɓa a zhè a nshèffè, nengaʼa ndi-kè-ma ndo a géɗ herkeda.

Psaumes 112:10

Ndo ambaɓiaʼa a nrkaʼa, ambaha ɓai, a pedi rai, a gédèsh na. Skwi man ndohi ambaɓihiaʼa ta woyaʼa, a gédèsh na.

Psaumes 115:16

Giɗfèk, skwi Ndo nzi pèc pècèk; aman herkeda, a va ta a ri a wud ndohai.

Exode 18:11

Anai i suna, Ndo nzi pèc pècèk mbiaʼa, a fena zhiklèhi ngiɗè tèlèba. A géɗ man ndohi Egypte ta gra gèɗ ta aranta, a mpre ta ndohi auda te ri ta.

Exode 23:27

A sam tèlèba man ka dè a pa, ta gi zlau ngaya; zlau ngaya a da dzakabama ta gèɗ a ndohi tèlèba man ka ndi-kè a sam ta, a ndohi mayamhi ngaya tèlèba ta hi ta auda a sam ngaya.

Ecclésiaste 8:12

Ndo malai a gi mali kumba kumba, a nzi a nshèffè genè. Aman i suna, tengaʼa man ta gi zlau Zhiklè ta da nzi amba, a géɗ man ta gi zlauaʼa.

Esaie 19:1

Nhèdè ma a géɗ Egypte. Na haha, Ndo nzi pèc pècèk a shkè a géɗ vanai man kozlar a hèdèʼa, a dè a kokwar Egypte. Vrihi Egypte ta gudzai a sam nengaʼa, a ndav ndohi Egypte a mʼmbeɗ na.

Esaie 23:5

Aman ndohi Egypte ta da cinèʼa, ta da gudzai a géɗ skwi man nʼnga na Tyr.

Jérémie 27:5

Iyè i gau herkeda, ndo a skwi dak man ta zhè a géɗ herkeda. I gau a ri man wuɗi na zhè, a i va na herkeda a ndo man i woyaʼa.

Nahum 2:10

Va-gu metsar verzhègenè, va-gu metsar guro! Skwi mèshèlè a ndev ɓai. Kolongwi nengaʼa mbelaʼa a zhè a vata.

Nombres 20:14

Moise a nzlinde ta ndohi sak te Kades a sam bi Edom: Israel, kramam ngaya, a gada ka: Ka sun skwi mwuɗitpa tèlèba man a ga nga.

Nombres 20:24

Aaron a dè a va babhi na; nengaʼa do do a kokwar man i da va ta ndohi Israel ɓai, a gèɗ man kin gu mèdègèɗ a sam ga, a sam iyam Meriba.

Matthew 20:15

Aman i gu skwi man amba, ka gi srak a vna dè?

Deutéronome 11:25

Ndo da Sala kinè va a gèɗ ɓai! Ndo nzi pèc pècèk, Zhiklè kinè a da pra ta zlau a va a géɗ kinè, a kokwar tèlèba man kin dè dè a pa, a gudzi a géɗ kinè, ara man a mpasla kinè rai.

Deutéronome 2:25

I da pa ta zlau a gèɗ a ndohi a géɗ herkeda tèlèba, a ta gudzi a sam ngaya. Aman ta da tsena labar ma ngaya, ta da gi zlau a ta gudzi langa.

Deutéronome 28:10

Ndohi herkeda tèlèba ta da rkaʼa, nzlembaɗ Ndo nzi pèc pècèk a zhè a sam ngaya, a ta da gi zlau ngaya.

Deutéronome 32:8

Aman Zhiklè te géɗèʼa a kezla ta skwi a ndohi herkeda, a ngel ta ndohi Adam, a pa ta kuma a ndohi herkeda, a ɗèlè ta ndohi Israel ara mʼmèn ta,

Hébreux 11:31

A géɗ ncè-a-ndav ta keɗa Rahab, fali ngwoz, a nda ndohi ncè a ndav ɓi ɓai, te man a mpe ta ndohi nzeɓi kokwar a gai a gumai.

Josué 2:11

Aman nga tsena ma haha, ndav nga a mʼmbeɗ na, a kin pra nga zlau a va. Aman Ndo nzi pèc pècèk, Zhiklè kinè, nengaʼa Zhiklè te zhiklè te géɗèʼa, a Zhiklè a géɗ herkeda ba.

Josué 2:24

Ta gaɗa: Ndo nzi pèc pècèk a mva nga kokwar tèlèba a ri a nga; ndohi kokwar ta gi zlau nga.

Josué 2:8

Aman ndohi nzeɓi kokwar matsa ta manahi di ɓai. A ngwoz a nteva a sam ta, a ngaɗa ta:

Josué 5:1

Aman bihi Amor tʼwud woyam Jourdain, te civèɗ nkèl pats tèlèba, a bihi Canaan a ma iyam mbiaʼa, ta tsenaʼa, ara man Ndo nzi pèc pècèk a ngwora iyam woyam Jourdain a ma ndohi Israel, ha ta tawaɗa woyam Jourdain ma, ndav tengaʼa a mʼmbeɗ na. Zlau a ndza ta a sam ndohi Israel.

Josué 6:2

A Ndo nzi pèc pècèk a ngaɗa na Josué: Na haha, kokwar Jéricho, a bi nengaʼa, a ndohi var, slagamhi nengaʼa tèlèba, i va ka a ri a ka.

Josué 9:10

skwi tèlèba man a nʼnga ta bihi ndohi Amor cèw, Sihon, bi Hesbon, a Og, bi Basan, man ta nza te wud woyam Jourdain, te Ashtaroth.

Josué 9:24

A ta mbeɗa na ma a Josué: ɓèlèlihi ngaya ta tsenaʼa, ara man Ndo nzi pèc pècèk, Zhiklè ngaya, a njè na ma a gèɗ a Moise, ɓèl na: i da va kinè kokwar tèlèba; a ndohi kokwar tèlèba ta da bazl ta a ma kinè, ar na. A nga gi zlau nshèffè nga a sam kinè, a nga gokoɗ ar haha.

Josué 9:9

A ta gaɗa na: Nga shhkè te kokwar dra, nga ɓèlèlihi ngaya, a nga shkè a nzlembaɗ Ndo nzi pèc pècèk, Zhiklè ngaya. Nga tsena labar ma nengaʼa a skwi tèlèba man a ngu te kokwar Egypte,

Juges 7:14

Mandal nengaʼa a mʼmbeɗa na a ma: Nasa tsakwal Gédéon, kra Joas, ndo Israel. Bi Zhiklè a mpe ta ndohi Madian a kokwar tèlèba a ri a nengaʼa.