Josué 2:10 - Ma Zhiklè

¹⁰ Nga tsenaʼa, ara man Ndo nzi pèc pècèk a ngwora woyam mbiaʼa a ma kinè, a pats man kin shkè auda te kokwar Egypte; a nga tsena skwi man kin ga ta Sihon a Og, bihi ndohi Amor, te wud woyam Jourdain, man kin bazl ta.

Josué 2:10 ပူးပေါင်းရင်းမြစ်များ

Psaumes 74:15

Ka winè nlèlè iyam a wurrihai, ka gwora woyam mbiaʼa.

Nombres 20:14

Moise a nzlinde ta ndohi sak te Kades a sam bi Edom: Israel, kramam ngaya, a gada ka: Ka sun skwi mwuɗitpa tèlèba man a ga nga.

Nombres 23:22

man a helka ta auda te kokwar Egypte, wuɗi na zhè ara wuɗi kevar.

Nombres 24:8

Aman Zhiklè a nckoɗauda te kokwar Egypte, wuɗi nengaʼa ara wuɗi kevar. A nʼnde ta ndohi herkeda, mayamhi nengaʼa, a ma, a nkerda vatasl tengaʼa, a ntsede ta ndohi nʼnga na matakwan, a hai.

Deutéronome 2:30

Aman Sihon, bi te Hesbon, a woya a va nga civèɗ ɓai. Ndo nzi pèc pècèk, Zhiklè ngaya, a nsala na gèɗ na, a nsassaya ndav na, a woya a nva ka a ri a ka.

Josué 24:12

I zlinda mangavar zlè a ma kinè, man ta dzam ta bihi Amor cèw. Kin gu a tsakwal kinè ka ɓai, a lèkèɗ kinè ka ɓai.

Josué 4:24

A ndohi a gèɗ herkeda tèlèba da suna, wuɗi ri Ndo nzi pèc pècèk a zhè, a kin gi zlau Ndo nzi pèc pècèk, Zhiklè kinè, a mèdèp.

Josué 5:1

Aman bihi Amor tʼwud woyam Jourdain, te civèɗ nkèl pats tèlèba, a bihi Canaan a ma iyam mbiaʼa, ta tsenaʼa, ara man Ndo nzi pèc pècèk a ngwora iyam woyam Jourdain a ma ndohi Israel, ha ta tawaɗa woyam Jourdain ma, ndav tengaʼa a mʼmbeɗ na. Zlau a ndza ta a sam ndohi Israel.

Josué 9:10

skwi tèlèba man a nʼnga ta bihi ndohi Amor cèw, Sihon, bi Hesbon, a Og, bi Basan, man ta nza te wud woyam Jourdain, te Ashtaroth.