Josué 18:7 - Ma Zhiklè

⁷ Aman ndohi Lévi ta ngècè skwi a sam kinè azɓai, te man mizlinè mvi skwi a Zhiklè te ri ta, nasa nʼndi gi tengaʼa. A Gad, Ruben a ndohi Manassé rètaʼa ta ngots skwi nʼndi gi tengaʼa te wud woyam Jourdain, te civèɗ mvèng pats, man Moise, ɓèl Ndo nzi pèc pècèk, a mva ta.

Josué 18:7 ပူးပေါင်းရင်းမြစ်များ

Nombres 18:20

Te deɓaʼa Ndo nzi pèc pècèk a ngaɗa na Aaron: Ka ngècè skwi nʼndi gi te kokwar haha azbai; skwi ngaya a te ndev tengaʼa bai. Iyè skwi ngaya; iyè skwi nʼndi gi ngaya te va ndohi Israel.

Nombres 18:23

Sèi ndohi Lévi man ta gi mizlinè te gi nkezlaʼa, a mali man ta gi asam gi nkezlaʼa, ma tengaʼa. Nasa ma nkwèr a sam kinè a ndohi te verzi kinè a mèdèp. Gar haha skwi nʼndi gi tengaʼa azbai a sam ndohi Israel.

Nombres 18:7

Kinè a wudahi ngaya, kin nzi a sam mizlinè mvi skwi a Zhiklè kinè. Mizlinè a sam mvi skwi a Zhiklè, a mizlinè tʼhwaɗaʼa, te gi nkezli nkezlaʼa, kinè, kin giaʼa. I va kinè mizlinè mvi skwi a Zhiklè a rai. Aman ndo ngiɗè man i fa a mizlinè ɓai, a da herda na va, sèi ta keɗaʼa.

Deutéronome 10:9

A géɗ nengaʼa ndohi Lévi ta ngots skwi nʼndi gai ara kramamhi tengaʼa ɓai. Ndo nzi pèc pècèk, nengaʼa skwi nʼndi gi tengaʼa, ara man Ndo nzi pèc pècèk, Zhiklè ngaya, a gaɗa na.

Josué 12:6

Moise, ɓèl Ndo nzi pèc pècèk, a ndohi Israel, ta gu a ngul ta. A Moise, ɓèl Ndo nzi pèc pècèk, a mpe ta a ri a ndohi Ruben a Gad a ndohi te verzi Manassé rètaʼa.

Josué 13:33

Moise a mva ta skwi nʼndi gi a ndohi te verzi Lévi bai. Ndo nzi pèc pècèk, Zhiklè Israel, nengaʼa skwi nʼndi gi tengaʼa, ara man a gaɗa ta.