Josué 18:6 - Ma Zhiklè

⁶ Te deɓaʼa va-bazla kuma, a kin ngela kokwar a gi sam 7, a kin windokoɗa, a kin ckoɗa a sam ga, a i woy a i ga kinè jimèr haha a sam di Ndo nzi pèc pècèk, Zhiklè nga.

Josué 18:6 ပူးပေါင်းရင်းမြစ်များ

Psaumes 105:11

A ngaɗa: I woy a i va ka kokwar Canaan a skwi nʼndi gi ngaya.

Proverbes 16:33

Ta gu jimèr tʼhwaɗ rai, a Ndo nzi pèc pècèk a ntilko maʼa tèlèba.

Proverbes 18:18

Gèjau a ndev na a jimèr, a kezla ta gèɗ a ndohi mbèzl va.

Nombres 33:54

Va-kezla kokwar a va ndohi gi kinè, a jimèr. Ndohi man verzi ta a vata, kin va ta skwi nʼndi gi a vata; a ndohi man verzi ta az a vata bai, skwi nʼndi gi az a vata bai. Staɗ staɗ a ngècèʼa, ara man jimèr a kala na gèɗ. Va-kezla kokwar a va kinè, ara ndohi gi te verzi kinè.

Nombres 34:13

A Moise a mfa ta ma a gèɗ a ndohi Israel ar haha: Nasa kokwar man kin da kezli a va kinè a jimèr, man Ndo nzi pèc pècèk a gada a da va ta ndohi te verzi Israel tsaɗ tsaɗ, verzi 9 a rètaʼa.

Actes 13:19

A ngedassa ndohi kokwar-bi tsaraɗ te kokwar Canaan, a nkezla ta kokwar, a mva ta a ri ta.

Josué 14:2

Ta ngots skwi nʼndi gai a jimèr, ara man Ndo nzi pèc pècèk a njè ta te ma Moise, a verzi Israel 9, a verzi ngiɗè rètaʼa.

Josué 18:10

A Josué a ngu jimèr tengaʼa te Silo, a sam di Ndo nzi pèc pècèk. A pa Josué a nkezla ta kokwar a ndohi Israel, staɗ staɗ a nʼngots difi na.

Josué 18:7

Aman ndohi Lévi ta ngècè skwi a sam kinè azɓai, te man mizlinè mvi skwi a Zhiklè te ri ta, nasa nʼndi gi tengaʼa. A Gad, Ruben a ndohi Manassé rètaʼa ta ngots skwi nʼndi gi tengaʼa te wud woyam Jourdain, te civèɗ mvèng pats, man Moise, ɓèl Ndo nzi pèc pècèk, a mva ta.

Josué 18:8

A ndohi ta slambaɗa a to do. A tengaʼa man to do, Josué a njè ta ma a gèɗ, aman ta windè herkeda, a ngaɗa ta: Vo-do, va-beza a ndev kokwar, va-windokoɗa, a kin shkè a deɓa a sam ga! I da gi jimèr a haha a géɗ kinè, a sam di Ndo nzi pèc pècèk, te Silo.