Josué 13:8 - Ma Zhiklè

⁸ Rèta ngiɗè, a ndohi Ruben a ndohi Gad, da ngots a skwi nʼndi gi tengaʼa, man Moise a va ta, te wud woyam Jourdain, te civèɗ mvèng pats. Ta ngotso ara man Moise, ɓèl Ndo nzi pèc pècèk, a va ta.

Josué 13:8 ပူးပေါင်းရင်းမြစ်များ

Nombres 32:19

Aman nga woy skwi nʼndi gi te wud woyam Jourdain, ko a ndè a ma ma, asaɓai. Skwi nʼndi gi nga, nga ngots te wud nana, te civèɗ mvèng pats.

Deutéronome 3:8

Te ndev nasa nga helama ta kokwar te wud woyam Jourdain, a hinè te woyam Arnon, ha ndè a za Hermon, te ri bihi ndohi Amor cèw.

Josué 12:1

Na haha bihi kokwar man ndohi Israel ta bazl ta, a ta duma kokwar tengaʼa, te wud woyam Jourdain, te civèɗ mvèng pats, a hinè a ma woyam Arnon, ha ndè za Hermon, a vara tèlèba te civèɗ mvèng pats.

Josué 12:6

Moise, ɓèl Ndo nzi pèc pècèk, a ndohi Israel, ta gu a ngul ta. A Moise, ɓèl Ndo nzi pèc pècèk, a mpe ta a ri a ndohi Ruben a Gad a ndohi te verzi Manassé rètaʼa.

Josué 13:7

Antanta, kezla kokwar haha a skwi nʼndi gai a ndohi te verzi ndohi Israel 9, a verzi Manassé rètaʼa.

Josué 13:9

A hinè te Aroer, a ma dzurv iyam Arnon, a nda kokwar mbiaʼa te ndevaʼa, a dal Médéba tèlèba, ha ndè Dibon;

Josué 22:4

Antanta Ndo nzi pèc pècèk a mva ta nshèk va a kramamhi kinè, ara man a pasla ta rai. Gar haha, va-men kinè a deɓa, vo-do a gi kinè, a kokwar man a kinè, nengaʼa man Moise, ɓèl Ndo nzi pèc pècèk, a mva kinè te wud woyam Jourdain.

Josué 4:12

Ndohi Ruben, ndohi Gad, a ndohi Manassé rètaʼa, to do a ma, a skwi var a va, ga ndohi Israel ta shkè, ara man Moise a gaɗa ta.

I Samuel 13:7

Ndohi ngiɗè ta tèwèɗè woyam Jourdain, a to do a kokwar Gad a Galaad. Saul te Guilgal dai. A ndohi man a tsagi na tèlèba ta gi zlau.