Josué 13:3 - Ma Zhiklè

³ a hinè te Shichor, zuraʼa a ma kokwar Egypte, ha ndè a kokwar Ekron, te civèɗ man a géɗèʼa, man ta ngra na a va kokwar Canaan, man bihi Philistie 5; bi Gaza, bi Asdod, bi Askalon, bi Gath a bi Ekron ta gi bi te pa; a ndohi Avvi;

Josué 13:3 ပူးပေါင်းရင်းမြစ်များ

Genèse 10:6

Na haha wudahi Cham: Cush, Mitsraim, Puth a Canaan.

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

I Rois 8:65

Aranta Salomon a ngau ngolala, a ndohi Israel tèlèba. Ndo nhayaʼa kumba, a hinè te Hamath, ha ndè a ma woyam Egypte, a sam di Ndo nzi pèc pècèk, Zhiklè nga, mʼmèn tsaraɗ.

I Chroniques 13:5

David a mɓic ta ndohi Israel tèlèba, a hinè te Shichor te Egypte, ha ndè a kokwar Hamath, aman ta ckoɗi koti Zhiklè a deɓa te Kirjath-Jearim.

Esaie 23:3

Ndohi sak kinè to do a wurom a ta sawala a géɗ iyam tsaɗ tsaɗ. Skwi man ta gi gani a vna, ta ngotsko a ma woyam Nil, ta ɓickoɗa te woyam Nil, a ta pra ta ndohi herkeda.

Jérémie 2:18

Anai a takaha ka te mè, aman ka hi a kokwar Egypte, a ka si iyam te woyam Nil? A takaha ka te mè, aman ka hi a kokwar Assyrie, a ka si iyam te woyam Euphrate?

Deutéronome 2:23

A ndohi Avvi ba, man ta nza te kokwar Gaza, ndohi te verzi Caphtor, ta zede ta, a ta nza a sam nʼnzi ta.

Josué 13:13

Aman ndohi Israel ta dzam ta ndohi Gueshur a Maacath ɓai. Ndohi Gueshur a ndohi Maacath ta nza te ndev ndohi Israel, ha patsna.

Juges 16:5

Bigolahi Philistie to do a sam na, a ta gaɗa na: Büdko na ma auda tʼhwaɗ, a ka suna, wuɗi nengaʼa mbiaʼa sa a shkè te mè? A nga slaha a nga fenaʼa. Nga da dzawaʼa, a nga gi ngula a géɗ nengaʼa. Staɗ staɗ tèlèba te va nga a da va ka Suli gozhèm gozhèm.

Juges 3:3

Ndohi herkeda haha: bihi Philistie 5, ndohi Canaan tèlèba, ndohi Sidon, Hévi man ta nza te za Liban, a hinè te za Baal-Hermon, ha ndè Hamath.

I Samuel 5:1

Aman ndohi Philistie ta ceda koti Zhiklè a ma, ta ckoɗa deɓa te Eben-Ezer, a ta daʼa a Asdod.

I Samuel 5:10

Te deɓaʼa ta da koti Zhiklè a kokwar Ekron. Aman koti Zhiklè a mshkè a kokwar Ekron ma, ndohi Ekron ta kuɗai: Ta ckoɗi koti Zhiklè a sam nga, ta woy a ta bazl nga a ndohi nga tèlèba a vna!

I Samuel 5:8

A ta baha ta bihi Philistie tèlèba a ta ɓic ta a sam ta, a ta gaɗa: Nga da ga na koti Zhiklè Israel kè? A ta mbeda ta a ma: Koti Zhiklè sèi da daʼa a kokwar Gath. A ta da koti Zhiklè Israel a pa.

I Samuel 6:4

Ta gaɗa: Nga pil gèɗ a verziaʼa a mè? Ta mbeda ta a ma: Skwi nlèmdè a mblè zlam, nʼngaʼa a guro, a koʼom guro zlam, nara nʼngér bihi Philistie. Aman matakwan lèmèlèmè a ga kinè a bihi kinè.